Birthday Post – Happy Birthday to me

Kristiansand ah sianginn ka kai hnu hin ka chuahni ah inn ah ka um ti lo, a sullam cu hlunghlai deuh tein thlacamnak le chuahni lawmhnak a ka tuahpiak tu an um ti lo tinak khi. Nain, hika a ummi ka hawi le tlawmpal te he dai tein kan tuah tawn i phundang tein a nuam tthiam hen ta.

filtered selfie, filter because, duh, it´s my birthday
What do you do when you´re waiting in line for something? You take a selfie and filter it. Filter because it makes me look pretty and duh, it´s my birthday

Tukum ka chuahni Aug 29 hi zarhte ni ah a tla i tha a dam tuk ka ti. Sianginn kai ni siseh law ka ttah lawng a chuak lai. Kan hnu zarh hnih chung sianginn ca a tam ning le sianginn kai a sau ning hi, 9AM – 4PM tiang kan kai peng. Ca tuah ding zong a um peng. Tang 10 Chin Super ka um lio le, IB ka kai lio bak khi kaa thei. Tuah ding tam tuk i nu le pa zong ngeih dih i lunglen in ttah thluahmah duh phun khi.

Surprise birthday cake from bestie, Florence <3
Surprise birthday cake from bestie, Florence <3

Friday zaan a van si ko bu i, ca van rel a hauh, tuah ding zong tam pah rih khi cu lungthin tlawmpal te cu a buai pah bak ko. Cu lio bakah hawi le nih Birthday cake van chuahpiak (i surprise tuah) khin cun thluak zong hi a fim dih. Flo nih a rak ka put hih, kaa nuamh tuk ning bak cu. Mah hnu khin cun ka ha lawngte a lang cang, ha langh buin ka it rua ka ti ;). Zaan ah thlapa a vai ngai chap i Pathian pekmi birthday laksawng tiah keimah tein kaa koih i kaa nuam chinchin.

Aug 29th, it looked brighter the night before
Full moon at Aug 29th, it looked brighter the night before tho

Zingka zong khi piang tak khin kaa tthang. Bawipa a ttha. Nikhua zong a ttha. Zarhte ni lawngah an zuarmi (a man a fawi deuh in an zuarmi) Hu Tieu soup timi kha Vietnam dawr (Lotus) ah Flo rian a kal hlan ah va ei kan duh cuh. Khan, kan i ttamh i kan va kal zok, 11 tlin hlan ah kan phan i an rak ong rih lo i innleng in kan hngah cuh,.

Saturday Special at Lotus with Flo
Saturday Special at Lotus with Flo. Breakfast

Kan ei dih in Flo bus stop ah ka va thlah i Joe´s (Joe & the Juice) ah coffee din pah, carel pah in Manu le Thangthang ka hngak hna. An rat in Lotus ah thaithawh/chuncaw an ei mi ka hngah pah hna in bia kan i ruah hna. Manu nih Burn a ka cawkpiak.

Lunch at Lotus again! May be it´s time I should demand some payment from Lotus ;), in the form of Hu Tieu Soup
Lunch at Lotus again! May be it´s time I should demand some payment from Lotus ;), in the form of Hu Tieu Soup

Mah dih khan ka ttin i sianginn ca tlawmpal ka tuah hih, a hauh ruang ah mu, a celh ka celh lo i kan chimh ta hna bia. Khan, tlawmpal ah Thaku (ka nau) a rak ra i ka va dong, ku Bikte nih laksawng a ka kuatmi post ah kan la, kiwi ah ngaikuang le le zaanriah ca kan caw i kan kir tthan.

Can´t believe I had to do this on my birthday, but, kids, that´s life, um humm
Can´t believe I had to do this on my birthday, but, kids, that´s life, umhumm

Ka ca tuahmi ka lim bak ah Flo rian in a rak ttin i zaanriah kan ei dih cu 8PM hrawng a si cang rua ka ti.

Dinner
Dinner at dorm

Khua chung Hos Naboen timi ah kan va kal i wine le beer (alcohol a um lo mi khi) hrai khat cio kan va din pah i bia tampi kan i ruah hna hen ta. Tlangval kong le sianginn kong le kawlram kong pawl mu. Kan din mi a herh lo tiangin a man a fah nak kong kan zai kan zai ta i kan ttin. Thlapa aa dawh tuk rih.

Complaining about the price
Complaining about the portion ( kids, don´t do this at home unless they´re non-alcoholic )

Inn kan phanh in kan zaanihnak thil (pjs) kan i thleng hna i kan ngaikuang tete cu tea he kan i meh i youtube kan zoh pah, bia kan i ruah pah hna i a nuam ngai.

Sorry, forgot to take before picture.
Sorry, forgot to take  the before picture.

Tukum ka chuahni cu a cangmi a tam ngai, a hme tete an si i duh a nung tete an si fawn, i ka uar tuk. Mah vialte a ka tuahpiaktu ka hawi le ka nau le nan cungah tam tuk tam tuk tam tuk in kaa lawm. Facebook, viber, sms, e-mail in chuahni a ka lawmhpi tu vialte nan cung zong ah kaa lawm tuk hringhran. Pakhat tete in ka rel dih, kaa lunghmuih tuk. A fiangmi cu ka kong (chikhat te a si zong ah) nan ruat ti a si ko i, mah ruang ahle ka cungah nan siaherhnak lungthin caan la in nan langhter mi nih a ka lawmh ter tuk. Bawipa nih thluachuah tampi in pe ko hna seh.

Have you seen the moon?
How old did I turn? Well, why don´t you take a guess? 😉

Young Mind Forever – Kristiansand ah zoh ding tete-le-Camilla Collett

Flo he Thaku kan va thlahnak in kan ttin pah ah Kristiansand bystranda (beach) hrawngah a ummi kan hawi le kan va chawn pah hna ;), hman kan thlakmi hna ka rak share.

Tuchun ka hmuhmi ah ka uar bik pahnihnak :)
Favourite one of the day – Let´s be young forever?

Mah thetse in sermi sculpture nih a pekmi sullam (message) hi ka uar tuk. Nifa tin kan upa (tar) deuh deuh, nain kan lungthin (kan chung) cu a no peng tinak khi, aa ttial ko khih. Ka bawah he aa keih tuk (aleh). Kei cu no peng kaa tim. Ka chuahni a si deng cang i i chim cia bia khi.

This one is by our very own local artist - thumbs up!
This one is by our very own local artist – thumbs up!

Mah thetse in an sermi hi fawi tein a rawk lo, ti le kaw an toih an ti.

Still life
Still life

A tang hman ka thlakmi hi a ther ngai hi ta ti?

Even if I were a boy, I will never pee in this thing, just saying.
Even if I were a boy, I will never pee in this thing, just saying.

Hi ka i a vei ngammi cu mi menmen lo an si.

Cute cute cute
Cute cute cute
the logos
logos

A thiam ngai ti?

Me and my old friend (Photo by Florence)
Me and my old friend (Photo by Florence)

Mah mithman hi Aa Dawt nih ka chuahni caah a ka cawkpiak ciami a si. Ka uar tuk. Aa Dawt, kaa lawmmmmmmm tuk <3.

This wood color - thumps up!
Vely vely nice

Thing color hi aa dawh tuk nan ti cio maw?

I don´t know who he is
I don´t know who he is

Flo a pupu.

Henrik Wergeland´s younger sister - a celebrated feminist pioneer
Henrik Wergeland´s younger sister – a celebrated feminist pioneer

Camilla Collett (1813-1895) a chimmi ah ka uar bik pakhat, “ Beauty is poor when it is not the harmonious expression of a similar mind´´, timi a si. Pastor fa a si i a u pa, Henrik Wergeland cu a hngal lomi nan um lai tiah ka ruat lo. Norway ram cu an chung nih an hui dih ko.

Thaizing sianginn kai nuam uh!

Sianginn caah herhbau ka zal – School Essentials

Aug 17 khi sianginn thawk ding ka si i nizan, Aug 14 ah Patlung nih, Laitlang lei in an kan tlawngmi Rev. Hoi Cung Tum le a nupi, kanu Tracy, le Thaku he an rak kan thlah. Thil kan chiah dih bakin Froland ah kan kir tthan. Zaan ah Norway pawl le Laimi pawl fonh i kawlram tilian a ingmi hna caah fund kawlnak an tuahmi ah kan va kal.

A ra mi kan tam ngai i ka mit zohnak ah cun a rami ah mirang an tam deuh. Hlasak le thlacam tti, kawlram tilian kong thawngthanh, pawl khi kan tuahmi cu a si. Pumh a lo ngai. Thawhlawm an kan kholhmi, tilian a ingmi hna caah a kal ding kha, kapa Flo pa chimnak ah 47000 Norwegian Kroner hrawng a chuak a ti. Pumh hlan ah rawl an kan pek ta i an hmanphek a thaw ngai. Kawi Bawi (Si Bawi Mang Lian) nih ka tuahmi a si a ti i a si tak maw dik ka hngal lo. Rawl ei pah ahkhan ka lung a mit pah i ka zaw rua ka ti nain a si lo, hmanphek a thah tuk caah a rak si.

Skien in a rami Karen khrihfa bu #savemyanmar #myanmarfloodvictims
Skien in a rami Karen khrihfa bu #savemyanmar #myanmarfloodvictims

Froland in Florence he (aleh) tuzing 10AM in Kristiansand lei ah kan rak ttin. Flo rian a ttuannak Sørlandsenteret (Kristiansand nan rat ahcun kan kalpi hrimhrim hna nak ding shopping centre) ah Flo thlah dihin sianginn caah thilri a hme tete ka caw pah i, sianginn kai thathawhnak ah, ka rak share ta bia a si.

Zei vialte hlan ah mah ballpen hi hi siseh. Ballpen a si nain phiat a ngahmi a si, a phiatnak cu a tanglei i a rangmi tekhin phiat a si. Digital exam a ngei kho rih lomi sianginn ah na kai ahcun exam phit nak ah a mak tuk.
Zei vialte hlan ah mah ballpen hi hi siseh. Ballpen a si nain phiat a ngahmi a si, a phiatnak cu a tanglei i a rangmi tekhin phiat a si. Digital exam a ngei kho rih lomi sianginn ah na kai ahcun exam phit nak ah a mak tuk.
Highlighter - hi pa 5 pack hi Clas Ohlson ah 42Kr a si.
Highlighter – hi 5-pack hi Clas Ohlson ah 42Kr a si.

Kum fatin, kum fatin, july thla lai hrawng a phanh hin cun sianginn kai kaa ngaih peng. Sianginn kai ka cu ka kutttial aa dawh ning le ka cauk i catlang ka rinmi hei ti pawl an din ning bak cu, sianginn kai zong ah dawh tein kai heiti pawl khi huam ngai si.

Kan catlap pawl a kakip ah an zuan len lo nak hnga catlap fimnak hman hi a miak ngai ka ti. Hi 5 packs ah 49Kr a si. (Clas Ohlson)
Kan catlap pawl a kakip ah an zuan len lo nak hnga catlap fimnak hman hi a miak ngai ka ti. Hi 5-pack ah 49Kr a si. (Clas Ohlson)
Nithawng ken huam lo pawl caah santlai bakmi. H&M ah 20Kr in an tthumh i kapa nih a ka cawk piak. Men section ta si.
Nihin ah ka cawkmi a si lo nain abiapi tukmi a si i ka telh chih. Nithawng ken huam lo pawl caah santlai bakmi. H&M ah 20Kr in an tthumh i kapa nih a ka cawk piak. Men section lei ah a um lai.

October thla lai, camipuai lai hrawng khin cun nuam ti lo. Autumn (Høst) zong a dih pah i khua zong a muih tuan, ca zong a tam tuk cang, sianginn kai e saya e ti zong ka zuam ti lo, timi caan te khi a si. Norway ah um lo rumro khi ka duh, khualtlawn khua lawngte ka khang i vanlawng ticket heh tiah zoh, hotel pawl hmanthlak zoh i seihkuzin a van si. Khualtlawn duhnak zawtnak cu vanchiat ahcun khuasik chung vialte a dam kho lo. Zei ruang ah hen ramdang ah ka rak kai ko lo, hei ti lio hrawng khi.

Tazeihdung timi khi- catlap le bill pawl felfai deuhin fimnak ah a ttha ka ti. TGR ah 30Kr a si.
Tazeihdung timi khi- catlap le bill pawl felfai deuhin fimnak ah a ttha ka ti. TGR ah 30Kr a si.
Mah te hi a ser a har ngai nain a man a fawi tuk ka ti. Pakhat ah 5Kr (TGR ah)
Mah te hi a ser a har ngai nain a man a fawi tuk ka ti. Pakhat ah 5Kr (TGR ah)

Khuasik van lonh, semester pahnihnak camipuai lai hrawng khin cun Spring a si cang i vawlei cung hi a nuam tuk hoi tthan, upa bantuk tein um zong khi aa huam tuk lio te a si, rian ttuan, va ngeih, inn cawk hei ti khi mu. Tthal ah rian ngah zong ngah lo zongah nupi tthit puai kal, camping kai le civui kal cu tuah tthiamtthiam. Sianginn awt tthan lai ahkhin cun sianginn kai lungthawh tthan. Mu.

Atu lio ka uar bakmi cauk (a man a fawi ruangah) Cun dal 5 in aa tthen i a hman a nuam. (Nille ah 44Kr)
Atu lio ka uar bakmi cauk (a man a fawi ruangah) Cun dal 5 in aa tthen i a hman a nuam. (Nille ah 44Kr)
A herh tukmi vei tete. TGR ah 15Kr
A herh tukmi vei tete. TGR ah 15Kr

A zei si zongah sianginn kai nan i ngaih cio lai tiah ka ruah. Tukum hi fimnak tampi naa chapnak kum, a nuammi, hlawh a tlingmi cawcawb kum a si khawhnak hnga thla kan cam piak. Biatak. Ka ttial dih bakin ka cam.

Have an awesome school year <3!

KAN I BOCHAN MI TETE HI.. (Mi uh-ttanh, Deuh, Kawlram Tilianh le Ramdang NGOs Pawl Kongah Ruahnak Tawite)

Mi uh-ttanh hman le mi i bochan ngai hi mi tampi nih kan uar cio lai lo tiah ka ruah ko, lungfim bu tein cun mu, cun a si khawh ahcun. Uh-ttanhmi le bochan mi nih an kan deuh tikah, asiloah, an kan hrial tikah lung a fah ning le ning a zah ning khi a tuar balmi nih cun nan hngalh ko lai. An van kan uah hnawh hrim ah khin cun kan sining nakin san a tlai deuh lo chinchin mi le a hme chinchin mi le a biapi lo chinchin mi ah khin an kan ruah ter viar cu ti?

Pumpak minung pawl nih an kan deuh tikah a fah bantuk in kan i bochan ngaimi bu (organization) pakhat khat nih an kan deuh tik zong ah hin a fah dan a ding deuh hlei lo in ka thei.

A photo to break your reading
A photo to break your reading

Nai kan miphun le kan ram nih kan tonmi ngeihchiatnak kongah, ramdang a ummi ka si caah tampi hmanh ka tuarpi kho hna lo nain, Pathian nih hin fim a ka chimhmi a tam hringhran ve.

Pathian zaangfahnak in pumpak minung i bochan tuk le uhttanh phun hi ka hmang lo, ka rak hmang bal maw ti zong ka hngalh ti lo caah ka rak hmang tuk lo i a si lai. Nain, nai kan tonmi kong ah kanmah lawng i bochan in thil tuah khawh lo mi a tam tuk caah khoika a ummi paoh nih zeiti lei tal in dah bawmhnak kan pek khawh lai, kan kawl khawh lai, ti khuakhan cio a si cu mu. Kan pawngkam ummi bochanmi, uhttanhmi bu pawl cu banh cio cu a si.

11120049_10155576619180263_1434815549428620506_o

Cozah a si lomi, bochan ngaimi le uh-ttanh ngaimi, a kan dirpi tuk lai tiah ruahmi NGO a hme he, a ngan he kan i pehtlaihnak ah hin a lengin hmuh khawh theng lomi a cangmi thil tete a um len. Nuamh lo lei in ka khuaruah a ka har ter mi tete an um len. Atu ka ttialmi zat hmanh nih hin mi lung a nuamh ter lo ngai cang lai i, khi bantuk tonmi tete le an organization min pawl cu a dikthlir in ka ttial lai lo. Kawlram caah ka dir aa ti mi bu pawl le emergency relief caah ka ttuan aa ti ko bu in bawmhhal tik ah hrial rumro aa tim mi zong an um. Mah cu kan tuah piak hna lai tiah mipi sin thawngthanh ttung i a chungah zei huaha tuah ttung lo mi zong an um len hoi.

Mi bawmh bakah ka dir aa timi organization cheukhat pawl hi an make-up van hnawh ah a mui a chiami an tam tuk. Ka dua, zei cu hen nan dir hnawh chan cu a si, van ti ding khi an um len. A zei si zongah ka zainak cu mah khan va dih sehlaw, na rel ahcun tlawmpal cu na lung cu kan nuamh ter lo ngai lai caah ka palh ngai ko. Kan i ton tik tu ah coffee kan dangh te hna lai mu.

I´m slipping of the edge, I´m hanging by a thread...

Pathian hlei hlei cun aho hmanh, zei bu hmanh, i bochan len ding a si lo zia Pathian nih hmuhtonnak in a ka fianh chinchin i mah zong cu keimah caah cun thil ttha ngai a si ko. Minung an si ah, bu an si ah, an kong an chimning tein zumh ka hmang ngai fawn i mah zong khua a ka tuak ter tthan tu a si te ko lai tiah ka ruah.

Cu pawl kha cu um ko hna sehlaw, kan hngalh dih bang, an kan zuanhnawh colhmi cozah he, bu he an um len. Ka uar tuk hna i anmah kong post dang tein ka rak ttial te lai.

Nai Denmark Civui, Europe Chin Mino le Laitlang Bawmhnak Pawl Kong

Nai ah Denmark ram Esbjerg khua ah Chin Christian Association of Europe (CCAE) nih ni 5 chung conference a kan tuah piak. A voi khat nak Europe Chin Christian Youth Conference tiah auh a si i, July 29 in August 2 tiang kha a si. Inntek cu CCYADK (Chin Christian Youth Association in Denmark, a si rua, ka palh kho) an si. Laimi tuahmi conference le civui ka kalmi lakah quality a ngei bakmi conference pakhat ah aa tel. A kong tam deuh in Thingtthang mekazin ah ka rak cover te lai.

11834927_10155861121985263_3925151007266324553_o

Civui saupi van zawh, khual saupi tlawn, mitkuh vuai loin um hnu i mah le inn te, ihnak khaan te ah van phak cu a nuam tuk tawn. Tutan cu innphanh kaa nuam tuk nain, civui i kan um tti mi ka hawi le pawl ka ngai tuk hna i zeiti phun in dik ka um. Kan i komh ka, kan i dawt tuk lio ah kan i tthen i a si rua.

Favourite spot
Favourite spot from the Conference hall

Nai civui cu Germany in le Czech Republic in a ra mi ka hawi hlun le thar he kan i tong hna. Denmark ah hin hawi tampi ka rak ngei lo, ka hngalhmi a tlawm ngai. An mui khi ka hngalh pah hna, nain an min le an facebook le an mui khi ka pehtonh thiam hna lo hen ta. Nai ka kal cu fiang nawn tein ka hngalh hna pin ah ka komh tuk colh hna. Khi mu, komh an thiam tuk, cun an fim tuk. Zei kan ti lai, an i titer mi a si fawn lo mi khi hmuh khawh a si fawn i ka dawt tuk hna. Norway i kan i komh cia mi pawl zong khi tutan cu ka dawt hna nak a kai chinchin. Mitkuh vuai lo nawn bu te khin an mithmai khi a panh ngai chap cuh, ka zaang zong an fak, duh zong an nung tuk ka ti. Europe mino pawl, klem (hug) kan kuat hna. Cun, kan ngai tuk hna.

Civui dih, inn thianh hnu :(
Civui dih, inn thianh hnu 🙁

Atu ka hawi le ka ti mi pawl hi keimah nak ngakchia deuh lawng te an si. Nai civui nih khan ka upat pah cangmi ka lung a ka fiang hnik i ka lau pah i kaa theihter chih lo. A ra mi hi kum 16-24 hrawng an tam bik. A zei si zongah hawikom ahcun kum thleidannak, nu sinak le pa sinak, ti phun cu a biapi tuk lem lo cuh, si ko lo maw? Kan i kom peng ko hna lai mu? 😉

David nu´s courtyard
David nu´s courtyard

Nai civui i a rami mino vialte cungah, a bikin inntek Denmark mino pawl cungah lawmhnak nganpi ka ngei ti langhter ka duh. Nan sinin cawn ding ttha tampi ka hmuh. Kan civui le conference pawl hi atu bantuk in a nuam chinchin thluahmah lai tiah ka ruah, a ruang cu Jesuh zulh kan duhnak nih a kan funtom tuk i a si ka ti, ti cun nan ruat ve ko lo maw? Conference tlangtar bantuk in, hi kan i dawtnak le kan i komhnak pawl zong hi, Bawipa sunparnak caah si hram ko seh!

David´s nu flowers
David´s nu flowers

Atu lio cu Norway lei cu harnak a tongmi Laitlang kan unau hna caah thlacam, phaisa kholh le thawngpang i hrawmh kan tuah bik lio a si. Khrihfa bu pawl, Chin Community in Norway, Norway Chin Christian Federation le Chin Student Union hi fiang in ka hngalh mi, hi bawmhnak kongah a ttuan cuahmah mi kan si. Rianttuan tti nak tete zong a um tik ah ka lungthin a ka lum ter ngai. Nan si ve lai tiah ka ruah ko. Nan tuahmi pawl kha rak kan share ve te uh mu.

11855614_10155861135115263_1232125679202893553_n
Mirang khuhlu, Manu and her white brother from Esbjerg 😉

Mangttha uh <3