Laimi chungah aa thupmi lungput dawh (a personal reflection on civil society response to disaster situation in Myanmar)

Norway ah hin Chin Relief Commitee kan tuah ve cuh, atu lio Laitlang/Kawlram kan tonmi kong ah zeiti tal in kan i tel kho ve hnga maw tiah. Norway a ummi Chin organization vialte fonh in August 15 ah khan kan dirh tti mi a si.

Laimi sining a chanbaunak kong ah soi le zai hi, Lai media ah, pulpit ah biaruahnak ah an tam tuk cang. Ngakchia he upa he mah sining cio in zai cio a si i mi a simh ngai cang. Nain zai lo awk ttha lo thil hi a tam pi cu mu, mah ruang cun zai cio cu a si ko i. Nain, a herhmi vialte cu aa zai dih pah ko cang lo maw ka ti. Mah caah cun, keimah hi cu kaa chap chih bak lai lo, ka ti ko nain, ka chim duhmi he aa pehtlaih caah pakhat te, chikhat tein ka van sawh ta duhmi cu, lungrual kan i harh nak kong hi a si.

On the way to the bridge
Photo Break (London)

Lungrual lo le pakhat le pakhat i doh cu kanmah Chinmi chung lawng ah si lo in kan Kawlram ning pi in a cangmi zia a si cu mu. Mah zia khi kan miphun hme te chungah a lut chap mi hi a mak lo ngai ka ti. Aho khi dik lung va hrinh ding phunphai khin a um.

Atu nai i kan tonmi harnak nih, aa si lengmang i aa rem lomi unau, midang nih ral an rak pek hnu lawng ah vut tiah a ttangtti mi bantuk a kan lawhter. Norway chung i bu (biaknak lei he lei lo he) pawl hi kan i doh cu a si lo nain i bawmh zong kan hmang tuk rih lem lo. Nain, tutan cu kan i fonh top i Relief Committee kan dirh colh, kan lung chung ah a ummi cu unau kan sinak, miphun khat kan sinak le kan miphun caah tthathnem duhnak lungthin lawng a um. Kan bu kalning a si maw, kan phunglam le kan phungphai nih zei a ti, hei ti phun kong ah bia vakvai a um lo (ka hngalh tawk ah). Adang kong ah siseh law biahnawmtam a um len cang lai, underground information tiah min ka sak. Khi, official a si ttung lo i biathli a si i a ttha lo fawnmi pawl khi mu. Tutan cu mah pawl ruahnak caan kan ngei lo.

Greenwich Station
Photo Break 2 (Greenwich)

Norway lawngah a si lo, ramdang ah cun ka hngal lo nain Laitlang, Kawlram hrimhirm ah cun bawmhnak bu a hme tete a chuakmi a tam ngai tiah an kan chimh. Bu zapi (ngawt) fonh in Laitlang ah CCERR (Chin Committee for Emergency Relief and Rehabilitation) hna dirh a si. Mah kong cu nai ah khan Chin Relief Committee in Norway nih tawlrelmi seminar ah khual kan sawmmi kapu Victor Biak Lian, Camilla Buzzi (Burma expert tiah kan ti tawnmi) nih an kan chimh. Kapu Rev. Peter Ngaidam zong kha nai ah Kawlram a va tlun tikah, an zapi in zeitin dah kanmah miphun nih harnak kan tonmi cungah kan i bawmh timi kong an chim ahhin Laimi lungput a san tuknak kong a ka ruahter tthan.

Facebook i an share tawnmi thawngpang pawl ka hmuhmi ah ka lung a ka su bikmi cu khuate lei in harnak a tongmi caah facang an rak phorh hna, timi pawl le Thantlang in facang le aanhnah an rak phorh hna timi pawl ka hmuh ah hin khua tam pi a ka ruah ter. Lungput sang le standard a ngei takmi ziaza hna hi caan tampi cu cathiam le mirum kan timi hna sin ah hmuh lo in hngalh theng lomi sin in a rak ra tawn, abiana ah khuate ah a um ko i lo a thlo tawn mi nutung nu, hei ti bantuk sin khin ruah theng lo buin hmuh khawh tawn a si mi hi a ka hngalh ter tthan ngai.

#17 Close-up
Photo Break 3 (Kristiansand)

Kan i theihhngalh ngaimi Norway upa nu, ramsifak le organization a ngan pipi ah kum saupi rian a ttuan cangmi nih Chinmi nih nai ah kan tonmi harnak le kan miphun kanmah le kanmah kan i zohkhenh dan kong ah a chimmi cu, “ Nai tonnmi kongah organization a ngan pipi bawmh hal an si tikah, khoi, survey kan van tuah ta lai, cun a dang vei le vei kan tuah ta lai, an ti lio ah Chinmi cu an i fonh dih i an phaisa he minung cheukhat he harnak tonnak hmun ah an phan dih cang, ´´ a ti. Kan lungput a tenau tuk, ti chim kan timh tikah voi khat tein khua ruat tthan cang hna u sih.

Hi kan tonmi nih hin atu tiang cu, kan miphun an kan funtom. Mah in hin fim i thawk in i daw tuk cang hna u sihlaw a nuamh lai ning. Kanmah miphun lawng si loin Kachin an ra, Karen an ra, Kachin pawl hna cu bulh phaisa he an ra. A cung lei in i tthennak i thawk in a tanglei tiang va hlanh ko hmanh sehlaw, a tanglei in rem tein kan i fonh tthan i a cunglei tiang kan va banh khawh ahcun Kawlram tampi aa rel kho lai.

11036032_10155576634790263_5798896193229562285_o

Jesus facebook ngei sehlaw…

Khrihfa ttha ka si nemmam lo, nain, Jesus he pehtlaih hawikomhnak (relationship) ka ngei tiah ka ruah ko caah vawlei cung ka herhmi vialte lakah a biapi bik ka ngei ko tiah ka ruah. Jesus nih a kan dawt ti cu al awk a ttha lomi (fact) a si, nain ka ni fatin ka nunnak taktak ah a langhter dan zoh ka hmannak hi a sau rih lo.

Pathian he pehtlaihnak a ngeihmi pawl nih, Pathian nih cutin a ka chimh, kha tin a ka chimh, an ti tawn cu mu. Zeitin ah Pathian sinin a rami a si an hngalh hnga ti khi ka tuak ngai tawn. Cun zumh ding le zumh lo ding ah kaa laklawh ngai tawn, ka hrintthan hlan ah cun ka zual, tuchan nitlak lei sianginn pawl nih critical dingin an kan train tuk caah a si ve lai. Mawh lo a si, Pathian he i hawikomhnak cu pumpak cio nih ton ve lo ahcun zumh khawh lo zong ah theihthiam piak khawh a si ko ka ti.

Baneheia@Kristiansand
Baneheia@Kristiansand

Pathian dawtnak ka hngalh hnu hin Pathian hi ka seihwinsa ngai cuh. Theih tawnning in si lo in, uar ngaimi hawi thar kan ngeih ka i a kong hngalh le hlat kan huam tuk phun khi a si. Pumpak tein hngalh ka duh. Jesuh hi facebook ngei sehlaw a stalk peng ko lai, Bible nakin facebook lungfian a fawi deuh caah mu. Jesus he aa naihmi pehtlaihnak ngeih ka duh.

Kan hnu tthal hrawng in khan Pathian sinah bia ka chimmi le a ka lehmi pawl hi a hlan nakin felfai deuh in zoh tti hram kaa thawk. Keimah lawng te hna nih ka chawnh i a mah hna nih teh a ka let maw, one-way relationship a si sual maw, ti phan ruang ah mu. Felfai deuh tein ka zoh ka ti cu, Pathian nih bia ka halmi, thildang ka halmi hi a ka rak leh lengmang. A rak fel tuk ah hin a hlan lio i ka rak halmi ka philh cangmai hmanh khi amah nih a philh lo, a ka pek hnu lawng khin ka rak halmi a si zia kaa fiang. Cutluk mak cu ka ti.

Kipte nu dum ram pangpar @Kvinesdal
Kipte nu dum ram pangpar @Kvinesdal

Pathian hi bia ka chimh, bawmh ka hal ka hal i ka halmi keimah nih ka philh peng. Ka halmi a ka pek ti ka van hngalh colhmi tete zongah, ee a ka pek, Bawipa kaa lawm, ka ti i mah pin in khua ka tuak lo, ka reflect lo ka ti lai maw? Zei ruangah ah ka thlacammi cu a ka leh, ka bia a ka ngaih piak caah a si, ka bia a ka ngaihpiakmi cu a ka komh caah, a ka dawt caah, ka kong a hmete tiang a interest (seihwinsa) caah a si i, ka cohlan tikah zei bantuk thinlung in dah ka cohlan awk a si, hi thawng in hin Pathian ka zumhnak, kaa bochannak a karhter deuh maw, kan i komhnak a fehter chin maw, timi pawl khi ka rak tuak lo hen ta.

Sommerøy Baptist Church - Photo by Bikte
Sommerøy Baptist Church – Photo by Bikte

Zaan ihlai fatin, Bawipa thaizing damtein ka thawhter, tiah (caan tampi cu a phungmen in) thla ka cam. A thaizing damnak he lawmhnak he a ka thawh tikah, a phung men ah ka ruah hoi. Ka phut ruangah maw a ka thawhter, rian fial a ka duh i maw nunnak a ka pek hnga. Zei bia, a duh ahcun langak hmanh a hmang khotu si na lakah, keimah Borte meikau hmanh a thiam lomi cu zei ah dah a ka herh hnga mu. Mah cu chim lo, Pathian dawtnak hngalhter cang ko bu zongah nifatin sual ngaihthiam a hau rih mi ka va si chap. A zei bia um lo, Bawipa vel ruang te ah khin a si ko.

Ni zaan ka quiet time ah khan bible uk thar a rel ding ka si i zeidah ka rel lai ti tuak cia lo buin a si. Kei hi Matthai dih in Mark cauk ka rel lai, Salm nih dih mah cu ti phun in plan ka suai cia lo. Bawipa, chimh na ka duhmi kawl thiamnak, hngalh thiamnak ka pe hram, ti cun ka van hal. Ka Bible cu ka zoh i Daniel kha a kong ttha tein ka rel bal lo i ka rel tuah lai, ti khi ka lungchuak, Daniel a ngan 1 cu ka van rel i, nan hngalh cio bang, a tawi nakin cun rawl thiang ei nak kong (eating clean) bak khi a van si hih.

Thaku a kal cuahmmah nak lung bo te ah khin kan hnu zarhte ni kha kan va zau i khua kan cuan
Thaku a kal cuahmmah nak lung bo te ah khin kan hnu zarhte ni kha kan va zau i khua kan cuan

Nai hrawng hi eidin thianghlim le felfai lei ah ka chanbau tuk lawlaw lio khi a si. Ngandamnak caah a ttha lomi eidin lawngte ka haw, ka ei, i kaa manh lo tuk ti phun in exercise zong ka tuah lo. Ka pum hna hi a rit ngai in ka thei cuh, Zaantlai ei hi kei cu ka huam tuk ci si, thaithawh lo in na ka um ah a poi tuk lo, nain zaanlei hin cun ka thluak ah eidin kong hi a tamtuk cang. Mah kha Pathian nih, a za pah cang, a ka ti ko rua khah. Ka phuhrung pah nain bia a ka leh colh dan ka uar tuk i mah ruang zong ahcun mah post hi ttial ka lung chuahnak a si.

Minute 1 hmanh rau loin ka bia a ka lehmi cu ka pawng teah a um pinah a ka seihwinsa tuk, ti a fiang. Bia a kan ruah ko, tlawmpal te felfai deuh tein ngaih a hau i a si ko. Tu zaanlei Mc-Donald ah voi khat te ka va ei ta lai i kiptuh in cun fel deuhin eidin a hau cang ko rawh (zei holh dik si?).

Ralzaam, Pathian thluachuah le manh lo tipawl kongah…

Sianginn thawkka in nihin tiang lungdai tein kaa manh rih lo, nan si pah cio ko lai. Kaa manh lo ngai ti tik ahkhin nifatin san a tlaimi lawngte ka tuah ti nak khi a si hrim lo. A nuammi te, santlai theng lomi te, tuah pah ko zong ah a herhmi tuahding tam ruang i thluak kil tein ruah ziar phun manh lo bia khi mu.

Mah tikah khin thla ka cam zongah, bible ka rel zong ah a ka hlanh lo. Phungchim zong ka ngai i, sianginn thawkka in nihin tiang ka ngeihmi phungchim ah Zacchaeus (Zakia, timi hi Lai min a lo ngai ti) kong lawngte an chim i Pathian nih hi pa nunnak in cawnpiak a ka duhmi a um ko lai, ti hrawng tiang khi cu ka tuak nain thuk deuh zong in ka tuak lo. Rawl khi siseh law, a hmawm in ka hmawn hna i ka khai hna lo, zei hmanh khi.

Kristtiansand
Baneheia @Kristtiansand and Thaku

Nizan kha Hosea 13 ka rel caan a si, tian zaan i ka relmi le a hramthok pawl hi zei a si ti hmanh in tthatthi in ka hngal ti hna lo nain, nizan ka relmi in a tanglei bia nih hin khuaruat loin a ka um ter kho lo.

Ram car, thetse ram ah khan kan zohkhenh hna. Sihmanhsehlaw ram ttha chungah khan nan vung luh tikah nan paw a khim, nan thi a hnim i nan i porhlaw i nan ka philh. 

Hosea 13:5-6
Pathian nih hi ti hin a ka ruat sual hnga maw, ti ka tuak ngai. 

Naihrawng Syria ralzaam pawl an ton cuahmahmi harnak kong kan rel cio tawnmi le hi bible ca nih hin kanmah Chin miphun ralzaam kan rak si lio, Pathian dah ti lo in bochan awk kan ngeih lo kan i hngalh bik lio caan pawl a ka ruahter tthan ngai. Atu lio i ral a zaammi nakin cun kan ram kan chuah taknak a kong hi a va fak tuk lem hnga lo. Nain, kan ram kan chuah tak i ram 2nak kan ti tawnmi, Malaysia maw Thailand maw India maw, a tanglei lam timi in kan kal cio lio kan tonmi hi a fawi lo tuk ti cu al awk a ttha lo. Chungkhar kalnak aa khat komi zong, a nu dangkhat, a fa dang khat in kan thiam lomi holh a holhmi pa nih hruai in ramtang in kan rak zaam cu, ti? Minung 5 aa tlummi mawttaw fa te ah minung pa zeizat an kan khumh ti zong a hngalmi nih nan hngalh rih ko lai. Thihloh a rak fawi ning, palik tlaih ton a rak fawi ning. Mah lio ah bawmh kan rak hal cio i a kan luatpi tu cu Pathian a rak si.

I was taking a photo of that flower and he (the bee) came voluntarily <3
I was taking a photo of that flower and he (the bee) came voluntarily <3

Tuzing ah thaithawh ei kan i tim i cereal le cawhnuk (frokostblanding) ka cawh ah ka lung dut tiah a hno. Atu lio ralzaam pawl siseh, kan khuaram i kan tonmi ruangah a harmi kong cu chim hau lo, Laitlang ka rak um lio ah hin mi tampi nih zing fatin te cawhnuk din khawh a rak si lo (a cawhnuk duh lo si loin, a um lo ruang ah le cawk khawh lo ruangah). Hriphi ka tlun lioah ka rak hmuhmi cu caw a ngei komi zong nih a hnuk kha anmah din ding ah an i sianh lo, zuar in thildang a herhmi cawk a herh caah mu.

Thil hme tete ah kan ruah mi (duh lio i a um lo lawngah lung i fianmi) thluachuah pawl hi zei huaha tuak lo, Pathian dawtnak tuak setsai lo buin ka hmang sual ngai ko lo maw ti ka ruat ngai. Thil dang tampi lak ah ni fatin tisa in kan i kholh khawhmi pakhat te lawng hmanh nih hin Pathian dawtnak a kan hngalhter lengmang ding a si tiah ka ruah.

Kristiansand
Baneheia@Kristiansand

Atu lio vawlei khoika paoh ah harnak a phunphun a tong rihmi minung hna le atu kanmah bantuk in hnangam tein, pawkhim tein a um khomi hi zeiti i kan i dan ruang ah dah hi ti hin a si ti hi kan tuak pah cio kol ai dah. Keimah pumpak in cun a ruang ka kawl kho bak lo. A fiangmi cu keimah tinhmi le tuahmi plan a si lo zia a fiang, ka phut ka tawk ruang ah a si lo a fiang, Pathian dawtnak le vel ruang ah le Pathian tinhmi a si ruang ah a si ko mi a fiang. Atu lio harnak a tongmi hi Pathian nih a tlawm deuh a dawt hna tiah ka ruat hrim lo, Pathian nih tinhmi a ngei hrimhrim i a tinhmi cu a ttha hrimhrim fawn ti ka zumh.

A fimmi, a tthawngmi, a tthami, dawtnak in a khatmi Pathian thawngin him tein le pawkhim tein kan um khawhmi a si caah hi bantuk Pathian caah caan a ngei lo phun tein ka ummi hi ka tuak i ka siarem lo tak, puanlu i khuh i ihkhun tang ah i thuh phunphai khi ka tuak. Cun, hi bantuk thluachuah a kan pekmi hi zeiti phunphai in dik mi hrawmh ve hi a kan duh piak tuk lai ti zong ka ruat ngai. Zeitiin kan hrawmh hna lai ti kan hngalh rih lo zong ah, thlacam cu kan tuah khawh cio ko. Kawlram caah, Laitlang caah, Syria caah thlacam cio hna u sih law tiah.

Mark tthat duh ah maw thiam taktak duh ah? Mastery vs. Performance Goals

Ka ngakchiat deuh lio i ka uar tak ci cu, ca zong i zuam tuk lem lo nain a thiam ngai mi lawh i mark tthat ngai tawn khi a si. Phiat-laan uar zia khi mu. I zuam loin mark ttha ngah khawh a si maw, tiah a timi nan um men lai. A si bak. Ca rel thiam, carel ran i i hmahthah i harh tuk lem lo ahcun vaivuanh vaivuanh i camipuai lai ah cazoh zok in mark ttha hmuh khawh a si ko tiah ka ruah. Nain, mah bantuk in thiammi cu sau a nguh lo. Camipuai a dih ve, ka philh ve timi pawl khi an si, keimah ton ning ah, phundang phun ka hngalh lomi hoi hna a um ko lai.

Kapi´s flowers @Egersund
Kapi´s flowers @Egersund

Thil tuah tiah cun tinhmi um ruang ah tuah cu a va si tikah, siangngakchia nih fimthiamnak lei subject/course pakhat kan cawn tikah zeidah kan i tinh ti i fian hi a miak ngai ka ti mi a si. Kawlram i ca ka cawn lio ahcun, ka hngalh tawkah, mark tthat le camipuai i pakhatnak/pahnihnak tbk. ngah khi i tinh in kan cawng deuh tuk tiah ka ruah. Performance-oriented goals timi khi a si deuh rua tiah. Mi hmai ah cuan duh, piah duh, fak nawn tein chim ahcun, anih cu BA a awng, PhD a tuah timi langhcuan hleiah i cacawn khi mu.

One of my fav corners of UiA (University of Agder)
One of my fav corners of UiA (University of Agder)

Fimthiamnak athar pakhat thiam duh thengtheng ruangah timi tinhank, Mastery-oriented goals, in cacawn ko hi a zaang i a nuam bik tiah keimah pumpak in ka ruah. Marh zeizat ka ngah a biapi lo, mah kong ka thiam poah ahcun a za, ti i mark ngah ding kong ah zei stress hmanh um lo i cacawn ahcun tampi ka thiam deuh in ka thei.

Ziah cacawnmi thiam dih ahcun mark cu a tthat lonak ding a um maw, ti a fawi te. A si tuk hen ta, nain a taktak ah cawnmi a tam tuk tikah, i thim a hauh caan a tam pi, tiah ka ruah. Camipuai caah cazoh le thiamnak caah cazoh hi aa lawh lo caan a tam pi. A ruat thiam mi nan tam pi lai.

Kapi le kapu innpi @ Egersund
Kapi le kapu innpi @ Egersund

Kannih, kawlram (Asia ram tampi zong) in a rami cu kan nu le kan pa nih kan mark tam seh ti an kan duh piaknak aa hngal khun. Ramdang nu le pa zong an si ko, nain kanmah tluk in an langhter lem rua lo. Nu le pa lawng hlah, rian tthami nih cun mark ttha a ngahmi hi u-sa pek deuh zong cu a si. Mah tikah mark ttha ngah duhnak pressure/stress nih thiamnak a donh caan a tam pi. Khat lei in cun, mark kong zeihmanh tuak loin, thiamnak dingah ca kan cawn tikah, kan thiam deuh i kan mark zong a thangcho tawn hoi.

Ka chim duh bikmi cu zei bantuk tinhmi in dah ca kan cawn ti hi ruah ter duh bia. A pahnih cu kan i tinh ko e, nain i thim a hauh caan a phanh tikah zeidah kan i thim lai ti bia khi mu.

Frogner Park @Oslo
Frogner Park @Oslo

Zei bantuk tinhnak in kan cawn zognah a fiangmi pakhat, kum saupi siangnakcha ka si hnu in ka hngalhmi, cu ca zuam hi a rak ttha bik ko ti hi a si. Thluak tthat timi hi sianghleirun tibantuk ah le thiam taktak duh i cacawnnak ahcun i rinh awk a ttha tuk rua lo. A rel deuhmi poah, aa zuam deuhmi poah thiam a si ko. I zuam ngai i kum donghah mark tthat theng lo zongah textbooks van zoh tthan i a chung a um mi kong pawl van theih ngai, a konglam he aa pehtlaimi pawl van ceihhmai khawh ngai rih khi A hmuhnak in a nuam deuh ka ti.

Kale salad with white aubergines – Sentok le kawpi hnah toh

(Atang ah Laiholh in rel khawh a si)

I went home last weekend and brought a lot of fresh kale leaves from my parents´ garden, and so we’ve been eating nothing but kale since then hehe. In several different ways, of course.

My partents´garden  <3 Borte pa te dum - Now, I miss home.
My partents´garden

And by we, I mean, my bestfriend/roomie and myself. We do eat healthy food sometimes (know what I mean, “sometimes´´), and last night was one of those times. Kale salad was it.

Nammmm
Nammmm

This is healthy, easy to make and very very delicious, so I thought I’d share. First, wash your kale and separate the leaves from the stems, we’ll cook the stem as soup. Pour some hot water into the kale leaves and let them soak for about 7 minutes, or cook them for a while in hot water. Drain the hot water, soak your leaves in cold water, and then drain again.

You know what I mean
You know what I mean

As for white aubergines, you can cook them or eat them raw. I cook them for 5 minutes in boiling water. Either way is fine. My parents planted this type of aubergine in our garden when I was a kid, back in Hakha (Burma/Myanmar). My dad used to grill them and they were sooooo delicious.

White aubergines
White aubergines

So, where were we? Ok, now that we have everything nice and cooked, we cool them down and cut them pretty. Also, cut an onion, wash them and mix with kale and aubergine. Then, we’ll add salt, chilli (of course, optional) and any type of oil. You can even squeeze some lemon into the mixture if you’d like. If you have roasted chia seeds, your salad will be extra awesome.

If you can’t find white aubergine, it’s all good, kale alone is also very delicious, and if you like you can add some red beans as well (already cooked ones that come in a tin can) and it also tastes very good.

with red beans
with red beans

(Laiholh)

Hmanthlak a um viar ko le ttial zong hau rua lo ka ti ko (Ziah ka Thantlang holh a chuah hnga, ti). Mah pinah Lai holh a thiammi nih cun mah meh hi cu nan tuah thiam dih ko lai ka ti, nain, a tawi nak tein cun van chim ta ko ning mu.

Sentok zei ei khi dah a thaw bik nan ti?
Sentok zei ei khi dah a thaw bik nan ti?

Sentok le kawpi hnah (a ko tete lakmi) kha tlawmpal chumh, daih ter, par hna, piat zong par, cun chiti, cite, hmathak peih I cawh viar. Chi hmui peih chih ahcun a thaw chin lai. Pe sen (bête a si maw mah hi) a hmin ciami, bawm in an zuarmi, zong kha peih chih ah a thaw ngai. Buh lum te he, silole, amah lawng in ei i a kawpi ko tete tihang chuanmi he I meh cun a nuam ngai.

Eithaw!

Cazoh huam lo fah hi… (Why Study?)

Ca zoh ding van ngeih tuk i van huam lo tuk nain zoh bak a hauh i a fah dan khi a tong balmi nan um cio maw? Siangngakchia si ahcun cazoh ding cu hngalh cia cu a si ko e, nain celh lo tuk lio bak khi a um cu mu, minung kan si cio tikah. Mah i ap ding hna van ngeih ruangah tuah bak a hauh ko khi cu lung hna a leng, zei tuah ding hngalh lo ah puan hna i khuh i ttah chih duh, asilo ah thingkung kai phunphai hna lungchuak khi, silole rawl hna tam tak chuan i ei lungchuah, silole, okay, za pah cang seh.

When your goal seems far away
When your goal seems far away (Esbjerg, David te inn hmai)

Siangngakchia a si ko nain mah bantuk a tong bal lomi cu mifel bak nan si i a si ko lai. Tukum hi, sianginn ka kainak thla khat a tling rih lo nain ka ca tuahding, apding a tam tuk manh i nai hrawng hi ka stress ngai cuh. Kaa ceih tuk i lamhlat i a ummi ka nu le kapa le ka nau le zong khi an lung a rit dih, Flo zong hi siarem loin ka tuah dih hen ta.

Mah bantuk pawl a tam tuk caah nai hrawng cu zei ruang ahdah cazuam hi a herh timi ka tuak tthan ngai, lungfah tuk ah khin. Ka tuakmi pawl cu rak ttial ka timhmi cu a si, zeitin dah nan ruah cio hnga tiah.

I´m a sillouhue.. Ca zoh huam lo cun Thaku hna ngaih a si
Find Thaku in the picture!  Ca zoh huam lo cun Thaku hna ngaih a si, Mary te puai kan kal lio @Skien hrawnghrang, Joker pawng kha

Okay, cazuam kan hauhnak pakhatnak bik a ruang cu sianginn kai kan i thim cang caah a si ko. I thim lawlaw cang komi daithlang ngai in tuah cu kan minung sinak quality a thlak tuk ka ti. Fimthiamnak cawn ruah ah kum zei mawzat kan caan le kan thluak kan invest lai tiah kan i timh cang mi a si cang ko caah, i zuam lo ahcun caan zong a pam, thluak zong a pam.

Pahnihnak, vawlei cung ahhin sianginn kai a duh tuk ko nain a kai kho lomi minung tampi an um, chungkhar sining ruangah maw, ram tthat lo ah maw, sianginn man a fah ruang ah maw, a kong a tampi a um hnga. Mah hi Norway hna um i sianginn man pek hau lo pinah inn umnak le eidin caah cozah nih phaisa hei cawih rih mu, mah i ttha tein san i tlaih pi lo cu Pathian hmai khah a si lo pinah, kanmah bantuk in caan ttha a hmu lomi, sianginn man pek a haumi pawl hmai khah an si lo ka ti.

Just random flower that I saw in Esbjerg
Just random flower that I saw in Esbjerg

Mah kong he pehtlai in chim ka duhmi pakhat cu sianginn kai man zeitluk in dah a fah ti hi a si. Adangdang chim lo in, cacawn man (tuition fee) kong lawng ka chim lai mu. Australia ah kum cheu sianginn ka kai i, cacawn man lawng ah kum cheu ah Australian dollar 11000AUD ka pek, kum cheu ah cun course 4 ka ngeih caah, course pakhat ah 2750 AUD hrawng ka pek ti nak a si, mah cu Norway phaisa in cun 15800 hrawng (xe.com) a si cu mu. Subject/course pakhat ah hin semester pakhat ah lecture voi 12 hrawng a um hei si kaw, lecture pakhat hi Norway phaisa 1300Kr hrawng a ciah hei ti ko u sih. Mah cu a man fawi te bak lo.

Lightbulbs from Joe´s so you´d get so many great ideas ;)
Lightbulbs from Joe´s so you could get so many great ideas 😉

Norway ah cacawn man kan pe lo kan ti nain al awk a ttha lomi cu sianginn man hi a fawi te lo timi hi a si, ca a kan chimmi pawl lahkah khi tuak in ruahdomh khawh a si ko. Ramdang kong cu chim hau lo. Mah caah cun suimilam pahnih hranwngte a raumi lecture pakhat zong hi a man a tam tukmi a si caah sianginn hrokhrol i timh hlan ah hin khua tlawmpal cu ruah ta a hau ko rua hih.

One of my favourite photos  from summer of 2015. Of course, I took this. @ Skien
One of my favourite photos from summer of 2015. Of course, I took this. @ Skien

A kong dang tampi a um rih ko i mah te cio in i peh si te seh. Mark tthatnak ah cazoh le thiam taktak nakah cazoh aa lo nan ti maw? Mah kong cu ttial ka duh nain, adang tein si te seh.

Simple, healthy and inexpensive college meal (aka) The many ways of eating green beans

(A tang deuh ah Laiholh in a um) 

To make Monday a little bit more exciting, let’s put aside some school works and talk something fun, shall we? By something fun, I mean food, and I hope you also agree. Do you love green beans? Do you eat healthy? Do you enjoy and appreciate easy and simple recipe? If yes, I think you are reading the right post.

This is what we´re making
This is what we´re making – A pack of salmons that contains 4 slices costs 38.90 –42.90Kr at Kiwi (depends on the packing,  you have to  get the ones with skin). Skinless ones cost a little more and I see no point buying those since removing fish skins is not difficult at all.

A pack of frozen green beans costs 11.50Kr at Kiwi and it has two portions, very okay for a student budget. Before you stir-fry, make sure you soak the beans in very cold water to defrost. You’ll get a funny taste if you use hot water, or may be you’ll like it, I don’t know. Your choice!

Mah peti khi Kiwi ah bawm khat ah 11.50 a si i minung 2 kan i za.
Mah peti khi Kiwi ah bawm khat ah 11.50 a si i minung 2 kan i za.

Drain the water and then just stir-fry the beans. Don’t know how to stir-fry? It’s okay, I still got your back ;). So basically, you heat your frying pan on high heat, put a little bit of oil, add a little bit of garlic (if you’d like) when the oil is hot, add the beans, add salt and pepper (again, optional). Stir often, and that’s called stir-frying. You do that for about 7 minutes if you want your beans to be completely cooked.

Khachuan ba tlawmte he kio
Khachuan ba tlawmte he kio

You can eat your fried-beans with anything. The easiest and also one of my favourite ways is to eat with Norwegian salmon. I just microwave the fish, and that’s it. To tell you the truth, I’m the queen of microwave (meaning, I microwave everything), more on this later.You can also eat with rice and fried egg like this.

A light a tam tuk sual, ka arti a aihret dan a pin tuk deuh
A light a tam tuk sual, ka arti a aihret dan a pin tuk deuh

Another way is to fry with other veggies, very suitable when you are cooking for many people.

Civui, camping ti phun, mi tam pi caah kio ding ah aa tlak ngai, a fawi, aa dawh, a thaw, a man aa den caah
Civui, camping ti phun, mi tam pi caah kio ding ah aa tlak ngai, a fawi, aa dawh, a thaw, a man aa den caah
Kjøttboller he zong thaw tthiam
Kjøttboller he zong thaw tthiam

Have fun with your green beans.

(Laiholh)

Flo he nikhat ah hin pe voi khat kan ei lo a um rua lo ka ti. Kan uar bak. Norway hin pe hi a hring in an zuarmi nakin an khal ter (frozen) mi a man awi deuh. Hmanthlak ah a va um dih ko nain a tawi nak tein ka chim ta lai mu.

Peti a khal mi kha tikik in ciah, kio, Nga emmi he ei, a si lo ah, arti kio le buh he ei, asi lo ah adang annhnah he kio tti I ei ahcun a thaw fawn, a man aa deng fawn, a tuah a fawi fawn i amah lawng a ummi siangngakchia caah aa tlak tuk ka ti.

Ruahpi sur kukkuk law… (2) On a rainy day

Zingka i alarm thawng si lo i ruahpi sur thawng te nih van tthangh khi cu a nuam kho tuk ka ti. Mah i sianginn kai hauh lo, kal ding um lem lo i, duh lo ah thawh a hauh lem lo hrim ah khin cun, Pathian sin ah lawmhnak bia chim philh lo ding bak, nan ti ve maw dik?

Rainy morning <3 Woke up to this, didn´t have to go anywhere, so I stayed in bed thanking God
Rainy morning

Ruahpi (sur) hi Pathian nih a sermi, ka duh bikmi, tampi lakah pakhat aa tel ve. A leng chuah a hauh lo zong ah ka duh, chuah a hauh zong ah ka duh tthiam. Hna a hnok ka ti lem lo. Thaithawh ei dih (khim setsai lo ruang ah chuncaw ei chap dih) in Flo he coffee dawr ah ca zoh ah kan vai thawh. Thiang tein i kholh, hmui tein, lum tein thil a thiangmi tete i hruk i keden a lummi te van i danh i thli thiang lak te ah van chuah cu a nuam tuk ka ti. Lungthin a panhhlau ter ngai.

Photo by Florence Lian
You can stand under my umbrella ella ella ella … Photo by Florence Lian

Kannih lei siangngakchia umnak innkhaan pawl cu a hme tete, man fak tete (Europe style mu) an si i aleng kan chuah pah lo i chunnitlak innchung ah kan i erh ahcun kal zong khi thiam ti lo nak a si hen ta. Nihnih ni cu coffee dawr ah minung an tam tuk lo i a nuam ngai, siangngakchia cazoh nak an reserve tawnmi tthutnak lei ah cun kan tthu i Flo he coffee din pah, ruahpi surmi zoh pah, lam ah aa chawkmi ngiat pah, music ngaih pahin ca kan rel i a nuam tuk ti ka ruat len. Mah lio i vuk tiah ka lung ah a chuakmi cu kawlram (a bik in Hakha) ruahsur le tilianh lio kong a si.

Rain + Coffee + Book is good
Rain + Coffee + Book + Friend = Perfect Tuesday

Nai hrawng Laimi kan hawi le he bia kan i ruah i kan mang manh mi pawl kan i chimh ahhin kan mang cio background hi Laitlang lawngte a si. Tilianh le vawlei cimh kong nih a hlan deuh bantuk in cun ka lung cu a pil in a pil ter ti lo nain ka lung kil ah a um peng rih ko rua. Thawngpang a chiat saling kha cu lam hlat piah ka um ko nain ruah a sur ah ka lungthin a rit. Ka ttahchuak. Hi bantuk ruah thawng nih hin Hakha i a ummi ka pi le, ka nau le, ka nute le, ka ni le ka hawi le, a tthih in a tthih cang sual hna hnga maw ti ka ruat. Ruah a han lo lio i inn pawl a cimh cuahmah lio ah khan an mit a kuh tuk cang buin it ngam loin, an khua a sih tuk buin maw ruah han dingin thla an rak cam hnga ti ka ruah ah ka thin a fak tuk.

Credit to this user <3 You have no idea how encouraging this was when I needed the most
Credit to this account-owner <3 You have no idea how much I needed  this post of yours. Thank you if you ever find this blog-post.

Hi bantuk in laitlang/kawlram nih kan tonmi ruangah ruahpi (sur) a ttih thaimi an um sual ti khi, phan ding tampi lak ah, ka phang chih. Ruahpi nih mang chia a pek hna lai ding ka siang hna lo. A bikin, keimah bantuk ruahpi (sur) a uar mi nih ruahpi an ttih ding, an huat ding ka siang hna lo. Vawlei cung ahhin minung thil ti khawhnak in kan control khawh lomi thil tampi a um i, hi bantuk cung hin lungthin zeitin dah kan chiah lai ti hi ruah phu ngai a si, ti?