Hakha ah thla khat

Kip he Hakha kan phanhnak hi thla khat leng a si cang. Kan rat hnawhchan rian taktak kan thawk rih lo nain thil a cangmi a tam, kan tonmi a tam, ni a sau tuk i sau tuk a um cangmi kaa lawh ter. Hakha ni a sau ka tinak cu aho poah tuan tein thawh dih a si. Pepuri ti bantuk khi cu thawh tuanmi lawng nih an hmuh manh. Motor cycle kan ngei lo, kan ke in khoika poah kan kal nain, khua fa te a si i umkalnak le rianherh tuah ah caan tampi a la lem lo. Hmuhtonmi lakah a nuam ka timi le a har ka ti mi ka rak ttial lai i voi dang post tawnmi nakin a sau deuh lai.

Nuamhnak

Nikhua

February ka tlun lio he aa dannak cu October ah cun lei khu a tam tuk lo. Khua a thiang, nikhua a ttha, pawngkam a thiang, thingkung ti pawl zong an hring i a nuam tuk. Minung zong an i dawh khun. Zil, fongvoirawh, bisakut, mai ti pawl a zaat caan a si i ei le ei lo cu dang khat, dum phunphai a dawh ter tuk.

Hawikom

Hawi hlun, hawi thar he kaa ton caah a nuam. Mino kan theihhngalh thar mi rian an ttuan ngai hna i mah cu lung a nuam tuk. Rian ttuan ding ka tha a ka thawh ter tuk ve. Cun pakhat a ummi cu Hakha hi ka um lonak a sau ngai nain, kan phanh ka te hrawng ti dah lo cu, ka inn le ka khua timi feeling he khin kaa ziak colh. Ka ngam tuk.

Chin Idol

Chin Idol a si i kawlram mintang hlasakthiam lawng si loin laitlang awttha pawl tampi zoh le ngaih khawh an si i a nuam tuk. Live music ka uar tuk i Chin Idol lio cu tuan tein kaa thawh peng. Tukum Chin Idol ah ka uar bikmi cu production team an si. Mino tete an si. Ka hmuh tawk ah rian an ttuanmi an i biatak tuk. An fel bak.

Tho Puai

Tho puai kha Chin Idol he komhin chun ah kan tuah. Puai tuah dan hi Pathian thangtthat le hallelujah ti rumro a si uar a um ka ti. Pathian kan duh dan le kan upat dan kan nunphung puai pakhat ah a langh tukmi cu uar kan um ngai. Nifate kan nunnak ah a langh le langh lo tu cu ka hngal tuk ve rih lo.

Tho puai le CACC nih tuahmi Laica kong ceihhmainak ah ka kal i kan nunphung le kan holh a rum ngai ko nain ka hngalhmi a tlawm ning kaa fiang. Zion ah voi khat kan I pum I Lai hla hlapi in Pathian hla bak an sak thluahmah I ka khuasiksem zong a chuak dih. Ka upa deuhdeuh, miphun dang tam deuh he kaa cawh deuhdeuh ah hin ka Laimi ka sinak le kan sining hi hngalh ka duh deuhdeuh. Kan chuahkehnak kong hngalh hi kanmah le kanmah kong (identity) cawnnak ah a biapi bakmi a si cu mu? Lai nunphung le Lai holh hi tam deuh cawn bak ka hau ko I keimah bantuk nan tampi ve ko lai tiah ka ruah top ko.

Nuamh lonak

Zurit thiam lo pawl

Zuri a phunphun ka hmuhmi vialte lakah Laimi zuri hi a mak lo pawl cu an si ve. Ke in a kal pengmi kan si caah kan hmuh khun hna rua. Hmurka in biachia chim le kuh timh ti phun phai an hmang. Thin an hung tuk nain a tthawng lo tukmi an lo I an ril lai I an thi lai ti phun hna khi phan a um. Sianginn kai a hrokhrol I viewpoint pawng ah zu a ding (rua tiah ruahmi)mi ngakchia pawl ka hmuh hna ko ah ka thin a ka khenh. Zeidah, zeitin ka tuah lai ti ka hngal lo.

Caan hman lo

A tawinak in chim ahcun Lai /Kawl suimilam rak ti mi kha a um rih ko. Cun mi he thil tuah I timhmi ah thil pipa um tuk lem lo bu in let top zong a um len rih. Mah hi cu phaisa dih lo, fim cawnnak hau lem lo in remh khawhmi zia a si ko I remh a hau bak ko.

Lamkam zun

Hakha lamphawk tampi ka kal I zuun rim a nam deuhmi lawng te an si. A caan ahcun an veilo cuahmah lio te pawl kan hmuh hna. An lau lem lo. Zoh dawh lo cu dangkhat, ngandamnak ca hrim ah a ttha lai lo.

Innchung kuak zuk

Rawl dawr bak ah an zu ko. A zumi he zu lomi he rit dih, nam dih a si. A miak bak lo, a poi bak ka timi a si. Micheu cu mi inn lennak, mi innchung bak ah an zu ko, ngakchia an um ti zong ruat lo, tar an um ti zong an ruat lem lo. Tuah tawnmi a si caah khuaruah lo a fawi te ko. Nain a okay maw ti ahcun okay bak lo. Kan remh a hau ko.

Pumpak harnak

Keimah pumpak in harnak ka ton bikmi cu Kalay kan phanh bak ah ka laptop a rawhmi a si. Hakha ah mac a remhmi ka hngal hna lo i ka hawipa Yangon a kal lio ah ka kuat thla 1 leng a si cang nain aa remh kho rih lo. Ka rian vialte ka laptop ah um kaw, zeihmanh ka tuah kho lo. Sianginn khar kar, mah tluk caan um lio ah tuah hna ning law, ti ka ruah ah ka sivang.

CCU sianginn khar kha kan rak hngal lo, kan hlathlaimi a chanbau ruangah a si. Rian ttuan colh ding bak in kan rak ra I rian a um lo pin ah rian um ciami le ka tttuan khawh lo tikah ka vaivuan dih ka ti lai cu. Khua ka ruah lo deuh ah kaa nuam I ka ruah deuh ah ka sivang.

Pathian sinah ka zai chel, kaa lawmh chel. A rak tthatnak cu Pathian he kan I naih deuh. Ka laptop cu ka thluak cu si kaw, a rawh tik ahcun Pathian hlei bochan awk cu ka ngei lo cu mu.

Tuan deuh ahcun Pathian he caan ka hmang ka timi hi ka voikhat zunput kalmi nakin a caan a tawi deuh. A dih colh. Atu cu Youtube ka zoh kho lo, ca le ka rel cawk lo, tlangval le ka ngei lo, ka vak cawk fawn lo I Pathian he caan kan ngeihmi (quiet time) khi ka sau ter deuh I Pathian he caan hman tti hi a rak nuam ngai te. Kan hleng bak hna lo. Pathian bak hi cu a mak hrim ko, uar um tuk!

A sau bak cang I ka ngol rih lai. Mah tiang na rak rel ahcun kaa lawm. Internet a nuar bak I hmanthlak hi a lutmi poah ka tar ko.

Hakha a tthangcho maw?

Kan hnu thla February ah kanu le kapa he Kawlram kan tlung. Thla khat deng hrawng kan um i a tam bik kan umnak hi Hakha ah a si. Kawlram ka um lio ah siseh, ka rak tlun hnu ah siseh bia an ka hal bikmi a leh kaa harh bikmi cu Hakha a tthangcho maw timi biahalnak a si.

Aa thlengmi a tampi. Nain tthancho a si maw si lo ti a chim awk ka thiam lo. Hakha ah a tthangmi ka si i a luan ciami kum 11 ah ramdang ah ka pem i mah hnu i a voi khat nak ka phanh tthan khi a si.

SAMSUNG CAMERA PICTURES

Rangoon-Hakha lam

Rangoon in Hakha direct bus in kan ra, suimilam 28 leng kan i cit. Hakha Maan timi kan i cit i Rangon khua chung le Hakha phanh lai ah hmanlung a hme deuhmi in an kan thlen nain a dang poah cu hmanlung a ngan pi in an kan phorh. Air-con a um, tthutnak a ngan pipi an si leng ah phone battery charge nak zong a um. New York le Baltimore kar kaa citmi bus nakin a ttha deuh. Norway i cit tawnmi bus he aa dannak cu bus cungah zumput a um rih lo. Mah te lawng cu a si ko.

SAMSUNG CAMERA PICTURES
Lei Um ah bus kan i thleng, bus hme mi pahnih ah an kan tlen.

SAMSUNG CAMERA PICTURESSAMSUNG CAMERA PICTURESSAMSUNG CAMERA PICTURES

 

Hakha phak lai tlang hrawng in Hakha van hmuh cu ka thin hi aa hlok. Nain vawlei khu a van chah thluahmah i ka lung a fim lo thluahmah. Hakah phanh lai ahcun thli a thiang lai tiah zeiruang dik ka ruah peng ka thei lo. Hakha kan um lio ah khual kan tlawn i kan kir tikah Hakha thli a thiang tiah ka ruahmi kha ka palh maw ti ka ruat tthan.

SAMSUNG CAMERA PICTURES

SAMSUNG CAMERA PICTURES

Khua Chung

Inn tampi a karh, mawttaw, saikel tampi a karh, vawlei khu a karh. Ka ngakchiat lio ah a ngan pipi in ka hmuhmi inn pawl pawng ah inn thar ngan deuh pipi aa sa cang. Ka hawi le he tution ttin pah ah kan i dawi tonnak inn karlak lam pawl an bi chinchin. Lamphawk ka kal tawnnak an phih cangmi ti bantuk pawl zong a um.

SAMSUNG CAMERA PICTURES

Ka hawi le an rak upa pah dih cang hna i a biapi mi rian pawl lawng te an ttuan cang hna. Taang 10 dihka ah kan i tthen mi hna a si i keimah pi lawng a tthang/upa lomi kaa lawh ter pah. Ka rak hmuh tawnmi mi tam deuh cu Hakha ah an um ti hna lo.

17353393_10158336273855263_6490946134604296837_n
Ngai tuk hna <3

Khuachung cu electric mei a ttha tuk cang, ka um vialte chung ah nikhat te lawng bak mei a ra lo. Ka hmuh tawk ah, inn pawl ah hin thing le meihol hman a tlawm deuh tuk cang. Electric tisa sonak hman khawh a si mi ko khi kaa lunghmuih. Hakha kan um lio ahcun tisa te ruah ah thing lak, mei kau, mei alh ter vialte khi tuah a hau. Thilsuknak seh zong hman a si cang nain ka hmuhmi a tlawm ngai rih.

Wi-Fi a umnak a tlawm ngai rih (ka theih tawkah) nain mobile data in internet hman khawh a si. Siangngakchia ca le research a tuahmi ca ah a har mi belte cu cauk, e-book pawl download a har tuk, PC in rianttuan a har deuh. Facebook cu a vingh in aa ving ko. OK tuk.

SAMSUNG CAMERA PICTURES
Hakha Market 

SAMSUNG CAMERA PICTURESSAMSUNG CAMERA PICTURES

Innchung ah zumput a chia mi an karh chin thluahmah i kaa nuam ngai, nain innleng ah choi a haumi a tampi rih. Zaanttim ti pawl ah herhhai a chuah ahcun a buai ngai.

Dum pawl le ngakchia pawl hmuh ah lung a nuam bik. Hakha ngakchia ka hmuhmi an i dawh hna ning hi, ka khuaruah a har. Ka hmanthlak a zohmi zong nih an ti dih. Dawh tak bak khi si. Dum i anhnah bak van ttawh i ttawl i ei bak cun kaa nuamh tuk nakah a lau in ka lau. Norway i anhnah kan ei mi hi Thailand in cahmi a si i a thar bik kan ti mi hmanh hi an ttawh, an pack hnu in lam ah zeimawzat a um cangmi an si. An man zong a fak, sa nakin an man a fak deuh. Hakha i ei mi anhnah cu si tel lo, organic lawng te a hei si chap i quality a um tuk cu mu. Avocado hoi hna i a kung cung a hmin mi, a thei tum pipi, a thawthaw bak an si.

SAMSUNG CAMERA PICTURES
Van Lal Pu te dum

Hakha le Globalization

Ka rak um lio ah Kawlram cu tawh hrenhmi a rak si. Vawlei ah pehtlaihnak a tlawm khawh chung in a tlawm. Atu ah cun Lei Um le Hakha kar kaa citmi bus cungah Jessie J hla an chuah. Ka research tuahmi hi nu le pa thleidannak/nu dirhmun cawisannak (gender issue/women empowerment) lei he aa pehtlaimi a si. Atu lio vawlei pumpi nih buai pi mi thil a si. Hakha i bia ka ruahmi hna tampi nih hi kong hi an i buai pi ve ti ka hmuh i ka khuaruah zong a har, a nuamh zong kaa nuam tuk. Ka um lio hrawng ah khan cun globalization hi a min kan theih men lawng a si. Atu ah cun vawlei ning in buaipi mi thil ttha lo dohnak ah kan i tel ve cang.

16388418_10158336274110263_5507337288564943121_n
Feminist Theology Class @Chin Christian University

Hi kong research tuah ah kawlram ka thlun hlan ah hin cauk heh tiah kaa rel cia, kawlram nu pawl kong an tuahmi research (a tlawm ngai rih) a tthing he a thar deuh he, academic a si lem lo mi ca pawl tiang khi ka rel hna. Kawlram ka rak um lio i a ka ngeihmi kawlram kong theihhngalhnak (knowledge) le ka cauk relmi fonh in ka thluak chung ah ka research kong he pehtlai in ruah ciami te a um ziar. Ka hlathlaimi kong hi ka theih ngai ko cang tiah ka rak ruah pah deng i ka supervisor nu nih cauk rel chap ti hlah a ka ti beh. Kan theih cang tiah kan ruah tikah kan lungthin on (open-minded) a har deuh i hmuh lo in kal takmi a tam tuk.

SAMSUNG CAMERA PICTURES

SAMSUNG CAMERA PICTURES

Hakha phanh lai tlang cung i khua ka ruahmi le khua chung i mi he bia kaa ruah hnu le khuasakdan pawl ka hmuh hnu in khua ka ruahmi hi aa dang tuk lawmmam. Minung bia ka ruahmi tampi i biachimmi nih fim tam tuk a ka chimh. A mak mak tor bak ka hmuh hna. Chin Christian University ah feminst theology le human rights timi course hoi hna an chimh hna. Siangngakchia zong hi Laitlang hmun ka kip le kawlram lei tibantuk in an si hna. Paletwa, Matupi, Kanpelett, Shan ram ti ban tuk hoi hna an tam tuk i sianginn kai a nuam tuk phun a si ka ti.

SAMSUNG CAMERA PICTURES
Kapa le ka u Harvey @Thlacamnak tlang

SAMSUNG CAMERA PICTURES

SAMSUNG CAMERA PICTURES
Hakha viewpoint 2 i Lai Inn

Hakha a tthangcho kun maw?

Biahalnak tthing ah kir u sih law, a luan ciami kum 10 ah Hakha a tthangcho maw tthang cho lo, ti chim ding ah ka um zat a tawi ngai, ka hmuhmi zong a tlawm. Ka hmuh tawk in ka chim belte ahcun, minung lungput le khuaruahdan ah hin a tthangcho ka ti. Leng lei thilri lei (mei, lam, ti, mawttaw, saikel, nundan tbk.) pawl he pehtlai in cun a tthangcho nain a a tthancho mi hi a tlawm tuk ka ti. Nain nikum kum chin i kokel harnak kan ton hlan Hakha le atu Hakha zei tluk aa dan ti tu cu ka hngal bak ve lo. A zei si zong ah phaisa le institution a ttha mi te a um ah cun fawi ngai i aa remh khomi a tam ngai ko. Cozah institution nih a ti khawh lo hmanh ah kanmah miphun (ramchung/ramleng) nih kan tuah khawhmi a tam tuk, kan tuah ciami zong a tam tuk. Tam deuh in a dang post ah ka rak ttial te lai.

 

New York Diary – Ni 4nak

Nilinak hi zarhpi ni a si i biakinn 4 ah kan i pum. NYC ah minung a ummi vialte chungin percentage tlawmpal te lawng biakinn ah an i pum ti a si nain an biakinn pawl kan phanh taktak i minung an tam ning zoh ah statistic hi a si ngai hnga maw ti ding khin a um. Civui a lo, a nuam tuk.

@Hillsong NYC
@Hillsong NYC

Aa pummi minung pawl an i ttamh dan, an thil hruk dan zoh ah khin cun lai lei nu le pa deuh nih cun piangthar zong ah an ruat hna lai lo, hei ti, sorry, sorry, ka bia a fak tuk deuh. Chim duhmi cu minung a leng lei kan hmuhnak sawhsawh in mah bantuk cu a si ko lai, a si bal lai lo, kan ti tawnmi khi ka chim duhmi a si. Pheh lo tein chim ahcun Laimi hi mah bantuk kan hmang ngai cu mu. Ka nau Thaku hi mission sianginn ah kum khat a kai i Brazil ah fieldwork a va tuah cuh. Dreadlock (sam aa funtom dihmi khi) tuah ka duh a ti i, kanu le kapa nih, “Thaku, mission a kalmi he cun mah bantuk sam cu aa tlak lo,´´an ti i mah cu aa saing lo tuk ning ti ka rak ruahmi khi kaa thei tthan i ka chimmi a si. A leng thil ah kan buai tuk.

Hman thlak a ngah lo an ti hlan ah thlak ta zokmi @Brooklyn Tabernacle Church
Hman thlak a ngah lo an ti hlan ah thlak ta zokmi @Brooklyn Tabernacle Church

A pakhatnak kan i pumhnak hi Brooklyn Tabernacle church ah a si i an choir a ttha tuk tiah a min a thangmi a si. Kan kal, hla kan sa, thla kan cam i phungchim hlanah kan chuak i Hillsong Church ah kan va kal. Phungchim kan um manh i University i ca a chimmi professor pa phung a chim. Iran mi a si i Pathian hi zeizong vialte a ngeitu a si zia le a fa kan si hi zeitluk mirum dah kan si ti kong a chim.

A dihin chuncaw kan ei i Union Square hrawng ah khan kan ke in kan i chawk. Ke in i chawk hi thil tampi hmuh manhnak a si i khualtlawn huam ngai ahcun ke kal tthawn pah a hau ;). Chuncaw kan ei dihin Trinity Grace Church timi ah kan va kal tthan.

Trinity Grace Church
Trinity Grace Church

Annih biakinn hi zing deuh kan kalnak pahnih nak in a phungphai an tlai deuh: amah nih mah a rel caan a si lai, mah hi a chim lai i nan ka zulh lai, ti phun khi a tam ngai. Chawnghlang rel zong a um i Laimi pumh he aa lo ngai. Ngut a fawi tak phun khi. Phungchim hlan ah kan chuak zokzok i Redeemer Prestbyterian Church ah kan va tli zok i phungchim kan tanh fang te bak si.

An senior pastor pa, Timothy Keller, hi a min a thang ngaimi a si i Theology lei a kaimi nih cun an hngalh ngai.

Dr. Timothy Keller
Dr. Timothy Keller

Tim Keller phung a chimmi a tawinak in kan chim tthan ahcun: vawlei cung i rian sang e, rian niam e kan timi hi minung nih khiahmi lawngte a si. Rian poah hi an biapi dih, minung ngandamnak caah a bawmmi sibawi pawl an biapit bantuk in sizung thianhhlimhnak caah ttuanvo a lami hna an rian zong a biapi tuk ve. Ahman tuk ka ti. Mi sang deuh le mi niam deuh tthen hi ram sifak ko ah a tam i ram ttha zong ah a um ve tthiam i uar a um lo tak tiah ka ruahmi a si. Sizung pakhat ah kan zapi doctor si viar u sihlaw aho dah inn a thianh ti lai, lo mei? Aho kan si, zei rian kan ttuan poah ah kan ttuanmi rian i a biapit nak hi kanmah hrim nih kan hngalh a hau i kanmah tein kan nek sual lo a hau. Tim Keller nih a chim bantuk in kan ttuanmi rian cio Pathian rian ka ttuan tiin fel tein upatnak te he kan ttuan ahcun Pathian nih thlua a chuah tuk lai tiah ka zumh ve.

SAMSUNG CAMERA PICTURES

New York Diary – Ni 3nak

New York ah zoh kaa ngaih bikmi hi Central Park le Statue of Liberty a si. Ni 3nak i a voi khatnak kan kalnak ding hi Statue of Liberty a si i kan i ngaih cio dih. Nikhua a chia, thli a hrang ngai, ruah a sur pah fawn. Nain Norway phungthluk pakhat nih, ´´nikhua chia a um lo, thilhruk chia lawng a um, ´´ a ti bang lum tein kan i hruk i kan kal. Tilawng (Ferry) kan i cit tthan, zarhte ni a si i si rua, minung kan tam ngai. April 9 a si. Luhman 18 USD a si i security check a um. A hmun ah Mandalay in a rami kawl pawl he kan i tong i ka vai i nuam ngai cuh. Kawlram mi tam tuk nak ram ah a ummi pawl caah cun zeihmanh a si lai lo.

SAMSUNG CAMERA PICTURES

Kan kir pah cu ruah a sur ngai cang. Ellis Island ah ferry kan i cit hoi i mipem museum (Ellis Island National Museum of Immigration) timi ah kan kal. USA cu mipem ram a si caah hi museum in hin tam tuk cawn khawh a si, a bikin kanmah bantuk mipem ve caah san a tlai khun. A hlan chan i European pawl an rak pemnak kong kha hall pakhat ah an piah, cun chanthar Vawlei Ralpi 2 hnu pemnak kong ah a dang pakhat ah an piah i, mah ka zawn ahcun sau bik ka um. Mipem kawlnak room pakhat a um i Norway kan hawi le cu an hringsortu an pu le an kawl len hna. Pakhat cu USA i a hlan lio i a rak pem mi a pu i puchin i puchin i heiti phun khi pakhat a hmuh.

SAMSUNG CAMERA PICTURES

Mah museum i ka lung a ka tong ngaimi pakhat cu, mipem pawl USA an rak pem ka i anmah miphun cio pakhat le pakhat an i zohkhenh dan an ttialmi a si. A hlan chan kum zabu 19 hrawng zong ah cu bantuk zohkhenhnak cu a um i, chanthar deuh pem lio zong ah khan hi bantuk a um, i atu tiang Laimi mipem sin zong ah hmuh khawh a si i. Ngeihmi kan ngei tuk hna lo, mipem cio kan si nain kanmah le kanmah kan i zohkhenhmi hi uar a um tuk ah ka ruah. Nunsiang hi uar a um tuk ka ti. Tampi a ngei lo nain a ngeihmi poah a siangmi khi uar an um chinchin. Tam tuk ka hmuh cang hna.

SAMSUNG CAMERA PICTURES

Ka lung a fim deuhdeuh (ko rua) i individualism hi ka uar lo deuh deuh. Laimi kan i dawt dan le kan i zohkhenhdan man a ngeih dan ka lung a fiang deuhdeuh. Kan rum viar tik hna i kan i herh lo cio tikah hi ti hin kan i daw kho ti hnga maw ti ka ruat ngai.

SAMSUNG CAMERA PICTURES

Khuachung kan kir cu kan khuasik, kan paw ttam. Ferry dinhnak he aa hlat bak lo nak ah Open Market timi a um i rawl phunphun hi a tling i rawlttam lio luh ah khin cun laam chih bak khi duh a si. A nizaan zong kan kal cangnak a si. William street ah a um. NYC nan kal cun kal te u law mu. Hawi le tampi, duhmi aa dang cio mi he kal tikah aa tlak chinchin.

SAMSUNG CAMERA PICTURES

Rawl ei dih cun Brooklyn ah subway in kan kal tthan i First Evangelical Free Church timi ah kan leng hna. Mah zong cu Norway mipem nih rak dirhmi tthiam. Anmah Norway mi tu cu an tlawm tuk cang. May 17, Norway National Day an khrihfabu nih an lawmhpi nak hmanthlak te ka zoh i sam nak deuh lawngte an si. Tuhnu kum 100 ah Lairam a si lomi ram i Chin National Day an tuah tik ah ho te pawl dik a ra ve te hnga.

SAMSUNG CAMERA PICTURES

Cu dih cun China town ah kan kal. Saupi kan i chawk, ei ding kong sau nawn kan i al hnu ah Chinese rawl tor le cheng kan ei pah in miphun tlau le tlau lo kong ah saupi bia kan i al hna hnu ah hotel ah kan kir than.

 

 

New York Diary – Ni 2nak

Norway cu zaan 10 lawng ah ni a tla i ni a sau tuk cang. A thawh tuanmi caah a sau chin. Tuah manhmi a tam tuk ah a sau chinchin. Mah lawng um ah a sau chinchin chin i ngaihmi um ahcun a sau chinchin chin … Ok, za rih seh, Laiholh zong a si ti lai lo. Chim duhmi cu ni a sau. Nain nikhua a ttha, thli a hran dan zong a za bak te a si. Hmui tein i ttamh, keden kal a nuammi te i denh i zeite dik ei pah (theithiam ma?), hla tthami te ngaih pah bu in i chawh a nuam ngai.

Ka khualtlawn a sau, ka tlun bak in sianginn project a taangmi pakhat tuah ah Kristiansand ka ra tthan i ca ka ttial lo nak zong a sau, khua ttha tein ka ruah lo nak zong a sau. New York kan phanhka nikhat kha cu ca ka ttial, ka fel tuk rua lai tiah ka ruah nain chunnitlak kan vak, minung kan tong hna, biakinn kan leng hna, ka sianginn ca hoi hna tuah pah a hau, hotel internet a chia ngai ti phun khi a si i fel kaa let. I, kan phanhnak in kan van cher tthan lai kan ti ahcun a nihnihnak ttial a si lai.

SAMSUNG CAMERA PICTURES

A sau ngai cang i a rel cu chim lo a ttial hmanh nan ka huam piak hnga maw ti ding khi a si cang nain ka tar tikah rel tthan ka duh lai caah ka ttial ko lai. Vawlei cungah a biapi tiah ka ruahmi pakhat cu thil tampi va hmuh ton (experience) i memory tampi ser, hngalhnak tampi i chap i mah le mah ziaza a ttha deuhmi ah i sersiam chin thluahmah khi a si. Hmuhtonmi le memory ka sermi pawl kan i fim lo, midang kan hrawmh hna lo ahcun a pam ding a tam tuk.

Ka bia a sau tuk cang i New York ah a nihnihnak kan tuahmi a tawi deuhnak in ttial kaa zuam lai. Staten Island timi ah a ummi Salem Baptist church hi kan kal hmasa biknak a si.

12891582_10153328898097127_5976451758877376970_o-2
Photo by Rune R. Thilesen

New York khualipi ah khua (borough) 5 a um cu mu; Manhattan, Brooklyn, The Bronx, Queens le Staten Island cu an si i a hlan kum 100 hrawng ah Norway mi ngatlai tampi an rak pem i a tam deuh cu Staten Island le Brooklyn ah an rak um hna, an ti. Mah lio Norway mipem pawl nih hin an ngeihchiah tampi dih in biakinn pawl hi an rak dirh i an fa le nih an holh le an ca an philh lo nak hnga le Pathian an hngalhnak hnga an rak i zuam sek. Atu Salem biakinn zong cu Norway mipem nih rak dirhmi Norway biakinn a si nain atu ahcun miphun kip an in pumhnak biakinn nganpi a si cang. Kum 50-60 hrawng a si mi Norway mi an pastor pahnih nih an kan ton i Norway holh an thiam ti lo.

SAMSUNG CAMERA PICTURES

Khuachung kan rak kir i khua lai i zoh ding biakinn pawl he inn pawl kan zoh hna, an kan chimh pah. Wall street ah ka i chawk, pawngkam biakinn pawl kan zoh pah, world trade center an kah lio kong le inn sang pipi kong an kan chim pah. Kan tour leader pakhat hi hika ah saupi pastor a rak ttuanmi a si New York kong a hngal ngai. Pastor pa nih a chimmi lakah khua a ka ruahter ngaimi pakhat a um: New York i mi lianngan ti mi pawl nih hawi nak in a sang deuhmi inn ka sak lai timi zia in pumpak min cuan duh le mi tei duh ah inn sang pakhat hnu pakhat an sak dan le bible ca i Babel lungrual kha a tahchunh. Thil lian ngan an tuah i santlaihnak tampi a chuak ko e, nain Pathian zuamcawhnak duhnak tiang a phanmi tinhnak ttih a nun zia kha ka chim duhmi cu a si. Mah lawng si loin mi tei duh tuk le mi cung cuan duh tuk ti phunphai hoi hna tha a bat zia khi ka ti.

SAMSUNG CAMERA PICTURES

Hi inn sang pipi nih hin zei tluk in dah innsatu pawl nunnak, caan le thazaang, a herhnak lengin, a rak lak hnga ti ka ruat ngai. Minung cu kan uar ci le nun hnawh chan aa dang cio i zei bantuk thil/minung ah khin dah ka caan le ka thazaang tambik pek ka sian hnga ti a ka ruah ter ngai ti bia.

Tin pah ah nikhat chung kan tuahmi kong kan ceih tthan
Tin pah ah nikhat chung kan tuahmi kong kan ceih tthan

Za rih seh.

New York Diary – Ni 1nak

April 6-13 tiang hi Norwegian Baptist Union i mino bu a si mi Ung Baptist (Young Baptist) hruainak hi USA ram New York ah Pemnak kong he aa pehtlaimi study tour ah Norway in mino 9 nithum ni zingka tein Oslo in kan i thawh. Oslo in Frankfurt, Germany tiang suimilam 2 hrawng, cun Frankfurt in New York tiang suimilam 8 le cheu hrawng kan zuan hnu ah zaanlei suimilam 4PM ah kan phan hna. Lufthansa in kan zuang i vanlawng hi dot 2 a si i ka voi khatnak vanlawng dot 2 hmuh a si i kaa nuam dom, khuate fa cu kan mawh lo.

Empire State Building
Empire State Building

Manhattan i a ummi Broadway Hotel tiang hi airport in shuttle (mini van) kan hlan i kan zapi caah 130 USD kan dih, a mawngtu nu nih rang takin a thui bak in an kan thui pi i minute 40 hrawng a rauh ah kan hotel kan phan. Kan phanh hnu cun a tawinak in chim ahcun rawl ei i ih colh khi ka si ko. Rawl dawr pawl ah a man leng in tax le service/tips khi an kan lak chih i lau a um ngai. Aa ziak lomi cu an zai len.

SAMSUNG CAMERA PICTURES
Helene´s cup cakes from Magnolia Bakery
SAMSUNG CAMERA PICTURES
Time Square

Tuzing (nili ni) suimilam 10 ah cun kan hotel in thaithawh ei cia in kan chuak cang. Subway kan i cit i Time Square ah kan va kal colh. Zarh khat chung a nguhmi metro ticket (duhzat cit khawh) hi 31 USD a dih. Time Square kan phanh cu kan i nuam tuk i sau ngai kan um. Mah dih cun Rocketfeller centre, St. Patrick Church, Empire State Building ti pawl kan zoh hna. Cun, chuncaw kan ei dih in Central Park, kaa ngaih taktak mi ah kan kal. Tuchun cu ruah a sur pah lengmang, nithawng chinh pah, hngawngerh i khuh pah in kan i chawk.

SAMSUNG CAMERA PICTURES
Central Park

Park pawl hi zeidah dik ka rel, ka huam tuk ci an si. London i Hyde Park le Central Park hi ka kal hlan in kaa ngaih bikmi pahnih an si. Central Park hi kaa ngaih khunnak cu Friends timi tv series kha ka zoh tuk caah a si. A zoh tawnmi nih cun ka chimmi khi nan theih tuk kol ai. Manhattan i an leilighet (flat = tteihkhan) pawl tete zong hi Friends chung i Monica le Joey te inn phunphai an lo tuk i ka lung a leng ngai ;).

SAMSUNG CAMERA PICTURES
Friends i an inn a lo takmi

Eidin dawr a tam tukmi hi a nuam tuk in ka thei. Kannih Norway lei cu eidin dawr a tlawm i, thim ding a tlawm ngai i khua ngan deuh tlawn tik i rawl dawr a phunphun hmuh hmanh khin celh a si ti lo. Thil man cu a fak ngai bak ko. US ka kal tik i ei ding kaa ngaih bikmi hi hot cheetos le corn dog a si, hot cheetos ti mi ka hmu lo nain takis ti mi ka hmuh i an i khat maw dik? A thor, a thak, a al taktak , zing tho bak in ka ei i ka lung zong a fim viar. Corn dog cu kaa ruah ning a si lem lo.

 

IMG_5480

Tuzaan lei cu 4PM ah hotel kan phan tthan. Caan aa khat lo (Jet lag) ruang ah sau kan it kho lo i kan mitkuh a vuai theng lo pinah ruah a sur pah i vah a har pah. Tu zaanlei cu program a um ti lo i KFC ah arsa kaa cawk i lengchuah lo in ei kaa tim. Sianginn ca ap ding ka ngei i hotel lobby ah zaan ihnak bawngbi a hruk a nuam takmi kaa hruk, puan a ngan nawnmi in kaa tuam i ttial kaa tim. Sianginn kan khar rih lo cuh. Tial ding kong ka tuak ah ka thluak ah zeihmanh a um kho rih lo i mah blog post tu hi ka rak ttial :D. Mah dih cun tlawmpal rawl ei in ca tuah hau, mak lo tak.

SAMSUNG CAMERA PICTURES
St. Patrick
St. Patrick
St. Patrick

Hmanthlak tampi post ka duh nain kan hotel internet a nuarh dan hi a mak tuk i hi vial hi si ko kun seh law.

 

 

Kan i poh cikcek kan timi Rome i hotel: Rome´s least expensive hotel

 

Mah hotel hi zaan khat ah 18 Euros ka pek i atu tiang ka khuaruah a har ve ko. Rome khuachung i umkalnak ah aa rem bik i cit ding zei zong vial te i an station pi, Termini, in minute 3 kal a si. A pawng ah restaurant a phunphun a tling fawn. Hotel min cu Hotel Washington ti a si.

11215799_10156287970175263_1398927747472059878_n
Hotel Washington in Rome (3 mins walk from Rome central station, Termini)- I shared a double room with my bestfriend, and we paid 18 Euros a night each 😀 

Double room hi Flo he kan i hrawm i zaan khat ah 30 Euros a si, city tax kha nikhat ah minung pakhat 3 Euros an kan hal caah zaan khat ah minung pakhat ah 18Euros kan kiah nak cu a si. Kan cah lio ah twin bed (ihkhun fami pahnih) kan duh kan ti nain an philh rua, double bed (ihkhun nganmi pakhat) a ummi khaan tu an kan pek. An man aa deng tuk i kan ti siang hna lo. Dot 6 tiang an ngei rua, nain, dot 1 nak ah kan um, cah tik ah i thim khawh a si.

Kan umnak khaan hi a kauh ngai pin ah ihkhun pawng cabuai hme tete pahnih a um, ca ttialnak ca buai 2, tthudent 2 a um, bizu pakhat a um, TV a um, zumput/tikholhnak ah sam chemnak a um chap. A man kan pekmi he tuak in cun nan hmai khah hmanh si lo, ti hna ding khin an um. Thlalangawng a um nain khat lei inn vampang he aa naih ngai. Aw, thlalang a nganpi a um rih :D.

10579974_10156297041845263_7061351651516811768_n
Room is spacious with two bed-side tables, 2 tables + two chairs, a closet, a TV, bathroom with hair dryer. Oh and, a tall mirror. The only downside is that the water runs very small so you kinda have to be very patient while showering. Aint complaining at all, for the price I paid, I can happily wait.

An security a ttha taktak, cun an inn thianhmi a thiang tuk. A baunak pakhat belte cu ti kholh tikah ti a chuakmi a fa taktak, ti lum cu a ttha ko. Lungsau nawn tein i kholh a hau. Mah hotel review hi trip advisor ah ka zoh lio ah ti chuak a hmet nak kong hi an complain lenmi ka hmuh. Keimah pumpak ruahnak cun, complain hlan ah phaisa zeizat dah ka pek ti mi hi tuak peng ah a ttha ka ti. Phaisa tlawn te lawng sian ttung i ruahchannak san tuk khi cu a mak lo tuk ka ti.

1914048_424740467730871_6847099997656897294_n
Recommend this one to young, healthy and reasonable travellers/back-packers or to anyone who is not a fan of spending too much money on accommodation. 

A man ah thaithawh (breakfast) aa tel lo nain 5Euros in cawk khawh a si. Rome hna phak ahcun hotel breakfast cu ei ding si lo cu, ti ko? Rome kan kal hnawh chan hi i dinh ruah ah si lem lo in thil va zoh le, leng chuah deuh a si caah kannih caah cun aa tlak ngai ko. Hotel hi ihnak le tikholhnak, thil chiahnak bik ah kan hman caah mu. Ngakchia a ngeimi le upa deuh ca tu ahcun dinhnak ah a ttha tuk lo.

Rome ah zoh lo awk ttha lo pawl tete video hmete ka tuahmi a ummi a zoh rih lomi nih zoh khawh a si.

(I made a very short-video on things to see in Rome, you can check it out if you would like. My first video editing, go easy on me! <3 )

 

 

A man a fawi bikmi luxury – Cruise/Voyage- The cheapest luxury

Mi tam deuh cu khuasik ah cruise kal an duh tuk lo, nikhua a chia pah tawn i tinbaw cit a ri mi caah cun kal a nuamh bik caan cu a si lo hen ta. Australia ummi ka nau a kan tlawn lio ah atu bantuk lio caan ah hin kan hawi le he kan rak kal i tuah kan i timhmi vialte tuah kho lo i zaanttim ah sanpoih chuan cio bak khi si. Tutan kan kal hi December 26 bak a si i nikhua a chia ngai te lai ti ka ruah bu tein kaa thawh. Oslo lei ka hawi le he ttha tein kan um tti lo nak a sau tuk i hawi le ruah bak ah khin mu.

12506946_10156365684525263_1739498629_n
24 hours cruise from Oslo, Norway to Fredrikshavn, Denmark. (leaves Oslo at 7:30PM in the evening, arrives in Fredrikshavn the next morning around 7am, leaves Fredrikshavn at around 9AM and arrives in Oslo around 6:30 PM)

Christmas biakinn kan riah dih, biakinn thianh dih in ka u Henry inn, Oslo in zaanlei suimilam 7:30PM a tlin ka hngah. Oslo in a cruise a kalmi tinbaw a ngan pipi pahnih (ka theih tawk), Color Line le Stena Line a um. Cruise hi suimilam 24 a kalmi, 36 a kalmi ti in a um. Denmark a kalmi, Germany a kalmi, Poland le the Baltic States (Estonia, Latvia, Lithuania) ah a kalmi a um. Oslo a ummi Laimi kan kal bikmi cu Denmark ah suimilam 24 chung a kalmi hi a si. Zaanlei 7:30 PM ah Oslo in aa thawh i Denmark, Fredrikshavn ah zingka 7:30AM hrawng ah a phan. Suimilam tlawm te aa din i zingka 9:15AM hrawng ah Denmark in Oslo ah a kir tthan i zaanlei 18:30 hrawng ah Oslo a phan tthan. Duh ahcun cam khawh a si hen ta.

Color Line hi ka kal bal lo. Stena Line ka kal hi a voi 3nak a si. Ka kal hmasa bik hi kan bu pawl Denmark ah Gospel kan kal lio ah a si, summer ah a si i mirang khuhlu bak khi kan i ken i a nuamh ning hi. Stene Line hi dot 10 hrawng a um i a phunphun tuah ding a um, cu lak ah kan kal bikmi cu tax-free in thil an zuarnak, game celhnak le buffet hi a si.

12498626_10156365684350263_1349625146_n
Tax-free shop

Disco zong a um, rawl dawr sawhsawh zong a um len. Spa zong hi a man a fak bak lo. Live music a um tawn i a uar mi caah cun a miak ngai. Kum 23 tang tu hi u le, le nu le pa lo in cun kal khawh a ngah lo.

12498724_10156365684685263_139421799_n
I personally prefer to stay in the 6th floor because I think it is less shaky in there, if that makes any sense.

Dot 4-Dot 5-Dot 6 hi ihnak khaan pawl an si, kaa cit balmi pawl cu ihkhun pa 4 a ummi room pawl an si. Minung 4 kan um chel, tutan bantuk in minung 2 lawng kaa hrawm chel a si. Ihnak khaan cio ah tikholhnak a um, thlalang ngan pipi a um (hehe), cun radio zong a um. Ka ruahnak ah dot 6nak hi a cawl lo deuh ka ti, dot 4 nak hi khuasik caan ahcun sanpioh a chuangmi an um len tawn.

12483691_10156365683640263_1401735347_n
4 persons can share a cabin @ Stena Line

Tutan kan kal hi minung 8 kan si, ka hawi le nih laksawng an ngahmi ticket in kan kal i ihnak khaan (cabin) pakhat ah minung 2 kan ting.Group in kal cu a nuam tuk cu mu. Lingmaw, apple a thor mi le laphattoh kan i khen, cite le hmanphek zong hehe. A thormi i ken i i ngaihchih a um bak lo. Laphattoh ken belte ahcun a nam deuhmi (khachuan le piat) cu i ken loin aithing he toh ah a nuam bik. Cabin pakhat ah kan tthu hna i bia kan i ruah, kan eidin kan ei.

12507075_10156365684875263_697069737_n
If you come to Oslo, take this cruise for sure. Cruising is not as expensive as it looks or sounds (check www.stenaline.no)

Mi tampi cu tinbaw, mawttaw an i cit ah rawl phunphai an ei duh lo cu mu. Kannih cu kan kaa bak a thaw ciammam i, kan i kenmi hmanh kan i za lo. Kan va ei chap, buffet dah ti lo cu ruah tluk in man a fak lem lo. Dinner buffet ei cu a man a fak tuk i kan i let, siangngakchia kan tam pah i mu, zingka tu ah kan va ei, breakfast cu 159kr hrawng a si rua ka ti. Zaan cu lente kan i celh, kan i chawk i 12:30 AM hrawng ah kan cabin cio ah kan kir. Zing lei hrawng cun tinbaw aa hnin taktak, ttotho a um rua cuh. Mah hlan vialte cu a cawl bak a cawl lo i kan khuaruah a har ngai. Zinglei cu aa hnin tuk nain ka mit a kuh tuk pin ah ih cia tein a si i rit nemmam cu chim lo, ka mang hoi hna a tthat ning hi.

Ttotho ruang ah suimilam 1 hrawng Denmark phanh kan hnu nain tinbaw a dir lio te ah thaithawh buffet kan va ei i i tthangh tuk lo bu tein kheng 3 hrawng kan va ei i kei ka it tthan.

12511093_10156368749665263_768079780_o
Buffet, breakfast is much cheaper than dinner (obviously). To save money, eat dinner at a non-buffet restaurant/cafe.

Chun hnu in lente kan i celh i zaanlei 6:45PM hrawng ah Oslo kan phan tthan.

A donghnak ah a man kong ceih hna u sih. Cruise cu luxury deuh in hmuh a si nain Stene cruise hi a man a fak bak lo. Zei tik ah dah na cawk i zei bantuk ihnak khaan dah na cawk ti zong nih a neih nain, fel fai tein a man a awl caan te ah cawk ah cun cabin pakhat (minung 2 in 4) caah hin 1000Kr tang in tlawn khawh tuk a si. A caan caan ah cun 350 Kr tiang hmanh a ttum. Tutan hi cu free in kan ngah mi a si. Zarhte ni kan kal ca tuah hin cabin pakhat ah 350Kr kan liam, minung 2 kan i tthenh ahcun aa deng tuk ko. Minung pakhat ah 20 US Dollar hmanh a tling lo ti awk a si. Stenaline.no ah tam deuh zoh khawh a si ko. Norway (Oslo lei) nan rat ah cun tuah ding bak a si ka ti.

12511018_10156368749600263_562732785_o
Favourite one from the game room and casino- These two invited us to the cruise!

Aa Dawt le ka u Pengku nih an kan sawmmi a si i kan i lawm tuk tiah ka rak chim tthan. 😉  <3

Rome zaan 3 riak tlawn ah ka dihmi (How much did I spend in Rome)

Khual tlawn ah hin phaisa kan dih dan aa lo cio lo. Zei ruah dah kan tlawn, zei bantuk minung dah kan si i zei bantuk minung he dah kan tlawn ti mi nih bia tampi a chim lai; a upa deuh cangmi le ngakchia deuh rihmi he kan tlawn ah cun zei bantuk hotel poah ah tlun awk a ttha hnga lo, vegetarian he kan tlawn ahcun zei bantuk rawl dawr paoh ah ei awk a ttha fawn ti lo. Mino a ngandammi, a tthawng pahmi, a duk tthami, a zia tam lomi he tlawn hi phaisa zong a tlo bik, a nuamh zong a nuam bik ka ti. Tuan deuh ka chimmi pawl he tlawn kha a nuam lo ka ti bia a si bak lo, ka tlawng tti bal i okay ngai ko, aa phundang, phaisa a lio deuh ti bia khi si.

1911675_10156291111400263_4082812472978496204_n
@the Roman Forum

Nai Rome tlawnnak ah ka hmanmi hi a tang lei pawl hi an si. Euro in a dihmi kha aa neih bik in ka leh i Norway phaisa in ka ttial. Phaisa thlennak ah ka hmanmi website cu xe.com a si.

Umkalnak (Transport)

Oslo-Rome – 1138 kr

(round trip flight- kal lei le kir lei)

Inn – Airport– 140 Kr

(bus/train to/from home – airport – kal lei le kir lei)

Rome airport – khuachung– 287 Kr

(train –to/from airport to city – voi 2)

Roma pass (48 hours) – 258 Kr

(Free pass to 1 museum/site included)

 

Hotel zaan 3– 517 Kr (3 nights – 54 Euros )

Kan i poh cikcek kan ti ve!

 

Rawl man – 843 Kr

(Food for 3.5 days)

 

Museum (Vatican city) – 153 Kr

 

A zapi (Total) = 3336 Kr

3300 Kr hrawng hei ti ko u sih. 350 Euros hrawng a si lai, US Dollar in cun 374 hrawng (US dollar a kai taktak ti?).

Laksawng ka cawkmi hi ka telh lo le laksawng he cun 4000 Kr hrawng ka dih. Ei lei hi ka ti khawh ci te a si, restaurant a herh lo ning in a man a sangmi ah kal ka hmang lo nain, a thaw mi ka duh ahcun a man ruang ah kaa sum lem lo. Rawl lei ah na buai theng lo ahcun tam deuh pi na tlo men lai. Hotel hi ka chim cang bang, kan i poh bak kan ti, a za fawn, a man a fawi tuk fawn. Mah ruang hi laksawng zogn tam deuh ka cawk khawh nak a si. Phaisa hlei tampi a ngei lomi nih cun hotel kawl tikah lung sau deuh a hau :D.

Phaisa kong cu mah cu va si sehlaw, ni 3 le cheu ah Rome ah zeidah kan tuah timi zong nikhat cio in ka rak post cang ko, Travel timi ah khan rel khawh a si ko. Kaa manh deuh in ka blog zong ka rak thianh te lai.

Happy New Year! <3

 

 

 

 

Rome ah ni 3 le cheu – Ni thumnak le Ni linak # 3.5 Days in Rome- Day 3 and 4

Ziah mah cu naa um naa um I Christmas saling ah cun khualtlawn kong cu heh tiah na tanh ti ding khin ka um. Atu zong hi biakinn kan riah hnik i kapa mawttaw cungah ka ttial cuahmah. Ziah mah tluk cun naa zuam ti ding khi ka si, vei mu, ttial kaa timh cangmi a si i ka lung ah aa bang peng i ka van tanh chih ko lai, an ka hnek bak lo nain.

flowershop
A flower shop in Vatican City

Nithumnak cu ka mitkuh vuai bak lo, suimilam 2 le cheu lawng ka it. Nain khan breakfast kan eimi a thawt ngai pinah nikhua a ttha ngai i kaa nuam tthiam ko. Nikhua hi 10-12-14 degree Celsius hrawng hrang a si peng i ka uar ci a si. Kan kalmi a tam bak! A hmasat bik ah Vatican city ah tube/metro in kan kal tthan. Nihnihnak kan kalnak line kha blue line a si I atu hi a senmi line a si. Vatican cu anmah tein state in a dirmi, ram hmete kha an si. Hi ram ah zoh hrimhrim ding pathum cu Vaitcan museums, Sistine Chapel le St. Peter Biakinn a si.

  1. Vatican Museums
Vatican
Entry -16 Euros

Luhman 16 Euros a si, student kum 26 tang caah discount a um. Van tthat ah saupi kan i ttansi (queue) lo, St. Peter ah khan Pope bia a chim ding a si i an kal pah dih rua. Museums tampi a fonhnak museum a si i a luh man kan pekmi a phu tuk ka ti. A chung luh dan cu vanlawng security bantuk khin check a si. A chung cu minung an rak tam bak. A chung zuksuaimi pawl kan zoh dih in a tang dumah kan va tthu, hmanthlak, biaruah dih in mah he a apehmi Sistine Chapel ah kan va lut.

vaticancity

12359965_1058966164134269_2639017713001251458_n
In the garden
  1. Sistine Chapel

sistine chapel

A mak tuk ti leng khin cun ka chim kho lo, Rome hi rothil leiah an rum tuk ka ti. Pope umnak a si. Security an chah taktak. Nai hrawng kha Vatican city kha veilo pawl nih an tlerh hoi hna ti a si chinchap cuh. Nain kanu le an rak kal lio zong ah an security a ttha tuk an ti i tlerh phunphai ruang theng ruang ah a si rua lo.

  1. St. Peter Square le St. Peter´s Basilica

12390935_10156297047125263_343791644101834894_nsaintpetersqu

St. Peter biakinn cu a ngan tuk dan chimnak ding ah adang adjective ka herh. Luh man a um lo, luhnak ah check dih a si i minung kan tam taktak. A kau tuk. Hmanthlak I a langmi tung pakhat hi minung panga kuh a si. Biakinn tang ah Pope pawl an thlan a um.

stpeter
Inside the basilica (no entry fees)
  1. Castle Sant´ Angelo
12359967_424499347754983_480989855466712659_n
About 10 mins walk from St. Peter Square

St. Peter Square he a anaih te I kan va kal lawlaw, a chung kan lut lo, hlei an donhmi in khat lei kam ah kan va kal i mah ka pawng hrawng ah chuncaw kan va ei. Mah bak ah khin cun ka ke a fak taktak cang i mitkuh vuai pah lo he ka zia khi chiat hnik aa tim cang. Pizza pakhat keimah lawng ka van tthuat I ka zia ttha tthan.

Building near stangelo

  1. Piazza Navona

Hika hi Flo rat a a duh tuknak a si i chuncaw kan einak he aa naih ngai. Khua cu a mui cang. Hman kan thlak dih in the Pantheon kawl ah kan kal tthan. Inn karlak lam dawh tete in kal a si I a nuam ngai.

1172_10156297050455263_3566739289684895851_n

  1. The Pantheon

12376034_424498737755044_5339241248727383408_n

Mah te hi a laar taktak I minung an rak tam ngai. Sau kan um lo, Trevi Fountain, zoh ta manh lo ding ka ttih tuk I kan kal colh.

  1. Trevi Fountain

 

trevi8

Mah hi a remh dihnak a sau rih rua lo, kan van ttha. Minung an tam ning hi. Aa dawh taktak. Kal hrim ve ding a si ka ti.

  1. The Spanish Steps

the spanish steps

Zoh ka duh tukmi a si hoi I sau nawn kan kal hnu ah kan phan. A steps pawl cu an khar nain a tang ah minung tampi an tthu. A pawng teah Metro station a um i mah ka cun kan hotel lei ah kan kir.

12369040_10156297039955263_5985278630001104976_n
A painting from one of the museums in the Vatican Museums

Metro in kan ttumnak ding kan phanh lai stop pakhat aa duh ah khin nungak nu te a rak kai. Kan I tet tuk hna cu mu. Mah kha heh tiah a ka chanwh pah i ka bag zal a dah len cuh, a kut ka tlaih, i lungfiang huaha lo in ka um I, ziah na kut hi ka zal chung ah luh a timh, ti phun ka ti lio a lung aa fian ter len lo lio ah ralrin ah ka angki leng zal pur tuah ning ka ti pah lenlio ah khin a kut khat lei ka angki leng zaal hrawng a phan manh cang. Ka tlaih zok nain kan tlanglawng cu a phan i a chuak colh hih. A ranning bak hi. Mah hnu lawng cun ka lung piang.

Mah dih cun kan umnak pawng hrawnghrang dawr pawl kan vak i zaan ttim lai ah kan paw a ttam tuk i Termini pawng i Hong Kong dawr ah kan ei ciammam I an rawl a thawt ning bak cu, kan lau dih.

Nilinak

Nizaan breakfast kan einak a thaw tuk I kan va ei tthan, dih in, airport ah tlanglawng in kan kal tthan. Kan vanlawng a hnu hoi i an airport dawr vialte kan va zoh dih manh. Norwegian vanlawng cu van cung ah an wifi a tthat ning bak hi, kanu le Patlung kha vanlawng cung in ka facetime hna I kaa uah ning bak cu.

1936634_10156297039085263_930065196784109362_n
Best breakfast

Inn tlai nawn van phanh, anthor tihang le sapherh le buh le anttam kio le hmanphek te van ei, thiang te lum tein van ih cu a nuam tuk. Pathian nih a ka dawt tuk ka ti.