A man a fawi bikmi luxury – Cruise/Voyage- The cheapest luxury

Mi tam deuh cu khuasik ah cruise kal an duh tuk lo, nikhua a chia pah tawn i tinbaw cit a ri mi caah cun kal a nuamh bik caan cu a si lo hen ta. Australia ummi ka nau a kan tlawn lio ah atu bantuk lio caan ah hin kan hawi le he kan rak kal i tuah kan i timhmi vialte tuah kho lo i zaanttim ah sanpoih chuan cio bak khi si. Tutan kan kal hi December 26 bak a si i nikhua a chia ngai te lai ti ka ruah bu tein kaa thawh. Oslo lei ka hawi le he ttha tein kan um tti lo nak a sau tuk i hawi le ruah bak ah khin mu.

12506946_10156365684525263_1739498629_n
24 hours cruise from Oslo, Norway to Fredrikshavn, Denmark. (leaves Oslo at 7:30PM in the evening, arrives in Fredrikshavn the next morning around 7am, leaves Fredrikshavn at around 9AM and arrives in Oslo around 6:30 PM)

Christmas biakinn kan riah dih, biakinn thianh dih in ka u Henry inn, Oslo in zaanlei suimilam 7:30PM a tlin ka hngah. Oslo in a cruise a kalmi tinbaw a ngan pipi pahnih (ka theih tawk), Color Line le Stena Line a um. Cruise hi suimilam 24 a kalmi, 36 a kalmi ti in a um. Denmark a kalmi, Germany a kalmi, Poland le the Baltic States (Estonia, Latvia, Lithuania) ah a kalmi a um. Oslo a ummi Laimi kan kal bikmi cu Denmark ah suimilam 24 chung a kalmi hi a si. Zaanlei 7:30 PM ah Oslo in aa thawh i Denmark, Fredrikshavn ah zingka 7:30AM hrawng ah a phan. Suimilam tlawm te aa din i zingka 9:15AM hrawng ah Denmark in Oslo ah a kir tthan i zaanlei 18:30 hrawng ah Oslo a phan tthan. Duh ahcun cam khawh a si hen ta.

Color Line hi ka kal bal lo. Stena Line ka kal hi a voi 3nak a si. Ka kal hmasa bik hi kan bu pawl Denmark ah Gospel kan kal lio ah a si, summer ah a si i mirang khuhlu bak khi kan i ken i a nuamh ning hi. Stene Line hi dot 10 hrawng a um i a phunphun tuah ding a um, cu lak ah kan kal bikmi cu tax-free in thil an zuarnak, game celhnak le buffet hi a si.

12498626_10156365684350263_1349625146_n
Tax-free shop

Disco zong a um, rawl dawr sawhsawh zong a um len. Spa zong hi a man a fak bak lo. Live music a um tawn i a uar mi caah cun a miak ngai. Kum 23 tang tu hi u le, le nu le pa lo in cun kal khawh a ngah lo.

12498724_10156365684685263_139421799_n
I personally prefer to stay in the 6th floor because I think it is less shaky in there, if that makes any sense.

Dot 4-Dot 5-Dot 6 hi ihnak khaan pawl an si, kaa cit balmi pawl cu ihkhun pa 4 a ummi room pawl an si. Minung 4 kan um chel, tutan bantuk in minung 2 lawng kaa hrawm chel a si. Ihnak khaan cio ah tikholhnak a um, thlalang ngan pipi a um (hehe), cun radio zong a um. Ka ruahnak ah dot 6nak hi a cawl lo deuh ka ti, dot 4 nak hi khuasik caan ahcun sanpioh a chuangmi an um len tawn.

12483691_10156365683640263_1401735347_n
4 persons can share a cabin @ Stena Line

Tutan kan kal hi minung 8 kan si, ka hawi le nih laksawng an ngahmi ticket in kan kal i ihnak khaan (cabin) pakhat ah minung 2 kan ting.Group in kal cu a nuam tuk cu mu. Lingmaw, apple a thor mi le laphattoh kan i khen, cite le hmanphek zong hehe. A thormi i ken i i ngaihchih a um bak lo. Laphattoh ken belte ahcun a nam deuhmi (khachuan le piat) cu i ken loin aithing he toh ah a nuam bik. Cabin pakhat ah kan tthu hna i bia kan i ruah, kan eidin kan ei.

12507075_10156365684875263_697069737_n
If you come to Oslo, take this cruise for sure. Cruising is not as expensive as it looks or sounds (check www.stenaline.no)

Mi tampi cu tinbaw, mawttaw an i cit ah rawl phunphai an ei duh lo cu mu. Kannih cu kan kaa bak a thaw ciammam i, kan i kenmi hmanh kan i za lo. Kan va ei chap, buffet dah ti lo cu ruah tluk in man a fak lem lo. Dinner buffet ei cu a man a fak tuk i kan i let, siangngakchia kan tam pah i mu, zingka tu ah kan va ei, breakfast cu 159kr hrawng a si rua ka ti. Zaan cu lente kan i celh, kan i chawk i 12:30 AM hrawng ah kan cabin cio ah kan kir. Zing lei hrawng cun tinbaw aa hnin taktak, ttotho a um rua cuh. Mah hlan vialte cu a cawl bak a cawl lo i kan khuaruah a har ngai. Zinglei cu aa hnin tuk nain ka mit a kuh tuk pin ah ih cia tein a si i rit nemmam cu chim lo, ka mang hoi hna a tthat ning hi.

Ttotho ruang ah suimilam 1 hrawng Denmark phanh kan hnu nain tinbaw a dir lio te ah thaithawh buffet kan va ei i i tthangh tuk lo bu tein kheng 3 hrawng kan va ei i kei ka it tthan.

12511093_10156368749665263_768079780_o
Buffet, breakfast is much cheaper than dinner (obviously). To save money, eat dinner at a non-buffet restaurant/cafe.

Chun hnu in lente kan i celh i zaanlei 6:45PM hrawng ah Oslo kan phan tthan.

A donghnak ah a man kong ceih hna u sih. Cruise cu luxury deuh in hmuh a si nain Stene cruise hi a man a fak bak lo. Zei tik ah dah na cawk i zei bantuk ihnak khaan dah na cawk ti zong nih a neih nain, fel fai tein a man a awl caan te ah cawk ah cun cabin pakhat (minung 2 in 4) caah hin 1000Kr tang in tlawn khawh tuk a si. A caan caan ah cun 350 Kr tiang hmanh a ttum. Tutan hi cu free in kan ngah mi a si. Zarhte ni kan kal ca tuah hin cabin pakhat ah 350Kr kan liam, minung 2 kan i tthenh ahcun aa deng tuk ko. Minung pakhat ah 20 US Dollar hmanh a tling lo ti awk a si. Stenaline.no ah tam deuh zoh khawh a si ko. Norway (Oslo lei) nan rat ah cun tuah ding bak a si ka ti.

12511018_10156368749600263_562732785_o
Favourite one from the game room and casino- These two invited us to the cruise!

Aa Dawt le ka u Pengku nih an kan sawmmi a si i kan i lawm tuk tiah ka rak chim tthan. 😉  <3

Young Mind Forever – Kristiansand ah zoh ding tete-le-Camilla Collett

Flo he Thaku kan va thlahnak in kan ttin pah ah Kristiansand bystranda (beach) hrawngah a ummi kan hawi le kan va chawn pah hna ;), hman kan thlakmi hna ka rak share.

Tuchun ka hmuhmi ah ka uar bik pahnihnak :)
Favourite one of the day – Let´s be young forever?

Mah thetse in sermi sculpture nih a pekmi sullam (message) hi ka uar tuk. Nifa tin kan upa (tar) deuh deuh, nain kan lungthin (kan chung) cu a no peng tinak khi, aa ttial ko khih. Ka bawah he aa keih tuk (aleh). Kei cu no peng kaa tim. Ka chuahni a si deng cang i i chim cia bia khi.

This one is by our very own local artist - thumbs up!
This one is by our very own local artist – thumbs up!

Mah thetse in an sermi hi fawi tein a rawk lo, ti le kaw an toih an ti.

Still life
Still life

A tang hman ka thlakmi hi a ther ngai hi ta ti?

Even if I were a boy, I will never pee in this thing, just saying.
Even if I were a boy, I will never pee in this thing, just saying.

Hi ka i a vei ngammi cu mi menmen lo an si.

Cute cute cute
Cute cute cute
the logos
logos

A thiam ngai ti?

Me and my old friend (Photo by Florence)
Me and my old friend (Photo by Florence)

Mah mithman hi Aa Dawt nih ka chuahni caah a ka cawkpiak ciami a si. Ka uar tuk. Aa Dawt, kaa lawmmmmmmm tuk <3.

This wood color - thumps up!
Vely vely nice

Thing color hi aa dawh tuk nan ti cio maw?

I don´t know who he is
I don´t know who he is

Flo a pupu.

Henrik Wergeland´s younger sister - a celebrated feminist pioneer
Henrik Wergeland´s younger sister – a celebrated feminist pioneer

Camilla Collett (1813-1895) a chimmi ah ka uar bik pakhat, “ Beauty is poor when it is not the harmonious expression of a similar mind´´, timi a si. Pastor fa a si i a u pa, Henrik Wergeland cu a hngal lomi nan um lai tiah ka ruat lo. Norway ram cu an chung nih an hui dih ko.

Thaizing sianginn kai nuam uh!

Songs that bring back memories- No. 1

Everything (Michael Buble)

A hlan deuh kong kaa hmahthahmi (memories) pawl khi hla he ka pehtlaih ter ngai hna. A biana ah zihmui pakhat kan hnimh tikah mah zihmui a rak hmang tawnmi kan hngalhmi minung kan i theihthan mi bantuk khi a si.

Hla hlun pawl ka ngeih tikah mah hla a rak laar (popular) tuk lio caan pawl kaa thei tthan tawn. Keimah bantuk nan tampi lai cu a fiang. A caan ah fak piin ka ngai tthan, a caan ah ka nih chuak, a caan ah ka ningzak, a caan ah kaa lunghmuih, a phunphun khi a si ko.

Mit dinhnak (Aurskog, Spring 2015)

Tutan cu Michale Buble hla “Everything´´ kong ka ttial lai mu.

You´re a falling star

You´re the get away car… timi hla kha.

Mah hla nih a ka hngalhter tthan tukmi cu 2007 Tthal (Summer) a si. Norway hi 2006 Khuasik ah kan phan i Oslo pawngkam a ummi Laimi ti dah lo cu minung kan hmuhmi an rak tlawm tuk rih. 2007 Tthal ah ka u Lily (a ngaingai ahcun kani a si) va a ngei lai, cun Hriphi tefa tonnak a um lai, cun Norway Laimi mino civui a um lai, ti a rak si kan chungkhar in kan rak i ngaih tuk ning bak hi.

Egersund ka u le puai cu Norway ah a hmasa lei puai a si caah minung kan tam taktak. God´s Shadow band a rak um lio a si i kan rak i uan tuk hna lio chan khi a si cu mu. Hawi hlun he zong kan i tong i hawi thar tampi zong kan rak i hmuh lio Tthal a rak si. Kaa nuamh dan khi kaa thei ngai rih. Egersund in khan “ Everything´´ cu a laar thluahmah cang. 2007, April ah a chuahmi a si.

Egersund puai dih in khan Kvinnesdal ah Hriphi tefa tonnak cu um kaw, Kvinnesdal kan phanh ahcun kan zapi te in, so …la…la…la ..la ..la, lawngte bak khi kan si cang. Mah lio ah ka u Hrepi (kapa Hrepi tiah Borte pa nih na auh lai a ka ti lengmang ko nain,) le ka u Manu (atu ahcun Grimstad Cung Chin Nu, aleh!) he kan rak i ttuai tuk lio khi a si. Kum 18 ka si lio, kaa nungak ter tuk lio khi si i, keimah nak ngakchia deuh he cun kaa kom duh tuk ve lo cu mu.

Ca a tam pah i ttamhnak ah
Ca a tam pah i dinhnak ah

Kvinnesdal tonnak a dih bakin Grimstad ah mino civui ah kan va lan. Ka u Chinchin (Mrs. Aa Paw) te inn ah kan tlung. Mino kan tling ti awk a si, Mah lio kha kaa nuam taktak, atu Grimstad le ahlan Grimstad khi aa dangmi a lo, mah lio kha a rak nuam deuh hei ti ning law.

Bawlung chuih a um ti kaa thei, concert a um i Flo nih hla a phuahmi a rak sak ti kaa thei, cun, kaa kholh lioah tilum a dih ti kaa thei, cun ka u Hrepi nih lam ah saveh te a rak tleih i Norway tar nu te nih a rak thlah ter ti kaa thei. Mah kum ah Norway ah mino bu aa dirh i mah mino bu cu nihin tiang NCCYF in a dir kho.

Airport kalnak lam

Michale Buble i Everything nih hin tthal nikhua a ka theih ter, thli thiang te a ka theih ter, ram hring a ka theih ter, van thiang a ka theih ter. Mah hla ka ngaih ah hin cun thiang le hmui tein suk i nitlang ah ttha tein pho i rem tein tteihmi puankhuh kaa lawh ter.

Round 2 of Kristiansand, Norway

For greater things have yet to come

And greater things are still to be done in this City

(Bluetree)

Trees on the way to the univeristy
Trees on the way to the univeristy
Botanic garden @UiA
Botanic garden @UiA
Botanic garden @UiA
Botanic garden @UiA
Home, or should I say, Room?
Home, or should I say, Room?
and Up to Baneheie, one of my many favourite places in town.
and Up to Baneheia, one of my many favourite places in town.

You’re the God of this City

You’re the King of these people

You’re the Lord of this nation

You are

Baneheie
Baneheia
Baneheia
Baneheia
Baneheia
Baneheia
Baneheia
Baneheia
and Back down to Room
and Back down to Room

You’re the Light in this darkness

You’re the Hope to the hopeless

You’re the Peace to the restless

You are

11147150_10155595954135263_8667468761613516849_o

Greater things have yet to come

And greater things are still to be done in this City

THERE IS NO ONE LIKE OUR GOD! <3

(God of this city – composed by Bluetree, sung by Chris Tomlin)

Kristiansand in Spring

Model:       Florence, the best friend <3

Location:  Kristiansand, Norway

Camera:   iPhone 4S (Thanks, Sang Lung)

Nehemiah 9:6

You alone are the Lord. You made the heavens, even the highest heavens, and all their starry host, the earth and all that is on it, the seas and all that is in them. You give life to everything, and the multitudes of heaven worship you.

#1 This view in Spring! Also awesome in Fall.
#1 This view in Spring! Also awesome in Fall.
#2 High-five to those who made this piece very interesting and decorative!
#2 High-five to those who made this piece very interesting and decorative!
#3 Now, how can I feed you trash when you are this cute, hĂŚ?
#3 Now, how can I feed you trash when you´re this cute, hÌ?
#4 Happiest blue!
#4 Happiest blue!
#5 Beautiful Florence and the yellow door.
#5 Beautiful Florence and the yellow door.
#6 I don´t have the slightest idea how I took this photo!
#6 I don´t have the slightest idea how I took this photo!
#7 You kinda have to be a spider or something like that.
#7 You kinda have to be a spider…
#8 Yay to the artist who made this baby <3
#8 Yay to the artist who made this baby <3!!!
#9 Another one of bestie aka my wonderful model with the blue door.
#9 Another one of bestie aka my wonderful model with the blue door.
#10
#10
#11 Selfie
#11 Selfie! The other side of my upper lip is pretty normal in real life, just saying :-/ !!
#12 Green
#12 Green
#13 This street never fails to make me one little happy soul!
#13 This street never fails to make me one happy soul!
#14 Hello Joe!
#14 Hello Joe!
#15 Colorful Kristiansand
#15 Colorful Kristiansand
#16 Flo
#16 Flo
#17 Close-up
#17 Close-up
#18 One of my favourites of Flo with the church door
#18 One of my favourites of Flo with the church door

Vawlei Cung Thathu Bik Pawl Caah Exercise le Ngandamnak

Tuzing kha kapa a physiotherapist sin ah ka va zul. An zungkhan ah aa tarmi ca pakhat ruangah hi ca hi ttial ka lung a chuah nak a si. Na pum, na thinlung le na thluak caah thil ttha na tuah maw tuah lo timi pawl kong ah biahal nak pawl khi an ttial hna i mah lakah,` nikhat ah a tlawm bik minute 30 tal na cawlcang maw? ´´ ti mi nih khua a ka ruahter ngai. Ka huam lo ngai buin ka tuah tawnmi exercise a design tu nu nih a chim tawnmi a ka theih ter tthan, `minute 30 exercise cu nikhat caah na herh bakmi a si, na thin (heart) a dam khawh nak hnga a biapi tuk,´´ ati.

Lawlawse mit damnak ah kan khua hmanthlak (Aurskog, Spring 2015)
Lawlawse mit damnak ah kan khua hmanthlak (Aurskog, Spring 2015)

Nikum ah kapa a kengruh a kiak sual i atu tiang a doctor sin he physiotherapist sin he a kal lengmang rih nain fiangin a dam kho rih lo. Physiotherapy timi kha Lai dictionary ah ka hmu kho lo, hngalh a duhmi nih mah te cioin kawl si te seh. Minung ngai hi ka ti, Pathian a ser ciami tlawmpal te kan hrawh sual hmanh ah kan remh cawk lo, thideng in kan remh zongah amah ning a si khawh ti lo dan khi ka tuak i ka pum ka dawt tuk hau ti khi ka hei ruat pah. Sibawi le hi bantuk specialist pawl sin kal ah an man hi van a tawng fawn.

Kei hi Pathian nih a ka dawt tuk i ka doctor ka hmu bal lo. Minung sibawi hi suimilam pakhat ah zeizat dah pek an hauh ti fiang in ka chim kho lo. Nain, kan chizawh a rak sual ngai lio ah adang chizawh he aa vel lengmang i a hmat dih caah saram clinic ah kan kal tawn. Adangdang cu chim lo in saram sibawi nih a zoh men te ah khin suimilam 1 a tling lo mi ah 450Kr a kan lak. Kan piah lai lo ti le a ngah lo, saram zohkhenhtu pawl (dyrevern) nih a kan lakpiak lai ti kan phang fawn i voi tam nawn kan kalpi. Atu cu a vei lo te kan chuah i a fel taktak cang. Vah zong zuam ti lo, innhngah rian amah tein aa pe.

Lucky inn hngahdan
Lucky inn hngahdan

Ka chim duh bikmi cu minung caah siseh, chizawh caah siseh zawt man a fak tuk ti hi a si. Zawt hi a man a fah tuk, a nuam fawn lo. A zawtu lawng nih inn ah cun aa ning deuh men hnga, nain a tam deuh cu zawt ahcun pawngkam pawl zong an lung a rit i a miak bak lo. Dam man kan liam lo ti mi kha ka van i thei. Bawipa a ttha tuk.

Norway kan hawi le cu exercise tuah an fel tuk i ngandamnak caah a tuahmi nak in a paw (popular) ruangah a tuahmi an lo tiah kan i ceih tawn. A paw (popular) mi ka dawi lo hei ti pungsan khin ka rak tuah bal lo. Ka huam bak lo. Hawidang a nuam an ti ah khin keimah caah cun rian bak khi a si, ka lu hna a fak hnik, ka huam lo tuk nakah.

Mit dinhnak (Aurskog, Spring 2015)
Mit dinhnak (Aurskog, Spring 2015)

Thil pathum nih exercise kongah ka ruahnak a ka thlen. Pakhatnak ah, phungchim pawl ka ngeih nak thawngin Pathian nih dam hna seh ti a kan duhmi le Pathian nih a kan fialmi kan tuah khawh nakhnga pumsa he thlarau he kan dam a hauhmi kaa fiang. Cun, kan pum cu Jesuh nih a thi in a cawk cangmi a si caah kan zohkhenhmi cu Pathian rian kan bawmhmi a si zia ka lung a pem. Nikhat ah meng 3 kan kal ruangah Jesuh aa lawmh ahcun kan kal ko lai ta, ti ko? Kanmah miaknak a si ko mi.

Pahnihnak cu ka thluak a zor lai ti ka phan caah a si ko, mui chiat ka ngamh ko nain thluak ngeih lo cu kaa ttih tuk. Dr. Daniel Amen nih kan thau a tam deuhdeuh, kan thluak a hme deuhdeuh timi dinosaur theory kong a chimmi rak google te u law.

A pathum nak cu ngandamnak kong ka ruah deuh cang ruangah a si. Pathian nih ngandamnak a ka pekmi kaa ralrin lo ruangah tlawmpal te ka hrawh sual i eiding pakhat khat hna hrial a hauh, asiloah exercise pakhat khat hna na tuah HRIMHIRM a hau, ti ka si ahcun kei cu ka lo lai. Na tuah HRIMHRIM lai lai mi poah khi ka system nih a reject. Mah caah cun aho hmanh nih an ka ti hlanah keimah duhmi te tuah zok ning ka ti.

Mit dinhnak. Lucky hmanthlak lawngte kan post i Dora a ngeihchia sual lai. Dora cu Lucky a nu a si.
Mit dinhnak. Lucky hmanthlak lawngte kan post i Dora a ngeihchia sual lai. Dora cu Lucky a nu a si. Happy Mothers´ Dora, hihi, I hope you read my blog, Dora. 

Keimah tluk in exercise tuah a huam lomi cu an tlawm lai. Nan um sual pingpang ah ka tuah tawnmi, a har lo ngaimi a um, Leslie Sansone timi nih a tuahmi power walk program a si, meng 3 kha a za ka ti. DVD in a zuar rua, nain youtube ah free in a um ko. Innleng chuah khawh lo caan ahcun aa rem ngai. Atu cu nikhua a ttha ngai cang i a leng ah ka kal pah tawn. Innleng chuah zong ka huam lo, Leslie power walk zong ka huam lo ahcun zumba ka laam (ka lih le lih in, nuamh a biapi ka ti). Mah zong ka zuam lo cun mi an tuahmi ka zoh, rawl ei pah in, hehehe.

Kan khua cu kalnak/tliknak a ttha tuk, kan tlawng cio te uh! (Aurskog, Spring 2015)
Kan khua cu kalnak/tliknak a ttha tuk, kan tlawng cio te uh! (Aurskog, Spring 2015)

An chim tawn bang, huam peng phung a si lo, ngol lo a biapi!

Nannih tah zei nih dah an huam ter hna?