Sianghleirun Caah Inn Na Kawl Cang Maw? Have You Found Your HOME for College?

(Scroll down for English)

Siangngakchia ahcun keimah hi umnak aa tthial bik pawl ka si ve ko lai. BA kum 3, semester 6 ah i voi 5 umnak kaa tthial. Kum khatnak kha inn kaa tthial lo nain Indonesia ah thla 2 deng ka va um i mah rel chih ah khin cun semester pakhat ah hmun khat bak khi a si ko.

Kristiansand!! One of my favourite towns in the whole world.
Kristiansand!! One of my favourite towns in the whole world.

Inn phun tam ngai ah ka um i mah lakah siangngakchia caah umnak aa tlak tiah ka ruahmi ttial kaa tim. Khua nan tuak deuh khawh nak hnga a tam deuh ttial kaa zuam lai.

 

Semester 1

University Campus ah ka um, UiA i Kadetten timi ah ka um i khaan khat a si nain rawlchuannak a um chih, tikholhnak khaan le zumput a um. 2011 ah a si i thla khat ah 3600Kr hrawng ka pek rua ka ti, mei man aa tel, internet caah 150kr hrawng ka pek chih. Thil suknak cu inn dang teah a um i mi tam tak he kan i hrawm.

Ka innpa he pakhat hmanh kaa kom manh lo, Hei le Hadet (Hi le Bye) lawng bak khi kan si, atu hin an mui hmanh ka thei ti lo.

Semester 2

Indonesia + Kadetten

Indonesia ah Java, Lombok , Flores, Bali, Gili timi pawl ah kan kal. Sianginn program in a si i course pakhat (10 studiepoeng) in a kan rel piak. Kadetten ah ka rak kir tthan. A hmai kum um ka duh ahcun tthal sianginn khar chung (thla 2) inn man pek a hauh lai caah June in ka ap ta.

Java, Indonesia
Java, Indonesia. Photo by Nathalie Saabye. Takk, vennen!

Mi ram ah saupi kan um tti mi ka hawi le he kan i kom chinchin, kan i theithiam chinchin. Na kaimi nih ramdang kalnak program an ngeih ahcun kal hrimhrim ko tiah inn kong a si ko nain ka rak tanh ta.

Semester 3

Private inn ka hawi le he kan hlang. Inn a tlar mi (Rekkehus bantuk) a si i ihnak khaan 4 a um, dot 2 asi. Keimah le Flo le Kip le Joseph kan si. Mei man le internet man a dang tein kan pek chih. Coka le mileng khaan 2 a um, zumput/kholhnak khaan khat a um. Master bedroom pakhat ka um i upa bik ka si caah keimah an ka um ter

The only photo I can find from the house, I didn´t have smartphone. It was Seph´s turn to make dinner.
The only photo I can find from the house, I didn´t have smartphone then. It was Seph´s turn to make dinner.

Mah lio cu kan i nuam bak, nain a man a fak tuk i phaisa a hleimi kan ngei bal lo. Cun kanmah le kanmah kan i kom tuk i a dang hawi thar komh kan philh dih hna.

Semester 4

Sydney, Australia ah study exchange ka tuah.International House timi a sawngah ka um.

This photo is either Madoka´s or Miyuki´s or Mana´s I still can´t find my camera. Thanks girls for the photos.
IH. This photo is either Madoka´s or Miyuki´s or Mana´s. I still can´t find my USB. Thanks girls for the photos.

University of New South Wales timi kha ka kainak Uni cu a si i mah Uni campus chungah cun a um.

The Uni. This photo is either Madoka´s or Miyuki´s or Mana´s I still can´t find my camera. Thanks girls for the photos.
The Uni. This photo is either Madoka´s or Miyuki´s or Mana´s I still can´t find my camera. Thanks girls for the photos.
The Uni. This photo is either Madoka´s or Miyuki´s or Mana´s I still can´t find my camera. Thanks girls for the photos.
The Uni. This photo is either Madoka´s or Miyuki´s or Mana´s I still can´t find my camera. Thanks girls for the photos.

Ihnak khaan pakhat cio kan ngah, zumput le tikholhnak i hrawm a si, dot 4 a um i dot khat ah tikholhnak le zumput hmun 2 cio ah a um, khan khat ah tampipi a um i a lawng peng ko.

This photo is either Madoka´s or Miyuki´s or Mana´s I still can´t find my camera. Thanks girls for the photos.
IH. This photo is either Madoka´s or Miyuki´s or Mana´s I still can´t find my camera. Thanks girls for the photos.

Rawl anmah nih an chuan i nikhat ah voi 3 a kan pek. A dang inn vialte lakah kan rawl a thaw bik.

Aman cu Norway he tahchunh in cun aa deng ngai ko. Umman he eiman he an pahnih ah Australian Dollar 5000 hrawng a si. Gym a um, thilsuknak ah um. Inn dot khat poah ah coka a um i zaan ttim pawttam zong ah okay si ko.

If you can spot me, you have good eyes. This photo is taken by either Rahul or Brandon.
House mates from IH. If you can spot me, you have good eyes. This photo is taken by either Rahul or Brandon.

Rawl ei tti peng a si i hawithar tam tuk kaa chap, kan i komh dan zong khi a thuk phun khi a si. A sawng ah a um tti mi vialte cu kan i thei dih ngawt ko. Lente kan i celh zong ah inn ning piin kan i celh i a nuam tuk, kan i manh bal lo, tuah ding a um peng.

Semester 5

UiA campus i Sersjanten ah ka um. Ihnak khaan pakhat le zumput/tikholhnak pakhat cio kan ting. Coka a nganpi area 2 in an tthen i area pakhat minung 18 kan i hrawm. Ka um hlan cun kan i cuh dih lai tiah ka ruah nain kan i cuh lo tuk nak ahhin ka nih lei a chuak. An chim tawn bang, siangngakchia cu thinghnah ttam in kan i cawm ko haha.

My room in Sersjanten.
My room in Sersjanten.

Coka kan i hrawm tikah kan um tti mi pawl he kan i kom kho. A man hi 3100Kr hrawng mei man tel chih in ka pek i a miak tuk ka ti. Cazoh huam lo tikah coka i rawl a chummi sinah biasawng va tlorh khawh a si.

Semester 6

Malaysia + Inn + Flo le Kip Inn

Inn um cu cazoh thawk a har ngai. Inn rian a um peng lai, asiloah naa hnoh chin lengmang lai, biakinn ah a nuammi a um peng lai. Nan inn pawng ah ngakchia duhnungmi an tam tuk lai i na leng peng hna lai asiloah an in leng pah peng lai. A lung aa tei bakmi na si lawngah inn in kai ding a si tiah ka ruah. Aw, inn man le ei man tu cu free a si hen ta.

View from Kristian IVs Gate
View from Kristian IVs Gate

Flo sin ka um ahcun ihnak khaan kan i hrawm. Ihkhun a ka cawk piak. Kan i kom tuk i kan um tti kho i a si. Cun a zia hi a ttha pah reng, a ruang cu kei hi zaan tlai ah catuah ka hmang i ka ih a tlai, hna ka chet, annih hi tuan deuh it i tuan deuh a tho phun a si. A ih hnu hna ka cheh ah a thin hung bal lo. Inn ka ngah khawh lo ruangah a sinah a ka umtermi a si i kan um tti tuk i amah khi keimah a lo chin lengmang i keimah khi a mah ka lo chin lengmang.

Sersjanten
Sersjanten

Hi vialte hin zei bantuk inn dah a ttha tiah ka ruah ti ahcun,

  1. Ihnak khaan cu i hrawm lo ah a ttha.
  2. Zumput/Tikholhnak zong na khaan ah aa ttuai chih ahcun a ttha, i hrawm a nuam lo ka ti.
  3. Coka cu mi he i hrawm law a ttha bik, hrawmmi na ngeih lo ahcun nangmah lawng um naa ziak thai lai i mi rem lo na hmang sual lai
  1. Rawl a pe chihmi a sawng phunah um ahcun a ttha tuk ka ti. Nain, Norway ahcun a tlawm tuk. Rawl cawk le tuaktan na luat lai, na rawl ei caan a hman fawn lai. Nain, rawl nangmah tein naa chuan a hauh ahcun phaisa zohkhenhdan le hman dan na thiam deuh lai.
  2. Sianginn campus chung um hi cazoh felnak le sianginn kai felnak a si.

6. A si khawh ahcun private inn nakin sianginn inn hlan khawh ahcun a ttha. A man aa den pin ah siangngakchia na si an in theih caah deposit hna chiah a hau lo, i tthial duh tik zongah a fawi deuh.

7.Semester 1 (høst/autumn) ah hin sianginn thawkka a si tikah inn ngah a har tuk. Na ngah lo zongh ah na ngeihchia tuk duh hlah, har nawn zongin um ta ko. Kan hawi pa pakhat cu kum khatnak kan kai ah inn a ngah lo i sizung ah caan tawi te a va um cuh. Kannih cu ka u Peter Sang nih inn ka ngah hlan an inn ah an kan um ter, ka u Bikte le keimah le Thangthang, rawl a kan pek chap. Kan herhmi vialte a kan cawkpi chap.

View from my room in Sersjanten.
View from my room in Sersjanten.

(ENGLISH)

Have you found your HOME for college?

I was literally a nomad while I was in college. I’d lived in at least 5 different places during my 3 years of undergrad study. So, that’s almost a place per semester! If you’d like to know my opinion on what kind of residence a college student should consider living, go on and read further.

First, let me give you a quick overview of my old places.

Semester 1

Kadetten, University of Agder, Uni Campus

Private bedroom with a tiny kitchen area and a private bathroom.

Electricity+Internet+ Room = Ca. 3800Kr (2011)

Go to www.sia.no for more info.

Semester 2

Indonesia + Kadetten

Basically, if your study program offers a travelling or a field course opportunity, please don’t miss it. I’m still praising my faculty for a very smart study program.

Semester 3

Downtown, Kristiansand

Private house with 4 bedrooms, 2 living rooms, a kitchen and a bathroom. I shared the house with 3 friends who also went to the same school as me. House rent alone cost 4000 Norwegian Kroner per month per person. Not a good choice, I’d say.

Semester 4

International House, University of New South Wales, Sydney

Private bedroom and shared bathroom. Meals are served 3 times a day in a common dining hall. One of my favourite places. For detail and price, go to https://ihunsw.edu.au

Semester 5

Sersjanten, Univeristy of Adger, Uni Campus

Private bedroom and bathroom, I shared a kitchen with 18 other residents.

Around 3100Kr for room, electricity and internet. I got the biggest room in the house, so it was the highest price, other rooms are cheaper. Very satisfied with this one. Again, go to www.sia.no for more info.

Semester 6

Malaysia +

Uni Housing in Krisiansand Downtown, Kristiand IVs gate

I was in Malaysia for my thesis.

Kristiansand: Duplex, private bedroom. Kitchen and bathroom shared with another resident. Situated in riverside (or is it river, I don’t know), it has great view and is close to everywhere. My favourite one of Sia´s (www.sia.no).

My Advice 

  1. I wouldn’t recommend a shared bedroom unless your roommate is your best friend.
  2. Shared bathroom can be okay, but I’d choose a private bathroom if it is possible. I’ve my own biological clock haha.
  3. Shared kitchen is a great idea because you get to know and be friends with other residents. I had a private kitchen during my freshman year and I didn’t make any friends from the building. Don’t be surprised! It’s very common in Norway. We just smiled at each other, said Hi and Bye, and that’s it.
  4. If you have the option to choose a college that facilitates meals, you are one lucky student. We don’t have that kind of luxury in Norwegian universities as far as my knowledge concerns. But, it’s all good, we get better at financial management. I’ve actually learned to appreciate things that I’ve taken for granted.
  5. Living on campus definitely made me a better student, it’s easier to ditch classes when you live far and there was no formal control on school attendance in my school. When I was in UNSW for a semester, 80% school attendance is required to take exams and I still think it’s very smart.
  6. Uni housing is always a good idea if you can get one, private housing are relatively more expensive and most of them will make you pay deposit.
  7. Remember that it’s always going to be difficult to find a place in the first semester because there are many new students. People usually do study exchange or thesis or field course during the second semester, so you might have to wait till new year to get your favourite place.

Hope this helps!

Good Luck!

Ex-Phil (Examen Philosophicum /Philosophy) a Phi Hnga Ding Caah

A hmasa bikah tu semester ah ex-phil a phi ding vialte nan ngeihlahnak kan hrawm pi hna. Cun, a rak phi dih cangmi pawl high-five kan pek hna. Ka hngalh tawkah Patlung le Kip a phi ding an si i ka huam piak lo ngai hna. Zei ruangah ti cun, ex-phil cu i hmahthah dih pinah, thleidan khawh bak a haumi a si caah a si. A har lomi a lo nain cawh a fawi tuk cu mu.

Norway university le university college (høgskole) a kaimi i social science a cawngmi paoh nih cun ex-phil lak dih a si ngawt rua ka ti, ex-fac (examen facultatum) lak chih a haumi zong kan rak um. A kan relter mi cauk a har tuk pin i kan professor an thiam lo tuk cun kan bawa cu zaangfak tuk kan si, ttah a chuak.

Kei ex-phil a rak kan chimtu a thiam tuk pinah a note a kan pekmi pawl a rak ttha tuk i text-book a har nain a rak nuam pah. Mah bu zong cun kaa nawnnok tthiam rih ko. Ex-phil i a rak ka bawmtu bik cauk, atu tiang ka uar tuk i ka hawi le kawlca a rel khomi pawl ka recommend (anbefaler) pengmi cu San Lwin a ttialmi `World Philosophers´timi cauk a si.

11053289_10155506836360263_3778987997985450238_o

Nan si ve maw dik, kei ka zia cu, mah hi nan rel hrimhrim lai timi text-book pawl nakin ti lomi cauk poah ka lung ah a lut deuh.

Cauk chungah aa telmi philosophers pawl cheukhat

Hlan Chan

Socrates

Plato

Aristotle

Middle

St.Augustin

Thomas Aquinas          (1225-1274)

Modern

Francis Bacon          (1561-1626)

Rene Decartes          (1596-1650)

B Spinoza                   (1632-1677)

Modern/Emperialists

John Locke                   (1632-1704)

G Berkeley                   (1685-1753)

David Hume                 (1711-1776)

German

Immanuel Kant          (1724-1804)

G Schelling                (1775-1854)

G.W.F Hegel              (1770-1831)

Karl Marx                   (1818-1883)

Max Weber                  (1864-1920)

20th Century

Søren Kierkegaard              (1813-1855)

Jean-Paul Sarte                   (1905-1980)

Bertrand Russel                   (1872-1855)

Aa telmi cheukhat ka ti cu mu. Socrates hlan i Thales le Pythagoras tiang hmanh khi a va banh hna i cauk ttha tuk a si ka ti. Kawlca cu a thuk pah i a rel cu a har, nain a tangah a hmanmi terms/begrep pawl tthatein a ttial ko i a za ko ka ti. Philosophy cauk rel ahcun mah zat harnak tal cu kan ton a hau ko ti ko u sih. Cahmai 340 hrawng a um, azapi na rel huam lo hmanhah, mifim pakhat kong na fian deuh lomi a um tikah na check khawh cu ti.

Chim ka duh rihmi cu, nan hngalh cia tuk ko lai nain, philosophers pawl kha an tam ngai lai pinah an ruahnak kha aa lo pah nawn phunphai in an um lai caah overview/oversikt ngeih a biapi tuk tiah ka ruah. Na curriculum/pensum i aa telmi mifim vialte kha an chan ning tein ttial hna law a kamah an ruahnak a mu bik ttial hna. Mah vialte na thleidan khawh dih in mah kan pu le mifim pawl ah aho pawl dah an ruahnak aa pehtlai i aho pawl dah ralchan bak an si timi kha na hawi le he i ceih law a bawm ngai lai tiah ka ruah. Mah pawl na thleidan, ka pehtawnh khawh dih hna in na lung an la deuhmi minung pawl kong kha tam deuh in rel.

A biana ah, John Locke khi kan chuahni (August 29) aa khat i midang nakin ka lung a ka la deuh, ka van pehtonh i, John Locke-English-Classical Liberalism-Bill of Rights, hei ti phun khi ka pehtlaih ter i amah bantuk khi cu ka philh kho lo. Cun, Pathian a um tiah a zummi poah ka philh hna lo, abiana ah St. Augustine, Aquinas, Kierkegaard. A zum lo mi paoh kha adang tein na cawn khawh hna cu mu. Na uar lo takmi hna, an ruahnak na pom lomi hna, zong kha a dang tein chia hna law zeiruang ahdah ka uar lo ti na theih ahcun na za. An simh tuk cang a si le na hawi le pawl kha philosophers min pawl phaw hna law an kong chim hna ;).

San Lwin cauk cu Myanmar-Ebooks ah an chiah rih ko, http://www.myanmarebooks.net/category/ဆန္းလြင္/ ah kawl te. Link hi rian a ttuan lo ahcun an website ah khan kawl te ko uh mu.

10636923_10155506837465263_404886377715514500_o

Keimah cauk cu Burmese Classic ah ka rak download nain atu cu a um ti lo.

Lykke til! Good Luck! Pathian nih in umpi hna seh law A le B lawngte ngah te uh! <3

IMG_6880

Kaa ziak takmi cazoh dan phun 2

Siangngakchia si cu a nuam tuk ko nain caminpuai (exam) phit cu a nuam theng lo ka ti. Pakhat pa cu exam phit ter mi khi, zumh lo bia, tiah a ruah i aa fahsak tuk i a phi duh bak lo an ti, hehe, nan zumh le zumh lo cu nanmah nawl! Kan duh zong duh lo zongah kan phit cu a hau ko cu ta, zeiti awk ttha!

Keimah pumpak ka hmanmi cazoh dan phun 2 rak share ve ka duh.

1.Caku card

Ka rak rel ciami siseh, ka rel tthanmi siseh, ka philh lo nak hnga ttial hi kaa ziak ngai. Notebook in ka ttialmi cu ka rel tthan huam ti lo, lecture note pawl chinchin khi cu rang tuk in ttial cio a si tikah a zoh tthan hrim ka ngamh lo. Ka kutttial a chia tuk i ka lungmit. Mah caah cun a tanglei card bantuk tete ka ser i ka ttial. Cahmai a hmai leiah a kongpi (topic) ka ttial i a hnu lei ah a konglam ka ttial. 11071452_10155499993390263_5858245581815796915_n

Hiti hin cun a fawi deuhmi a lo ngai ka ti. Cauk in a si ti lo i a ken zong a fawi. Zumput kal umhar zongah siseh, bus na hngah pah zongin siseh, coffee dawr ah an hla chuahmi a tthat lo tuk caan ah siseh na catlap te na zoh kho cu mu. Na jacket zal zongah senh khawh a si tikhah sianginn zal pipi i ken len zong a hau lo.Na cawnmi chungin na thiammi le thiam lomi zong fiang tein na tthen khawh lai. Mah zong hi thil fawi a si lo cuh, lo mei? Mah card sernak zuk suainak A3 cauk kha Nille (Norway) ah 50Kr (eller 60Kr?) in ka cawk i semester pakhat ah uk 1 cu naa za diam lai. Kei cu a ka bawmh ngai, na hman rih lo cun test te hmanh, a sunghnak um lo.

  1. Chungkhar le Hawile

Cazoh cia ka philh lo nak hnga midang sinah chim hi kaa ziak bik. Flo le Kip khi an duh lo zongah ka chimh chih hna. Cun, anmah chimmi zong ka huam lo zong ah um..um…ka ti i kaa ngaihter ve. A caan caan i ka chimmi kong an rak ka ceihpi chin ahcun ka philh ti lo. Na nu le na pa, na u le nau, na hawi le bawmh hal hna law lunglawm tein an in sianh ko lai tiah ka ruah. An i uah tuk ahcun nan inn pa chizawh le uico khawm hna law chim chih hna ;). Chizawh le uico zong nih an ngaih huam lo ahcun thlalang chung i nangmah kha hei chim ko. Ka dua, nangmah le nangmah tal cu naa ngaih huam ding a si ko.

A biapi bikmi

Cazoh na huamnak hnga, na ca zohmi na philh lo nakhnga, na thluak a fian khawh nakhnga, na lungthin a daih khawh nakhnga, thawh na tlolh lo nakhnga Pathian sinah bawmhhal. Bia a kan kamhmi a si,“Fimnak a baumi nan um ahcun Bawipa hal ko u law, siang tein an pek ko hna lai´´ tiah James (1:5) nih a ti ko cu mu.

Bawipa nih fimnak tampi in pe ko hna seh! Kei zong ka pe ve ko seh! 11204901_10155500096580263_5014045735144226335_n

Cazoh dan a tthami nan theihmi rak kan share ve cio u law. Cazoh na thawk rih lo ahcun hngak ti duh hlah, Lakphak a lummi te i ser law cheih colh cang ko.