Blog tuah cu cathiamnak

Ca hman tein ttial hi fimcawnnak ah bawmtu ttha tuk a si zia hi ca ttial ka fel lo hnu lawng in ka lung piang. Blog ka tuahka kum 1 hrawng hi ca ttial ka fel tuk. Zarh khat ah post 1 tal cu ka ttial. Thla 3 hrawng ka ttial in ka nundan ah zeidah aa dang ti ahcun thil pakhat khat ka thluak le ka lung ah a luh tikah khua tam deuh ka ruat, thuk deuh vak in ka kherhhlai (analyse), ka reflect ka ti lai cu.

A biana ah kawl movie pakhat ka zoh tikah a hlan bantuk in nihsawh le soi sawh lengin khua a ka ruah ter. Kawl movie cheukhat (a tam deuh) cu a sullam a um bak lo khi mu, nain mah movie pawl a sertu le minta le mintami pawl hi misawhsawh an si lo, talent an ngei mi lawngte an si, zei ruangah dah movie a chia pipi a chuah ti tikah rianttuan tti thiam lo, market sining, tinhmi parihtat (audience) ho te dah an si, timi pawl tiang khi tuak ka a ka hman ter.  A tthatnak cu mi soi ka ngamh ti lo.

London with Flo, Spring 2015 <3 Mah trip dih in hin blog ttial ka thawkmi a si.

Blog ka ttial tlawmpal ah master ka thawk i keimah caah cun master le bachelor hi aa dang tuk. Bachelor ka kai lio ah ca kaa zuam lo tuk caah a si ko rua khah. Sianginn nih ca rel le rel lo kong ah control a tlawm tuk tikah pumpak in sikaan a ngei lomi caah cun bachelor cu holiday khi a si ko. Master ah cun, an zei dik a ti, zarh fatin an kan control, discussion ah kan chimmi zong a hrihhram a um lo ahcun an kan chalh (chalh hei ti ko u sih). Zarhfatin ttial ding a tlawmbik 3 a um pinah, pumpak essay le group essay pawl a um peng. Mah lak i blog va tuah khi hruh hoi hna a lo. Nain khuaruah har a si, blog hi zarh thawk ka ah ka ttial tawn i ninga ni ca ap ding ka ttial tikah ka thluak rian a ttuan dan a rang tuk. Hmanmi holh hmanh aa lo lo nain mu.

Kensington Palace, London

Ca ka rel zong ah, mi biachim ka ngeih tik zong ah, an chim duhmi a muru khi fawi deuh in ka dawi khawh, cun keimah nih ka hmuh dan ti bantuk he rem tein ka thluak nih a chiah (organize) colh hna. Ca ka ttial tik zongah zeitin dah ka ttial duhmi ka hram ka domhh lai i ka duhmi ka langhter tikah zei tindah cohlan tlak dingin ka chim ali ti bantuk khi rang deuh in ka ruat kho. Ka ca ttial zong a rang an i pehtlaihdan zong aa rem deuh thluahmah. Sianginn kai le ca zoh a zaang deuh ngai.

Perth, Australia (2013 Summer)

Kan hnu tthal rian ka ttuan, a dihin London ah kaa tthial i, Norway sianginn he London sianginn he ka kemh i cattial ka daithlang thluahmah. Sianginn ca cu ka ttial peng ko nain blog hman tein ka ttial tawn lio bantuk in ca ka ttial tikah kaa nuam tuk ti lo. Ka khuaruah dan zong a nuar thluahmah. Sianginn ca ttial khi cawnnak, practice nak ah si lo in, thil rit bantuk ah ka ruah. Mah bak ahcun kaa fiang.

Putrajaya,, Malaysia (Winter 2014)

Minung cu thil kan cawn dan aa lo cio lo, keimah kaa ziakmi hi ahopoah nih an i ziak lai ka ti bak lo. Nain test ding ah cun a tlakmi a si. Siangngakchia ca hrim ah cun san a tlai lai ti ka ruahnak cu kan duh zong duh lo zong ah ca ttial kan herh peng ko caah a leng ca ttial lengmang hi caan thlau men sawhsawh cu a si hrim lai lo. Blog tuah hi a tthat chinnak cu mi zapi hmuh ding in tarmi a si caah ralrin deuh a si. Nain perfect tuk i zuam le mi nih an duh lai maw duh lai lo ti i buaipi tuk ahcun bawmtu a si lo pinah hna a hnok lai tiah ka ruah.

Life in London #1

Ka chuahka in ka hmanmi October vialte lakah tukum hi kaa manh lo bik bak a si. London ka phanhnak thla 1 a tlin manhmi zong ka hngal manh lo, nizaan tihni ah ka hawi le cheu khat he rawl kan va ei tti i minung pakhat nih a chim hnu lawng in a si khe kan ti.

Kan hnu September 25 zaan ah khan London ka phan. Phanh ka in zarh 2 chung cu donnak ah kal, tonnak ah kal, biaruahnak ah kal, ti phun lawngte si. Ca cawn thawk bak in cun relding le ttial ding nih an kan nenh colh, Norway i ka sianginn ah ka zulhmi course a um hoi i kan buai ko cu ta. Ka mang tiang ah khin ca ka print. Nizaan in khan cun aa rel deuh cang, ka control thiam deuh cang.

SAMSUNG CAMERA PICTURES

 

Kan sianginn hi University of London tang ah a ummi pakhat a si i kan campus cu a hme te a asi, hngalhmi he i ton peng phun khi. Social science a cawngmi lawngte chiahnak a si i huammi aa khat mi deuh lawngte kan si biaruah a fawi. I hmuh bal lo mi he zong hlei cung ah tthut in chuncaw ei tti i bia sau tak i ruah khawh phun khi si. A lumsa ngai. Zei ruang ah dik security nih an cawngh tuk. Norway ah mah bantuk ka hmu bal lo i ka khuaruah a har ngai. Ka inn in minute 20 hrawng kal a si.

SAMSUNG CAMERA PICTURES

Ka room cu lamka lai a hoihmi bak khi a si i hna a chet ngai. Norway he aa dang tuk nain atu cu kaa ziak cang. Ihnak khaan, zumput le tikholhnak aa ttuaimi kha thla khat ah pound 600 kan pek. Coka pakhat minung 6 kan i hrawm. London ah inn man a fah biknak zone (Central London) ah a si i student umnak si hlah sehlaw mah tluk hin aa deng lai lo. Eidin man cu aa deng ngai ka ti, Norway he tahchun in cun. Bel pakhat ka ngei i chuan/kio a haumi vialte mah in cun hmin ter dih a hau, a pan ngai i zei ka kiomi poah an kaang peng. Ka duk ttha i aa rel. Kawl biakinn a um nain a hlat pah i ka kal rih lo. Hillsong ah kaa pum tawn, ka inn he aa naih i mu.

Hillsong Church @Central London
Hillsong Church @Central London

Ka inn in minute 5 hrawng kalah British Library a um i mah ka ah cun mirang ral chanah Laitlang ah a rak ummi Major A.G.E Newland nih Laimi hman a rak thlakmi original a um tiah Wim Vervest nih Laimi kong a ttialmi cauk (The Lost Dictionary) chung ahkhan a telh  i mah va zoh cu kaa ngaih.

SAMSUNG CAMERA PICTURES SAMSUNG CAMERA PICTURES

Kan hnu ka kal ah khan an chiahnak room luhnak ah card i tuah a hau i ka passport kaa ken lo i ka tuah kho lo. Ningzak a si mi cu Laimi tuanbia a hngal pah cang ding tthi ka si nain ka hngal lo ngai. Hngalh a hau tiin zoh le rel ka duh bia theng si lo in nai hrawng hi hrihhram tlaihchan tuk phun in kaa la kan ti ko lai. Newland cu Laica a rak kan serpiak hmasa tu pakhat a si ve i Hakha nu he aa um mi kha a si. Ca ttialtu pa Vervest cu Newland te chungkhat a si i, Laimi an chungkhat pawl a ttialmi hna ah ka hawi le an um len i mah te hmanh in cun a ca ttialnak caah research tam tuk a tuahmi ka lawh ter cang.

14915503_10157626733690263_762610007787456079_n

American missionaries pawl a critic dan kong tu ah cun chim ding ka ngei len nain atu post ahcun ttial kaa tim lo. Rel phu tuk a si, ttha tein a study mi a fiang, ka uar ngai.

Tutan cu mah vial!

Mah hi cu nan huam bal lai lo Part 5: Research Question ttha zeitin kan ttial lai?

A nuammi kan phan thluahmah ko hih, research pakhat caah Research Question (s) (RQ, tiah a mindin in kan auh cang lai) zeitluk in dah a biapi ti cu kan hngalh dih ko cu mu. Hlathlai kan duhmi kong i biahalnak kan ngeihmi tete kha chim duhmi a si. Kan kawl duhmi, hlathlai kan i timhmi cu zei theng te dah a si timi fiang tein bia kan khiah cia lo cun tlau a fawi tukmi a si caah RQ ttha ser thiam hi a biapi tuk. A tlangpi in RQ a ngapi pakhat kan ngei lai cu, mah kan RQ pi phitnak ah RQ a hme tete ser a si tawn. Kan sayate nih an chim nak ah cu bantuk RQ a hme tete 3-5 karlak hi thesis caah a za bak a si an ti.

Bryman (2012, p.90) nih RQ(s) ttha mi cu hi ti hin an si lai a ti:

  1. A fiang lai
  2. Hlathlai khawhmi a si lai
  3. A um ciami theory le research pawl he pehtlaihnak a ngei lai
  4. RQ pawl (a hme tete) kha pehtlaihnak an ngei dih lai
  5. Na kawlpi topic kong ah na research nih original a si bakmi hngalhnak a hme te tal a chap ve ko lai, ti a sawh ngaimi a si lai.
  6. A kau tuk lawmmam mi a si lai lo

12571074_10156424912580263_1642962946_n

Social science he aa pehtlaimi research tuah ah hin cun RQ hi fek tuk in khiah cia a hau lem lo ti hi chim tawn a si. A hmanmi a si ko, nain siangngakchia cu kan bachelor thesis, master thesis ttialnak ah thla 6 hi a tam bik kan ngeihmi a si ko cu mu, buaktlak in. Research tuah timi cu va kawl, va hlathlai in a dih lo, hmuhmi data le information pawl hi process rih an hau, kherhhlai (analyse) an hau, mah dih in cun ttial a hau rih. Mah caah cun data collection tuah hlan ahhin RQ a fiangmi te ngeih hi a biapi tuk. Cu lo ahcun research hmunhma (field) phanh tikah tam tuk kawl sual i thleidan thiam ti lo in tlau a fawi tuk.

Ka bachelor thesis caah Malaysia ah ka va kal cuh. Ka kal hlan i kaa timhmi cu Malaysia ah a ummi Chin miphun ralzaam nih nifatin an tonmi harnak pawl kong ka ttial lai ti khi ka si. Ka phan i kan tonmi harnak cu a phunphun in a si, a tam tuk i zarh 1 a van rau i ka lau hnik cang. Mah ruang khan bi deuh in ka zuh a hau ka ti i harnak kan tonmi lakah ngakchia nih fimcawnnak kong he pehtlai in harnak kan tonmi siseh ka ti. Kanmah ralzam bak nih an dirhmi sianginn lawng ka focus lai ka ti ah, Pathian dawtnak in, sianginn tam ngai kan ngei cuh. Ka caan nih a ka zawhmi hi CSO sianginn pa 5 lawng a si.

borte temporary 1028
Research kong kan ceih i Malaysia kaa thei.

Tuan tein khan hi zat te hin rak khiak cia ning law lungfim tein ttha deuh tein ka tuah kho hnga cu mu. Thesis caah biafang 150000 ttial ding a si tik ah bi tuk in ka focus ahcun ttial ding ka ngei cawk lai lo tiah ka rak ruah cuh. A palh ning hi.

Tlawmpal ah thesis a ttial ding na si ahcun kau tuk in tuah i tim hlah law tiah bia cah kan duh, a fiang mi te a bi mi te i thim law na hlathlaimi he na kherhhlaimi (analysis) na tuahmi he a ttha kho deuh lai tiah. Nain, na RQ hi Yes or No lawng a phi a chuak ding hna cu a si cun a si kho ve lai lo hen ta mu. Na cawnmi he aa pehtlai hrimhrim lai ti cu chim ti duh hlah ning, social science a kaimi na si ahcun na RQ ah social scientific angle a ngeih hrimhrim a hau.

Chirhchan

Bryman, Alan. (2012). Social research methods. Chapter 4. Oxford: Oxford University Press.

Mah hi cu nan huam bal lai lo Part 4: Research Quality Tahfung

Research pakhat i a quality tahnak tampi lakah hman bikmi, zoh bikmi pathum in atu kan rel cuahmah mi cauk nih hin a ttial i mah hna cu a tanglei bantuk in an si.

Reliability

Replicability

Validity

An min in kan leh ah hin cun lungfian lo chinchin a fawi caah a biafang tu hi fiang deuhin ttial khawh kaa zuam lai.

RELIABILITY timi cu na research zumh awk a tlak le tlak lo kha a si ko. Research na tuah tikah a phi na chuahmi cu a um lai cu mu, result tiah au u sih. Na research kha kan van nolh tthan tikah (repeat) na hmuhmi result kha kan hmu tthan lai maw hmu tthan lai lo, timi biahalnak kha aa buaipi mi a si. Research na rak tuah lio ah thil pakhat tahnak na hmanmi (measure) hi aa thleng thulhthlah maw (consistency a ngei maw) timi a zoh. Hi kong he pehtlai in chambaunak hrial kan duh ahcun, ka lung fian danah, tahfung kan hmanmi tete kha consistent (thleng len lo) tein kan hman a hau, a biana ah, innchung khar pakhat an si fak maw fak lo timi tahfung ah innchungkhar phaisalut kan hman ahcun kan research vialte ah mah tahfung cu kan hman thai lai ti nak si lai cu.

 

12571369_10156420998485263_1439764403_n

REPLICABILITY timi cu a cung i kan chimmi reliability he aa lo ngai. Research na tuahmi, na tuah dan a dot dot ning tein khan midang pakhat nih tuah tthan hna sehlaw nan hmuhmi aa khat lai maw ti khi a si. Bryman nih a ti nak ah cun social research ah cun cu bantuk tuah tiang tiang cu a um tuk lo a ti. Na hmuhmi ka zum lo, midang nih an tuahmi he aa dang tuk, khoi ka tuah ve hnik lai, ti phun khi a si. Kan check tuah lai ti phun khi mu. Replicability kong ah chambaunak hrial nak ahcun ka ruahnak ah research ka tuah dan a dot dot kha hman tein, dikthlir tein kan ttial ah a ttha lai ka ti.

VALIDITY timi hi a biapi bik ah chiah tawn a si, laiholh in ka thei bak lo, a biana ah, na bus card a valid ti maw ti kan duh ahcun na buss card a nung rih maw kan hei ti ko khih. Fiang deuh in hrilhfiah kaa zuam lai. Na research in biafunnak (conclusion) na tuahmi hi a dingfel maw, integrity a ngei maw, timi kong khi a si. Integrity ti cu Jesus nih a lung a thiangmi cu lunglawmmi na va si dah, a timi kha a si i, na research hi ziaza a phunphun a ngeimi a si maw ti nak si lai cu ti, hehe. A chim a har pah i na lung a fian lo cun van rel chap hmanh: validity nih hin thil 4 a zoh.

12625784_10156420998260263_708415655_n

Measurment validity: Tahfung na hmanmi nih hin na cawn duhmi concept kong a chim taktak maw? Aa saing maw, ti khi si ko. Tc. IQ test ah an in tuah tikah bia an in halmi tampi a um lai, an biahalnak pawl nih na IQ zeizat dah a si ti a chim taktak maw, timi khi a si.

Internal validity: Thil canning/sining an i pehtlaihnak (causality) kong ah zeitluk in dah dinfelnak a um ti khi a si. Tc. Cungte a molh tuk ruang ah Maite a zia chia ti khi kan research nih hei ti sehlaw internal validity nih a halmi cu, Maite a ziachiat nak hi Cungte a molh ruang ah maw a si tak, a dang kong hna a um kho ko lo maw, timi khi a si. Piang deuh maw ka thei lo.

External validity: Mah hi cu na research i a result thawng hin thil sining a tlangpi huapin chim khawh a si maw, generalize tuah khawh a si maw ti hi a si. A biana ah Laimi sin ah research na tuah hnga i na result cu, Lai ngakchia cu fung tuk nakin thazaang pek deuh le cawisan deuh ahcun an tthangcho deuh, ti a si hnga. Lai ngakchia lawng an si lo, ngakchia an si dih ko, tiah a a tlangpi in kan chim kho maw chim kho lo timi khi a si.

Ecological validity: Na research in a phi na chuahmi na result hi a taktak ah, nifatin nunnak ah aa hmang kho tak maw tak lo timi kong a si. Lettweh a ciah maw chiah lo, a practical maw cal lo timi khi mu.

 

Chirhchan

Bryman, Alan. (2012). Social research methods. Chapter 3. Oxford: Oxford University Press.

 

 

Voi khat ah thiam lakin carel dan- Reading smart

Tukum hi ka carel ding a tam tuk i smart deuh in ka rel lo le ka fim hna lo ahcun ka ca pawl hmanh kawl tthan khawh dawh in ka um lo. Mah caah cun ca voikhat ka rel cangmi voikhat nolh tthan ka hauh lonak hnga ka tuahmi tete le kaa ziak ngaimi rak share ruah ah mah post hi ka rak ttial. Tampi nih cun nan hngalh cia a si ko lai.

Pakhatnak ah lungput hman in carel hi a biapi tuk ka ti, chim duhmi cu, kan saya le nih tu zarh cu mah hi nan rel lai ti ruang i rel khi a um tawn, mah bantuk relmi khi sau a khang lo, keimah caah cun. Mah cauk chapter nih, mah article nih hin zei kong dah a rel rengreng ti mi theih duhnak le interest in ka rel ahcun ka lung a lut deuh i sau deuh zong a cam.

11934485_10155964996210263_3354176627154385394_o

Pahnihnak ah ca kan rel hlan ah kan relmi kong ah zeital kan hngalh ciami a um maw ti i check hi a biapi. Abianah, mipem pawl nih zei bantuk harnak dah an ton, timi kong a rel ding ka si ahcun a ca ka rel hlan ah keimah nih ka hngalhmi a ummi tete kaa ttial hna. Kanmah kan thiam ciami le kan rel tharmi kan fonh tikah a felfai deuhmi, a kau deuhmi, a fek deuhmi, hngalhnak a kan pek tiah ka ruah.

Pathumnak, a biapi tuk tiah ka ruahmi, cu chapter pakhat a si loah, article pakhat na rel dih tikah, i ttial, note lak hi a miak tuk hringhran. Kan relmi i a biapi bikin a chimmi kha kan lungfian ning hi a tawi nak deuhin kanmah bia tein kan ttial tikah, zoh tthan ding ah a ttha tuk. Cattial tu hmanmi biafang bak in na ttial a si ahcun a cahmai number ttial philh bak hlanh, credit pek an duh tikah kawltthan a har tuk. Article pakhat hi cahmai 30 a um hei ti ko u sih, kanmah nih hmai 3 hrawng in note kan i lak tikah ahnu thla 2 a rauh i kan philh tikah cahmai 30 rel a hau ti lo, kan note kan zoh tikah a chuak tthan dih ko.

Palinak ah kan note kan i ttial tikah kan relmi ca i a chim duhmi lawng si loin, a tangah kanmah ruahnak ttial chih ahcun mah cu carel hman an ti mi cu a si. Relmi poah i zumh chan a si ti lo cu mu. Ka relmi i cattial tu a chimmi vialte ka lung a tling maw, a tlin lo cun a ruang, tbk. ttial chih nih hin thluak a kauhter, khurruahdan zong a tthawn ter. Mi chimmi poah, eh, kan ti peng cun kan thluak a um har tuk lai. Cun, cattial tu hi mifim, cathiam minthang, hmuhtonmi a ngei tuk cangmi an si tikah an chimmi ka lung a tling lo van ti khi hmaikhah lo a um ngai. Nain, minung hi kan tonmi aa dang cio, ahopaoh sin in cawn khawh a si. Hmaikhah lo ding si lo, kan i soi palh zong ah ningzah a hau lo, annih cu rian a ttuan cangmi researcher a si i kannih cu siangngakchia lawng kan si rih cu mu.  Kan thiam lo ruang cun pei kan cawn cu, si ko lo maw?

cropped-img_4790.jpg

Panganak kan ttialmi kan pc i kan save tikah kawl tthan fawi ding tein fim a ttha. Deskstop ah khat lak in thil chiah i mit tha zong a pam, rian zong a buai, caan zong a pam. Duhnak poah chiah i save nak file min zong hngalh ti lo ahcun loh bak a si ko. Mah caah cun save lai ah file min fiang tein pek ahau. Cun kan lakmi subject pawl folder dang tein chiah dih, subject folder pakhat chung ah module vialte ttha tein tthen dih i fim dih ahcun van lak tthan le zoh tthan a fawi deuh ngai.

Uni/college a kaimi nih sianginn ah free in pekmi cauk le article pawl na hman bal lo a si ahcun nan library (online) rak check hrimhrim te uh mu. Academic articles pawl hi sianginn library ah free in ka rel peng caah a man a fah ka rak hngal bal lo, nai ah ka check i article pakhat US dollar 19.90 hna 30 USD hna bak an si.

Khuasik zingka te ah hin lecture kai hi a hau taktak maw?//Those morning lectures in a snowy winter

Nihin hi ka theihmi a tam deuh sianginn awt tthan ni a si, high school cu nan awtnak zarh 1 si cang rua? Keimah zong ka awt. Atu lio te hi, a bikin Norway ah cun, sianginn kai hrokhrol a nuamh saling bak a si i mah kong he pehtlai in tlawmpal ttial ka lung chuak ngai. Atu bantuk in snow bak tungphum banthlir (porh bia) in a van tlak, khua a van sih tak lio i 8:15AM lecture van kai ding khi cu thawh lawng har loin sianginn va kal zong a har, hmawsa a thiangmi kawl zong a har, adang zong hi a har dih bak ko. Mah vialte tuah nak in cun mah le ihkhun te ah puan lum te i khuh in kualh khi cu a va nuam deuh tuk lawmmam hen ta.

Caan tampi cu, kan sayapa Denmark holh in a holh fawn caah a chimmi zong ka hngal tuk lo, keimah tein rel hmanh a ttha deuh, kan sayapa a mah kong lawng te a chim i ka zuam lo, ti mi pawl caan an um len. A hman ngai mi zong a um len. University le college i hmanmi Norway ca le holh hi a har bak, aa dang tuk. Keimah tein ka rel lai ti a fawi tuk caan a tam pi.

A si cun, January (le February zong mu ) ah hin lecture kai a phu maw?

 

 

 

IMG_3952
Mood when lecture starts at 8:15 in a winter morning // why can´t I be a cat? Do I need education at all?

 

Ok, siangngakchia kan si caah kan rian cu sianginn kai le cazoh si ti kan hngalh ko i kan rian kan tuah lo ah le kan lung a ttha fawn ttung lo, mah le mah lung ttha lo in i tuah cu a smart lo tuk caah kanmah zong lung tthat nak ah lecture kai ah a ttha ko rua.

Holh ka thei tuk lo nain, ka kai lo thawngin cun thiam chin lo in, thiam lo chin ah kan tla lai. Kan kai deuhdeuh ah kan theih deuh deuh lai caah kai ahcun a ttha deuh.

Kanmah tein text book kan rel khawh ko e, nain ziah kan relmi kong tampi a theimi nih an kan chimh lai dingmi cu kan va ngaih ko lo, mu? Kan professor te tampi cu text book a ttialtu hna an va si chap cu mu. Kanmah tein kan relmi maw lung a fiang deuh lai, a ttialtu nih an kan chimhmi dik ti tuak ah kai a phu tthan fawn.

Suimilam 2 te a raumi lecture khi zei tluk in dah a man a fah ti tuak kan philh pah tawn. A bikin, Norway ah cun sianginn ca chimh man kan liam lo nain kan liam lo caah a man a um lo ti a si bak lo. Kan professor te an lahkhah a san ning tuak hmanh ah thil tam nawn aa tuak kho cang. Lecture hall pawl man le, thilri hmanmi pawl man le khi vialte zohkhenhnak ca i a dihmi a va um rih. Sianginn kai ruah ah khua dang in a rak i tthial mi ca hrimhrim ahcun mah pumpak in inn man, ei man, a phunphun pek rih a si.

Ram dang tampi zoh ah le sianginn kai a duh tuk nain a kai kho lo mi le, sianginn kai ruangah meithal kah a tongmi hna an um chap bei. Mah pawl hmai khah lo hmanh ah khin i thawh ding kan si ko cang.

Phungthlukbia 10:5

Tthal caan lio ah thil aa khonmi cu fapa fim a si, sihmanhsehlaw rawl ttuan caan lio ah a it komi fapa cu ningzahnak a chuahtertu a si.

Phungthluk bia 10:14 – Mifim nih cun hngalhnak kha an i khon.

Atu hi kan rawlttuan caan a si, Pathian mithmuh a a fimmi, Pathian duhnak tuah a duhmi, Pathian lawmhter a duhmi kan si ahcun sianginn kan kai, ca kan zoh a hau ko ne.

Siangngakchai ka si lai tiin kan thimmi kum ahcun April a si zong ah January a si zong ah sianginn kan kai, ca kan zoh a hau ko ne. A phut zong a phu, a hmanmi zong a si, fimnak zong a si, Pathian duhmi zong a si caah snow lakah i thawh rih ko ne hna u sih.

Kan zapi caah semester a nuam takmi si cio hram seh!

Wish you the best semester! 

<3

Ni-5-Camipuai Tuah Dan- How I do home exam

Norway sianginn cu mu, suimilam 5 chung ni 5 chung heiti camipuai khi an uar ngai cuh. Suimilam 5 chung khi tuah tawn bikmi cu a si. Ni 5 si lo ah ni 3 camipuai khi cu inn ah ttial a si i a nuamh nak cu duhmi poah ei pah khawh, din pah khawh, chun le zaan thlen khawh a si hen ta. Sianginn i tuahmi khi cu aalucaw te pawl ei ah cun loh bak khi a si ko cang. E* chuah le Z* chuah i, i chaan a hauhmi le camipuai hngaktu nih inn leng in hngah hrim khi i fahsak a um tuk hehe, theithiam ma, zingka paw a sin a pit pah lo nawn khin cun sau nawn tthut hauh, an lung ka hring lai ma ti tuak pah khi.

Hnu bik mark caah 50% lai a rel ding ni-5-camipuai an kan pek ah khin cun a nuam tuk ka ti nain caan an ka pekmi ka hman dan hngal hna sehlaw zeitin dikk an ka tuah ko lai ka ti. Zoh mu!

Nikhat ni

9AM – Thin bak dung-dung-dung a ti, ka uar ci te ra hram seh.

– Ka uar maw uar lo ti cun – Æ, ok ko, mah te hi ka ttial lai.

Thluak chung i a um cia mi thiammi vial te khomh dih, rel ding kawl, rian ttuan dan ding plan suai, cattialmi chiah dan ding tuak cia dih. Mah he ruahnak aa lomi nih ca pakhat pahnih rel. Note lak, thiam ciami he lawh. Ka fel tuk!

Ka dih colh ko lai, nithum ni Sweden ka kal men lai!

Ruahnak aa lo lomi ca relding i kawl cia. I chiah. Thaizing ka tuah te lai, nihin ka tuahmi a tam tuk cang.

Rawl ei, Friends zoh, Flo he facetime, Rome kong seihkuyin, rawl ei, youtube, youtube.

11:30 PM – Hngilh ka zuam lo. Cauk rel ding kawl ning. www.burmeseclassic.com kal, cauk ttha nawnmi (san a tlai bak lomi) i poh.

3AM – OH MY GOD. It zok ning.

11807197_1664026890475437_7725376097957468551_o
Ka chimmi kong he zeihmanh aa saing bak lo nain Manu le summer ngeihnak ah ti bia. Photo: Bcl Thawng

Nihnih 2

Um ta rih, um ta rih …

..um ta rih ..

…..

Ka paw ttam!

 

Youtube

 

Kholh ta hau

 

8PM: Ca ka zoh cang lai! Khoi ka ca   rel     ding       cu …. EHEU!!! Norwegian nih vanlawng ticket an tthumh hoi hi!

Khoi

Khoi

Khoi…

A reng ah, kawlram kal duh ning law Thailand in zei airline dah a ttha hnga? Google google google!

Pyin Oo Lwin cu ka kal hrimhrim! Ee..an hotel tete aa dawh ning. Khoi an man tah?

Flo, facetime!

Phasa khon, Pyin Oo Lwin, thesis, kawlram, business, business kan tuah tti ah cun kan philh te lo ding thil pawl …

Tlai tuk, ih hau.

 

Nithum ni

Rawlei hlan: mah ruahnak he aa ralkahmi ca pawl cu van rel. Tam nawn rel ah dirhmun van thlau pah thluahmah, nikhat ni i ruahcia mi zong an van i hninh thluahmah. Ttah hnik.

Rawl eeeeeeeeeeei…..

Cazohnak khaan hrim luh duh bak lo, coka te pawl thianh chih, zai chih, thil tteih, tteih sawh sawh cun tiah movie zoh pah. Movie dih, thil tteih ding dih nain movie phunphai nih suai ngai. Adang kawl.

11:59PM – Tuan tein maw ka ih lai i zingka tein ka zoh lai, siloah atu ah dah ka zoh lai i thaizing tlaipi ka thawh lai?

Tlawmpal ih. Hnglih khawh lo.

12:30 AM – Tuah cia mi zoh, relthar mi zoh, ttial cuahmah, thluak khi a vingh bak khin i vingh.

Hi tluk thiam awk a herhmi, cawn zong a nuam tukmi hi zei ah hen tuan ten ka rak tuah lo?

5AM – A cheu hrawng dih, mitkuhtak.

11921741_10156005080920263_19856578029367934_o
Sianginn ngeihnak ah(University of Agder)

Nili ni

2PM- OMG! Zeitin dah ka ttial dih manh lai?

Coffee..

Cattial

Coffee

HNACHET HLAH UH!!

Cattial …

Cattial…

ZIAH KEIMAH LAWNGTE HI RIAN NAN KA FIAL???

 

Coffee

Cattial …

 

8PM: Cheu thum cheu hnih 2/3 hrawng dih. OK, ka control khawh ko lai.

Coka ah eidin a mak nawnmi hmuh. Patlung auh i ei pah bia i ruah pah. Biaruah thawt chinchin, aw than chinchin. Ei mi a dih i adang phunphai ei lungchuah rih. Peh.

11.30- Khaan ah kir.

Eeee…..nuam ti lo e! Ka khaan hi a pungsan thleng ning law ttha hnga ma aw…???

Ka thil pawl zong bil dih an hau. Bizu zong thianh a hau. Camipuai dih ah!

Ka pc i file vialte zong thianh dih hau. Camipuai dih in.

Ee..mah cauk te cu a ttha ngai lai. Ka dih bak in ka rel lai.

Mah movie zong hi.

Camipuai dih lai kaa ngeih tuk.

 

1AM: Ok, ka ttial lo cun ka dih lai lo i ka ttial hrim cu a hau cu mu.

 

Ttial ttial ttial …

5AM: Lim dih, hngah huam lo, i chiah hna hnawk i ap deih.

 

IH BAK!

11037003_10155813305105263_6057246054269878277_o
Oslo S

NINGA NI

2PM: Thawh!

Camipuai dih i lung thin cu a zaang tuk cang.

Kaa chiahmi vialte ah khan zeidah ka tuah hmasa bik hnga??

 

Cauk kau. .. hmh.. ka ruahning zong si lo

Movie tah .. nuam lo

..

..

Camipuai dih zaan ah innthianh phung zong si lo.

Zei ngai ngai duh takmi um lo, umhar tuk ah ca dang zoh phun tiang khi hei i timh. Tlawmpal zoh nain huam fawn lo in zarhteni phanh beh.

Ni-3-campuai khi sipuazi in tuak cun a za bak si nain fel ngai a hau i a caan tampi cu a nuam lo ka ti. Ni-5 hi ttha ko ti?

 

 

College Kitchen Essentials – Siangngakchia Coka

Do you ever wonder about how college students make food, or what  college students´ kitchen look like for that matter? Well, may be you don´t care. But still, let me write this post.

Even though we are away from home and all, since we still need to eat food as human beings and eating out is just too expensive, we do cook our meals with normal kitchen utensils hehe. So, here are the kitchen essentials that a not-so-average college student have in their kitchen. And by not so average, I mean that I enjoy food and cooking a little more than normal people and that I´ve been away from home for quite a long time, so I think I have a little more of kitchen stuffs than an average student.

Enough with intro, let´s just get into it.

Number 1 essential is water boiler thing, which I don´t know the exact English name. Rachel bought it, so that explains the colour.

Rachel bought it, that´s why it´s pink.
Tisa sonak cu a ho poah caah a herh bikmi a si ko ti. 

Number 2 is cooking pot, this can do so many things, oh and, this can even replace the water boiler as no. 1 essential. May be this is number 1, I don´t know.

Bel pakhat cu ngeih hrimhrim a hau cu mu.
Bel pakhat cu ngeih hrimhrim a hau cu mu.

Let´s put the frying pan in number 3, because as a college student, you´re going to fry a lot of eggs. That´s the tradition. Personally, I think the larger the frying pan, the better for easier meal prep.

Ukang lo cun si kho bak lo, arti kio lo cun ei ding a tlawm tuk.
Ukang lo cun si kho bak lo, arti kio lo cun ei ding a tlawm tuk.

Rice cooker makes all thing easy. So, 4th essential, it is. For some reason, this photo of this rice cooker makes me so sad and I don´t even know why. Poor rice cooker!

Mah tein ser rak si hlah sehlaw minung tampi caah a rak buai ngai hnga, a bik in Asian pawl :D
Mah tein ser rak si hlah sehlaw minung tampi caah a rak buai ngai hnga, a bik in Asian pawl 😀

I almost forgot, here are number 5, the knife and the cutting board.

Namte lo cun zeitin hen kan si lai, ti ko?
Namte lo cun zeitin hen kan si lai, ti ko?

Bachelor number 6 is this, the microwave! This is not essential, but a very useful one.

A herh bakmi cu a si lo nain, san a tlai tuk.
A herh bakmi cu a si lo nain, san a tlai tuk.

And, the coffee maker. If you love coffee like me, this thing will save you so much money. Look at the picture, the coffee maker is so dirty, I´m sorry, but that´s just life. A lot of things are not clean and sparkly in real life ;), kidding, I´ll clean it tomorrow.

Coffee a rammi nih cun mah lawng um zong ah i cawk bak ding si.
Coffee a rammi nih cun mah lawng um zong ah i cawk bak ding si.

Last thing is not even essential. You probably won´t even know what that is. But mortar and pestle are very common in Asian kitchen.

Norway ummi sum lakah a ngan bik
Norway ummi sum lakah a ngan bik

Now, you don´t normally have this thing if you are a college student. But, I thought I was starting a very real life as a full-time adult when I first moved out from home for college, hehe. I actually bought a lot of weird stuffs in my first year in Kristiansand because I was so exited about living an independent life, you know what I mean.

Okok, I should get out of kitchen and food related thoughts and do my homework. See you in my next post! <3

Mark tthat duh ah maw thiam taktak duh ah? Mastery vs. Performance Goals

Ka ngakchiat deuh lio i ka uar tak ci cu, ca zong i zuam tuk lem lo nain a thiam ngai mi lawh i mark tthat ngai tawn khi a si. Phiat-laan uar zia khi mu. I zuam loin mark ttha ngah khawh a si maw, tiah a timi nan um men lai. A si bak. Ca rel thiam, carel ran i i hmahthah i harh tuk lem lo ahcun vaivuanh vaivuanh i camipuai lai ah cazoh zok in mark ttha hmuh khawh a si ko tiah ka ruah. Nain, mah bantuk in thiammi cu sau a nguh lo. Camipuai a dih ve, ka philh ve timi pawl khi an si, keimah ton ning ah, phundang phun ka hngalh lomi hoi hna a um ko lai.

Kapi´s flowers @Egersund
Kapi´s flowers @Egersund

Thil tuah tiah cun tinhmi um ruang ah tuah cu a va si tikah, siangngakchia nih fimthiamnak lei subject/course pakhat kan cawn tikah zeidah kan i tinh ti i fian hi a miak ngai ka ti mi a si. Kawlram i ca ka cawn lio ahcun, ka hngalh tawkah, mark tthat le camipuai i pakhatnak/pahnihnak tbk. ngah khi i tinh in kan cawng deuh tuk tiah ka ruah. Performance-oriented goals timi khi a si deuh rua tiah. Mi hmai ah cuan duh, piah duh, fak nawn tein chim ahcun, anih cu BA a awng, PhD a tuah timi langhcuan hleiah i cacawn khi mu.

One of my fav corners of UiA (University of Agder)
One of my fav corners of UiA (University of Agder)

Fimthiamnak athar pakhat thiam duh thengtheng ruangah timi tinhank, Mastery-oriented goals, in cacawn ko hi a zaang i a nuam bik tiah keimah pumpak in ka ruah. Marh zeizat ka ngah a biapi lo, mah kong ka thiam poah ahcun a za, ti i mark ngah ding kong ah zei stress hmanh um lo i cacawn ahcun tampi ka thiam deuh in ka thei.

Ziah cacawnmi thiam dih ahcun mark cu a tthat lonak ding a um maw, ti a fawi te. A si tuk hen ta, nain a taktak ah cawnmi a tam tuk tikah, i thim a hauh caan a tam pi, tiah ka ruah. Camipuai caah cazoh le thiamnak caah cazoh hi aa lawh lo caan a tam pi. A ruat thiam mi nan tam pi lai.

Kapi le kapu innpi @ Egersund
Kapi le kapu innpi @ Egersund

Kannih, kawlram (Asia ram tampi zong) in a rami cu kan nu le kan pa nih kan mark tam seh ti an kan duh piaknak aa hngal khun. Ramdang nu le pa zong an si ko, nain kanmah tluk in an langhter lem rua lo. Nu le pa lawng hlah, rian tthami nih cun mark ttha a ngahmi hi u-sa pek deuh zong cu a si. Mah tikah mark ttha ngah duhnak pressure/stress nih thiamnak a donh caan a tam pi. Khat lei in cun, mark kong zeihmanh tuak loin, thiamnak dingah ca kan cawn tikah, kan thiam deuh i kan mark zong a thangcho tawn hoi.

Ka chim duh bikmi cu zei bantuk tinhmi in dah ca kan cawn ti hi ruah ter duh bia. A pahnih cu kan i tinh ko e, nain i thim a hauh caan a phanh tikah zeidah kan i thim lai ti bia khi mu.

Frogner Park @Oslo
Frogner Park @Oslo

Zei bantuk tinhnak in kan cawn zognah a fiangmi pakhat, kum saupi siangnakcha ka si hnu in ka hngalhmi, cu ca zuam hi a rak ttha bik ko ti hi a si. Thluak tthat timi hi sianghleirun tibantuk ah le thiam taktak duh i cacawnnak ahcun i rinh awk a ttha tuk rua lo. A rel deuhmi poah, aa zuam deuhmi poah thiam a si ko. I zuam ngai i kum donghah mark tthat theng lo zongah textbooks van zoh tthan i a chung a um mi kong pawl van theih ngai, a konglam he aa pehtlaimi pawl van ceihhmai khawh ngai rih khi A hmuhnak in a nuam deuh ka ti.

Simple, healthy and inexpensive college meal (aka) The many ways of eating green beans

(A tang deuh ah Laiholh in a um) 

To make Monday a little bit more exciting, let’s put aside some school works and talk something fun, shall we? By something fun, I mean food, and I hope you also agree. Do you love green beans? Do you eat healthy? Do you enjoy and appreciate easy and simple recipe? If yes, I think you are reading the right post.

This is what we´re making
This is what we´re making – A pack of salmons that contains 4 slices costs 38.90 –42.90Kr at Kiwi (depends on the packing,  you have to  get the ones with skin). Skinless ones cost a little more and I see no point buying those since removing fish skins is not difficult at all.

A pack of frozen green beans costs 11.50Kr at Kiwi and it has two portions, very okay for a student budget. Before you stir-fry, make sure you soak the beans in very cold water to defrost. You’ll get a funny taste if you use hot water, or may be you’ll like it, I don’t know. Your choice!

Mah peti khi Kiwi ah bawm khat ah 11.50 a si i minung 2 kan i za.
Mah peti khi Kiwi ah bawm khat ah 11.50 a si i minung 2 kan i za.

Drain the water and then just stir-fry the beans. Don’t know how to stir-fry? It’s okay, I still got your back ;). So basically, you heat your frying pan on high heat, put a little bit of oil, add a little bit of garlic (if you’d like) when the oil is hot, add the beans, add salt and pepper (again, optional). Stir often, and that’s called stir-frying. You do that for about 7 minutes if you want your beans to be completely cooked.

Khachuan ba tlawmte he kio
Khachuan ba tlawmte he kio

You can eat your fried-beans with anything. The easiest and also one of my favourite ways is to eat with Norwegian salmon. I just microwave the fish, and that’s it. To tell you the truth, I’m the queen of microwave (meaning, I microwave everything), more on this later.You can also eat with rice and fried egg like this.

A light a tam tuk sual, ka arti a aihret dan a pin tuk deuh
A light a tam tuk sual, ka arti a aihret dan a pin tuk deuh

Another way is to fry with other veggies, very suitable when you are cooking for many people.

Civui, camping ti phun, mi tam pi caah kio ding ah aa tlak ngai, a fawi, aa dawh, a thaw, a man aa den caah
Civui, camping ti phun, mi tam pi caah kio ding ah aa tlak ngai, a fawi, aa dawh, a thaw, a man aa den caah
Kjøttboller he zong thaw tthiam
Kjøttboller he zong thaw tthiam

Have fun with your green beans.

(Laiholh)

Flo he nikhat ah hin pe voi khat kan ei lo a um rua lo ka ti. Kan uar bak. Norway hin pe hi a hring in an zuarmi nakin an khal ter (frozen) mi a man awi deuh. Hmanthlak ah a va um dih ko nain a tawi nak tein ka chim ta lai mu.

Peti a khal mi kha tikik in ciah, kio, Nga emmi he ei, a si lo ah, arti kio le buh he ei, asi lo ah adang annhnah he kio tti I ei ahcun a thaw fawn, a man aa deng fawn, a tuah a fawi fawn i amah lawng a ummi siangngakchia caah aa tlak tuk ka ti.