Kan hnu zarh i neknawi tete le neknawi-lo tete #bbq #frozenyoghurt #bowling #forest #jenny #family #graduation

Nai hrawng hi upa tuahmi lawngte ka tuah i cattial caan ka ngei tuk lo. Upa tuahmi cu zeihen a si ti na ruat cang men lai. A hramthawk tein chim ahcun kan hnu zarh nilini sayama Biakku le saya Hei degree laknak puai (graduation ceremony) ah kan kal in thawk a hau lai.

NCMC in a telpi khotu pawl he
Na hmanthlak pi cu nan ka ti ko lai, midang nih an ka en tuk i a si!  Kan pastor pahnih Pastor Bia Hlem le Pastor Jonathan Van Hei Lian: kan khrihfabu in a telpi kho tu hna he #Master #Norwegian School of Theology #MF

Gratuation hi Norway sianghleirun a tam deuh nih an tuah lo, bachelor na dih zong ah, master na dih zongah, PhD na dih zongah na mark an in kuat lai. Dih ko! Ramdang pawl graduation an tuah i angki sau pipi an i hruk i lukhuh a mak ngaimi an i chinhh ah khin ka duh ngai ve, a caan caan ahcun.

Congrats, u Biakku le Saya Hei!! Khrihfa bu rian ah nan fel tuk buin nan thesis nan lim!! Uar nan um tuk.
Congrats, u Biakku le Saya Hei!! Khrihfa bu rian ah nan fel tuk buin nan thesis nan lim!! Uar nan um tuk.

Mah chun cu chun nitlak ruah a sur nain zanlei cu ruahsur lakah sa kan em hna.

11289372_10155719020045263_3967404490770958630_o

BBQ he aa tlak tukmi sauce - Lemon sur, hmanphek, cite le nanan peih, sa em mi cung ah toih, min philhnak :D
BBQ he aa tlak tukmi sauce – Lemon sur, hmanphek, cite le nanan peih, sa em mi cung ah toih, min philhnak 😀

Zanlei rih ah bowling hrilh ah Strømmen ah kan kal. Thaku a hawi nu Wales in a rak kan tlawng, Duhduh a um, Bawi Tha a um i kan tling ngai hna. Suimilam 5 deng tiang hrawng kan hrilh i weekend cu ka zaw cu ta. Ka ke hi a tthawng ngai nain ka kut ah thazaang a um tuk lo cuh. 11PM ah kan ttin nain a mui rih lo i zanlei a si rih ko kan ti lai cu. Norway tthal cu a muih caan a tlawm tuk.

Hmanthlatu-Patlung! Angkinak in ;) - Bor, Bawitha, Sia-Hei, Siama-Biak, Duhduh, Heddwen, Thaku
Hmanthlatu-Patlung! Angkinak in 😉 – Bor, Bawitha, Sia-Hei, Siama-Biak, Duhduh, Heddwen, Thaku (Biaralkah tein, Duhduh i a Norway min chimh nan duh maw? – Saupi kan tuak hnuah Ønskerønsker kan sak.)

Khual le miriak ngeih khin cu biaruah phunphai a nuam ngai cu mu. Nizan tiang kha khual le miriak kan ngei i caan kal manh kaa thei lo. Nithum ni khan Heddwen Oslo tiang ka va thlah i bia kan i ruah ah, ziah nihin cu nikhat ni a si lo maw, ka ti i a ciah tuk ning bak hi. Mah ti khin kaa thei manh lo hen ta. Mah ti cun hawi le don, hawi le thlah, Uno celh, ramlak kal, rawlchuan, khengttawl ti phun phai in kaa la.

Jenny a ka riah lio ah ramlak ah kan leng. Jenny cu ka nute i a fa a si, ka cousin.
Jenny a ka riah lio ah ramlak ah kan leng. Jenny cu ka nute i a fa a si, ka cousin.

Aw, biakinn caah Sweden ah sa kan va caw. Hmai zarh hi Rev. Hoi Cung Tum le a nupi a kan tlawng lai i Stabekk kan biakinn ah zarh khat chung crusade aum lai i kan i ngaih tuk. A huammi ra ve te uh mu. Tu zarh weekend hi Skien ah kan mino pawl gospel kan kal hnik i kan i ngaih tuk fawn.

Jenny le Pappa - Sweden in kan kir pah ah chuncaw kan ei hnik - chungkhar he lamkalai i rawl ei zong hi a nuam ngai cuh
Jenny le Pappa – Sweden in kan kir pah ah chuncaw kan ei hnik – chungkhar he lamkalai i rawl ei zong hi a nuam ngai cuh

Nizaan cu July i Denmark ah tuah dingmi Europe Chin Youth Conference caah khawmh an timhmi cathluan pawl lakah pakhat ttial an ka thiah ve i mah cu chunnitlak ka ttial. Khua ka tuak tuk i maw a si hnga, arsik pakhat bak a rak chuak hih, ka kutdong in ka tongh ah a fak, cathluan caah a si caah tlawmpal cu a rit deuh hen ta. Ramdang sianginn kainak caah timhtuahnak he aa pehtlaimi cathluan a si i Australia kong kha keimah rian cu a si. Civui dih in blog ah ka rak post te lai mu. Esbjerg ah nan rat ahcun kan i tong te hna lai!

vei
Esbjerg civui he aa pehtlai lo nain Frozen Youghurt le Tthal hi aa tlak bak nan ti cio maw? Jenny nih Charlottenberg (Sweden) ah a ka danghmi a si. Aw, Esgjerg civui cu July 29-Aug 2 tiang a si lai mu.

Manh lo kong he pehtlai in chim ka duhmi pakhat a um. Minung nih thil kan ton cuahmah mi hi rawl ei bantuk a si ka ti. Anih ttheo nan ka ti maw dik ;). Rawl cu kan dolh dih in ka pawpi nih ttha tein a rial ta i lak ding a lak, hlonh ding a holh hnu lawngah adang rawl ei ah ah ngandamnak caah a ttha cu ti. Minung hi kan tonmi pawl kong he pehtlai in zoh tthannak, tuaktantthan nak (reflection) caan um a herh hrimhrim ko. Tha tein rial ta a hau ko rua. Mah ruang hin a si lai, Pathian nih dinh caan, Sabbath ni ulhnak kong ah felfai tuk in a kan chimh lengmang hi a si lai ka ti. Pathian a mak dan hi cu level a tam tuk hringhran, kanmah sining cio tein a kan cawnpiak.

Jenny he ramlak kan kal lio i kan hmuhmi
Jenny he ramlak kan kal lio i kan hmuhmi

Chun he zaan he aa manh lo tukmi si cu ka ngamh lo ngai lai. Ka khuaruahmi pawl khi ningcang tein fimtawl (organize) caan ngeih ka duh, cun a caan caan i idea ttha ttha Pathian nih ka rak ka pek tikah pakhat hmanh tang lo in tlaih dih ka duh.

Pa le Ni, Borte Pa, Nu E Pa le Dawtnak Timi Pawl Kongah…

Nizan cu Father´s day he aa pehtlaimi post tete social network pawl ah kan hmuh cio len. Scandinavia ah hin November ah tuah a si caah kannih ram cu kan lawmh rih lo. Hawi le nih an pa le kong an ttial cio mi ka rel ah ka lung a hmuimi zong um, ka ngaih a chiami zong a um.

Kapa nih a ka tuahpiakmi kong vialte lakah kaa lunghmuih bikmi pakhat ttial ka lung a chuak ngai. Ka chuah zaan ah kapa nih zaan khuadei it loin, mei inn aa van i a rak ka hngah, tiah ka nu nih a ka chimh bal. Bawhkeuh kan ti cu, a fa tuk i an nenh lai i a thi sual lai ti ka phang, ati, an ti. A voi khatnak fa a ngeih a si caah a lungthin a cawl tuk bia zong a si lai.

This guy pulled an all-nighter with a couple of kerosene lamps the night I was born because he was so excited <3 This one is an awesome dad!
This guy pulled an all-nighter with a couple of kerosene lamps the night I was born because he was so excited <3 This one is an awesome dad! 

Mah kong hi ka lung ah fak tukin a lut. Kapa nih hin vanlawng rak ka cawkpiak hmanh sehlaw mah tluk in aa uang lai lo. Vanlawng cu phaisa in cawk khawh a si i, Kapa nih a ka tuah piakmi hi tuah duh lem lo ahcun cawk duh len zong ah a ngah lomi thil a si. Mah ruang cun a cungah zeitluk ka thin a hun zongah hi kong ka ruah ah ka lung a dam tthan tawn.

Thil hme tete a zoh ngaimi minung, detail-oriented, ka si ngai rua ka ti. A biana ah, ka ngakchiat lio phe kah ka thiam ka te ah a ka suai tuk i ka ngol duh ti lo cuh. Ahohmanh nih an ka kah pi huam ti lo, mei zong a ra lo, i kapu nih phazawngdaing bak a van i a ka kah pi ko hih. Kapu cu mah tluk khin a mak! Mah phun tete khi ka philh khawh lo i kaa uan tuk mi phun cu an si. Dawt ahcun lawm tein tuah piak a si i dawt lo cang ko ahcun zeizat pek zong ah a ngah ti lomi phun khi.

IMG_6059

Kum 15 ka chuah ni ah aho nih zei a ka cawk piak, phaisa zeizat a ka tthenh ti ka hngal ti lo, nain kapu nih, cun ka pa nih, an ka tuah piakmi phun tete khi ka philh lo ci an si.

Ka upa deuhdeuh i cawk khawhmi nakin cawk khawh lomi thil pawl an sunlawi deuh dan hi ka lung a fiang chin lengmang. Thil man timi cu a cawtu nih caan caankhat ah zeizat dah a pek sian timi a si, tiah kan cawn cu mu. Minung pakhat i a caan, dawtnak, upatnak, zumhnak timi cu a lak in ngah tawn a si nain, a dih cang ko ahcun zeizat pek zong in kan cawk lai ti khawh a si lo cu ti?

A photo to break your reading
A photo to break your reading

Kan pawngkam ah dawtnak in thil a kan tuah piak tawnmi tete hmuh lo in kan um sual tawn. An tuah tawn caah an tuah ding ah kan ruah cangmi pawl zong tampi a um, take for granted, timi khi. Kei zong khuadang ah keimah te lawng ka va um hnu lawng hin ka nu nih a rak ka tuah piak tawnmi lungfian hram kaa thawk ve. Atu ah ka fiang dih cang ti nak a si lo, ka zoh cuahmah ve rih ko.

Kan pawngkam nih dawtnak in a kan tuahpiak mi hmuh kan i zuam deuh hna ah a ttha lo maw tiah. Kan nu le nih a kan tuah piakmi zong a si lai, kan pa le, kan pu le, kan u le, kan nau le, kan hawi le, kan tlangval le nungak le, kan nupi le va le, nih a kan tuahpiak mi zong a si lai. A lawmh zia, sunhlawih zia thiam deuh hna u sih law a ttha tuk lai ka ti.

mi padre y madre at christmas some years ago
mi padre y madre at christmas some years ago

A herh ning leng pi in fak len khi ka ti duhnak a si hrim lo, mah bantuk khi cu a nuam lei lo ti cu kan hngalh dih ko. Na ka tuahpiak mi kan hmuh, kan i lawm, man ngei ah kan chiah tuk, ti kan theihter mi hna te khi caan tampi ah cun a za ko.

Mi nih tuahpiak mi i lem ter i ninghngal tuk in kan um sual ahcun an huam ti lo tikah kan cei ko hnga. Na ka tuah piak tawnmi na tuah ti lo taza kan cuai lai ti zong a ngah lo cu mu. Lungfim bu tein a lor mi cu hruhnak hram fek deuh in bunh aa timmi an si ka ti.

Sapaw toh

(Scroll down for English)

Cawsa paw a uar bakmi ka hngalhmi cu kanu le kanu Holy nu an si. Kei cu ka uar theng lo nain ka sabuti kheng ah an um ahcun ka hrial lem lo. Ka khai viar ko hna. Tu zanlei cu zil, khayanchinti, piat, nannan, retei he ka toh i a thaw ngai sual i  ka rak post.

Lemon kha tam nawn surh, hmanphek thak nawn in tuah ahcun a thaw ngai.
Lemon kha tam nawn surh, hmanphek thak nawn in tuah ahcun a thaw ngai. Chiti tlawmpal te zong peih chih te.

Sa kha cu ka chumh ta hen ta. Kan bialak ah kanu nih nannan a erhmi kan piah hna lai mu. Ti toih pah cuahmah lio bak khin an tthang thluahmah i a zoh an nuamh ning cu.

Borte Nu Dum, kapa nih a tuah piakmi
Borte Nu Dum, kapa nih a tuah piakmi

Tukum summer zeidah nan cin cio?

(in English)

Hola Hola! Oh wait! That´s not English. Anyways, I was just talking about beef tripe salad up there. Beef tripe, according to wikipedia, refers to the first three chambers of a beef stomach. Before you ew, why don´t you try this recipe first, huh?

First, you cook the beef tripe for about 45 mins. Meanwhile you will chop cucumber, cherry tomatoes, shallot and coriander. Take out your tripe, cut them pretty and mix with everything. Cut a lemon and squeeze over the mixture. Add salt and chili, and enjoy your hot, salty and sour tripe salad.

If tripe is too intense for you, you can use normal meat.

(normal meat?.. you know what I mean)

Ok, See ya!

My current tea collection – Ka uarmi lakphak pawl

(Hmanthlak tangah Laica in ka ttial)

If you love tea, let´s be friends! Even if you don´t, let´s still be friends, yeah? 😉 I love trying out different kinds of tea and I´ve collected some of my favourites, so I thought I´d share.

#1 Citrus tea by Lipton

My new favourite
Tu lio ka duh bikmi- a rim a thaw tuk! Tep hrimhrim te u law.

Ok, this one smells like heaven, so refreshing and, I don´t know how to put it in words. You try this and we´ll talk.

#2 Mamma´s tea

Borte Nu reumi tea- zei bantuk a reu ka hngal lo
Borte Nu reumi tea- zei bantuk a reu ka hngal lo

The name? I make it up. My mom dry-fries (frying without oil) this and it tastes so good it´s almost empty. I´m not sure about the type of this tea this is and she can´t remember either. If you accidentally have bought tea that you don´t like, why don´t you give dry-frying a try?

#3 Green tea with ginseng

No nak a si an ti le ..hehehe
No nak a si an ti le ..hehehe

To be forever young is the plan, so green tea with ginseng, it is. 😉

#4 Rice Tea from Burma

Fathau rim te a nam mi kha - a thawwwwwww tuk! Kanu Zing nih Kawlram in a kan phorhmi - Takk, kanu Zing <3
Fathau rim te a nam mi kha – a thawwwwwww tuk! Kanu Zing nih Kawlram in a kan phorhmi – Takk, kanu Zing <3

This baby is sooooooooo good! Made with special rice that smells a hundred times nicer than your average rice. Special rice = glutinous rice.  Yes, you guessed it right, the writing on the package is in Burmese.

#5 Another one from Burma

Mah hi lakphakti dawr i an cuar tawnmi kha a si maw? Zeitin din a si ka hngal rih lo.
Mah hi lakphakti dawr i an cuar tawnmi kha a si maw? Zeitin din a si ka hngal rih lo.

The brand name basically means flying dragon, so I think you´ll become one if you drink enough of this ;).

# Pappa´s Lipton and other stuff

Borte Pa ta- kei cu ka uar lem lo
Borte Pa ta- kei cu ka uar lem lo

This one is my dad´s and the majority of tea bags in this pot are the classic Lipton ones that I´m not a big fan of.

The next tea that I´m going try is this one.

Anthor tea - ka tep bal rih lo
Anthor tea – ka tep bal rih lo

Spot it at a store in Sweden yesterday and I have no idea why I didn´t buy this. In traditional style, we drink this plant as soup, so it will be very interesting to try this one as tea.

Last one is my little sister, Thaku, which is one of my finest collection :P.

Ka hrai putu Thaku, hahahhahah <3 Ka nau hniang
Ka hrai putu Thaku, hahahhahah

Ok, see ya!

Chin Traditional Style Chicken Soup – Arsa Lai Chuan

(Written only in English because almost every Chin knows how to cook this one)

Ok, let’s just get right into it! First, we will cook our chicken with cold water, salt, chicken power and a handful of rice. You can also use vermicelli instead of rice. If you are using vermicelli, you don’t need to add them at this point. It takes only 3 minutes to cook vermicelli.

11416317_10155674529815263_5172849314008992398_o

Meanwhile, we’re going to prepare our carrots, celery and coriander, and also ginger and a clove of garlic. We peel everything that needs to be peeled, wash and cut. Then, we crush garlic and ginger in the mortar with pestle.

11430166_10155675363140263_8853751942928013703_o

Now, we are watching an episode of “ Modern Family´´. Trust me, this is part of the cooking process and I’m being very serious. The only alternative is to read your local newspaper. Otherwise, you chicken won´t be properly cooked.

After watching and reading and waiting and joking for about an hour, we will now add the carrots. When the carrots are cooked, we’ll add celery and coriander and that’s it.

11406134_10155675538250263_8587385975694940599_o

So, what do we do with the rest of the chicken? We’ve cooked a whole chicken after all. Traditionally, we fry some garlic and mix with the chicken, with a sprinkle of salt on top of everything.

Serve with rice or bread or noodle
Serve with rice or bread or noodle

This is the simplified version of the traditional style. A true blue Chin traditional style involves grilling the chicken on fire before cooking. Well, not really grilling, but only for a while to clean up all the leftover chicken-feathers, and to bring out a little bit of chicken oil, I guess. I don’t really remember the taste, but a lot of my homies say it tastes definitely better the traditional way.

Mah hi cu nan rel huam bal lai lo Part 2: Research Tuah Dan a Dotdot ah Telh a Herhmi Pawl

Elements of the Process of Social Research

(recap from last post)

Kan hnu ah research tuah tik i ruah chih ding thil tete, context tiah kan auhmi, kong ka rak ttial. Thilum ternak ah a tawinak in ka nolh lai.

Bryman nih context a sersiam tu thil 9 a khawmh hna. Cu hna cu theory, literature review (hmuh ciami pawl), theory le research an i pehtlaihnak kong kan hmuhdan, epistemological consideration (zeiti in dah research kan tuah a herh timi kong ah kan pomning), ontological consideration (vawlei le pawngkam sining kan hmuh dan), kan research nih aa tinhmi, research tuahnak ah sponsor ahodah a si timi le research tuahtu pumpak huam phun le felnak pawl an si.

Kristiansand
Kristiansand Biakinn

Tuchun cun research tuahdan a dotdot (process) ah tuah a herhmi thil pawl ka rak ttial lai. Ahmasa ah process pawl a tawinak in ka van ttial lai mu.

  1. Literature review
  2. Concepts and Theories
  3. Research Question
  4. Sampling Cases
  5. Data Collection
  6. Data Analysis
  7. Writing Up

A tawi khawh chungin hrilfiah kaa zuam lai mu. Na hngalh ciami kha cu lonh thluahmah ko hna.

1. Literature review

Kan topic kong ah midang nih research an rak tuah ciami pawl hlathlat kha a si. Thil pakhat hngalh kan duh tikah midang a kawl ciami an um maw, aho te dah an si, zeidah an rak hmuh, zeitin in dah an rak hmuh, an hmuhmi kongah biaalnak phunphai a um maw, zei bantuk theory le concept pawl he dah an rak pehtlaihter timi pawl kawl kha a chim duhmi a si. Mi hmuh cia cu kawl len a hau lo cu mu. Na tuah duhmi topic kongah midang tuah cia a tam tuk i na rel dih khawh lo hmanh ah tawhtlai cauk tal cu rel ah a ttha, a ti. Zeitin dah ka hngalh lai, kan ti hnga, internet le kan supervisor cio kan hman ko hna hnga.

  1. Concepts and theories

Na topic he aa pehtlaimi concepts pawl le theory pawl hngalh kha chim duhmi a si. Concept timi cu bureaucracy, social control, cultural capital, tbk. pawl khi an si. Cun theory cu theory si ko.

  1. Research Question (RQ)

Na tuah ding vialte ah lam an hruai tu a si lai tikah a biapi tuk. Na biahalnak a kauh tuk ahcun tlau a fawi tuk. Bi nawn tein a fiang taktakmi ngeih khawh ah a ttha. Research na tuah pah zong in thlen pah remh pah lengmang khawh a si.

  1. Sampling cases

Na kawlmi topic kong ah information/data pawl an pe khotu minung pawl kawl kha a chim duhmi a si. A biana ah Thailand ah a ummi kawlram ralzaam pawl kong hngalh duh u sih law, an zapi tein bia kan ruah kho hna lai lo cu mu. Minung zeimawzat kan thim a hau hnga. Zei bantuk minung dah biaruah ka duh, zeiruang ah dah mah bantuk theng cu ka duh ti mi kha hngalh a hau hnga.

  1. Data Collection

Data pawl khawmh a si cang ko. Mah kong hi kau ngai in a hnuah zoh tthan te dawh kan si. A tlangpi in, information khawmh dan cu, interview in, cun participant observation timi, an kong hngalh na duhmi pawl naih tein va zoh/lehla nak, tbk. pawl an si.

  1. Data Analysis

Na khawmhmi data pawl kha fingrilh in rilh bantuk khi a si kan ti ko lai. A herh lomi hlonh a herhmi khawmh, an i pehtlaihnak kawl, tibantuk pawl khi a si ko.

  1. Writing Up (Paper, thesis ttial)

A cung lei pawl kha na tuah dih in cun ttial ding naa ready cang tinak a si hnga. Ttial tikah aa tel tawnmi cu a tanglei bantuk in an si lai.

  1. Introduction (zeidah na kawlmi a si, tc. RQ)
  2. Literature Review (mi nih an rak hmuh ciami)
  3. Research Methods (na kawlmi zeitin dah na kawl)
  4. Findings (zeidah na hmuhmi an si)
  5. Discussion (theory le concepts pawl he RQ he na pehtlaih ter lai)
  6. Conclusion (na research a biapitnak, a sullam ngeihnak)

Tuchun ka ttialmi zong hi Bryman cauk Chapter 1 ta a si rih ko. A ra laimi cu Chapter 2 in a si cang lai.

Research kong kan ceih i Malaysia kaa thei.
Research kong kan ceih i Malaysia kaa thei.

Bia sullam

Concept – ruahnak (Chin-Dictionary.com)

Theory – ruahnak in fianternak (Chin-Dictionary.com)

(an explanation of observed regularities)

Collection – khawmhmi

Analysis – Ttha tein zoh cikcek (Chin-Dictionary.com)

Chin Traditional Style Fish Head Soup

(Lai holh in ka ttial ti lai lo, thiam cia dihmi a si i)

Ever tried eating fish head? There’s not much to eat from a fish head actually. But fish head soup, you’re gonna love it. You just have to clean it properly, meaning, getting rid of the gills. Mind you, this is not as easy as it sounds. Let the strongest person in the family do the job.

This is the one that we will be trying
This is the one that we will be trying

Big and meaty fish head are ideal for soup and I have tried with rohu and salmon. We have salmon in Norway, but rohu fish come all the way from Burma to Sweden, and we drove all the way to Sweden to get them.

Ok, now that our fish head is clean, we will just cook them with cold water and salt in medium-high heat, and that would be the first step of cooking in a Chin traditional style.

But, what is Chin, you’d ask. Chin is the name of one of the ethnic groups in Burma (Myanmar), and I am a proud Chin. We are from the Northern hilly part of Burma, and are one of those very patriotic peoples. We are best known for our honesty and authenticity, and unpunctuality haha. I don’t know if unpunctuality is even a word, but you know what I mean. Anyways, enough with history lecture, let’s get back to cooking.

Do you know what roselle plant is?It’s a species of hibiscus and people make hibiscus tea from that plant.

Dried roselle leaves
Dried roselle leaves

Other than the dired version, I don’t have a picture of it, so please google it if you´re interested. Dried or not dried, roselle is going to be our main ingredient. Add this into the soup when the fish are cooked.

How many types of eggplant have you tried? We are going to use green pea eggplant. I am using a dried version because my mom has those little guys. Crack them using mortar and pestle and it will bring out the flavour better.

Green pea eggplant
Green pea eggplant

Yet another foreign plant for our fish soup is called acacia and it looks like this.

I´m Asian and I eat weird stuffs and that makes me very happy :-)
I´m Asian and I eat weird stuffs and that makes me very happy 🙂

If you like durian fruit, there’s a chance you might like acacia. How do I put it? Acacia smells like fart, an angry fart :-/. It takes a little bit of getting used to. Skip it or try it, your choice.

This explains everything
This explains pretty much everything

Crack 2 cloves of garlic and add along with acacia leaves and enjoy your soup.

Mah hi cu nan rel huam bal lai lo Part 1: Research tuah tikah ruahchih a haumi thil pawl

(Context of Social Research Methods)

Laiholh in ka hman lem lo ding biafang pawl fianhnak

Context –          Pawngkam thil zohchih a haumi pawl

Research –        Dothlatnak, hlathlainak

Method –           Dan, Tuah dan

Theory –            Ruahnak in fianternak

Topic –                Konglam

Impact-              (A leh dan ka thiam lo)

Influence-          (Ka let thiam tthiam lo)

Hypothesis-       A phi a chuak bak lai tiah ruahdomhmi

 

Research pakhat tuah tik poah ah ruahchih lengmang a haumi pawngkam thil pawl an um tawn. Kha bantuk pawngkam thil pawl nih khan context timi cu a sersiam, i cu context chung ah cun kan research cu tuah a si. Cu ruahding pawngkam thil tampi lakah Alan Bryman nih a tanglei thil pa 9 hi ka rak khawmh.

Hi thil pawl nih hin, zei bantuk kong dah hlathlai ding ah naa thim i zeitin in dah hlathlat naa timh i, cun, na hmuhmi pawl zeitin dah na lung a fian timi pawl hna ah influence a tuah tawn, ti a si.

My new office
My new office

1. Na topic aa pehtlaimi theory pawl:

Tc. mobile phone sms kuat nak nih minung kan i hawikomhnak ah zeitin bantuk impact dah a ngeih ti hlathlai na timh tikah technology tthanchonak le hmannak le a impact pawl kong he aa pehtlaimi theory pawl zoh chih na duh ko hnga.

2. Na topic kongah nangmah hlan i midang nih an rak hlathlai i an hmuh ciami pawl hngalh zong hi a biapi. Literature review timi kha a si i abiapi mi cu mi nih kawlcia, hmuh cia mi kawl tthan sual lo nak hnga caah a si.

3. Theory le na research na pehtlaih ter hna dan:

Pehtlaih dan a tlangpi in phun 2 in tthen u sih law hiti hin kan fianh hnik lai:

a)Theory le hypothesis kha a hman maw hman lo tiah research tuahnak in in hneksak (theory a um hmasa)

b) Research tuahnak i hmuhmi in theory ser (theory a um cia lo)

4.

Hlathlainak hi zeitin dah tuah phung a si tiah na pom dan: Epistemological consideration timi kha a si i lungfian deuhnak ah zohdan phun 2 in ka ttial lai.

a) Micheu nih ´scientific approach/model´ hman in hlathlai hi aa remtlak an ti i an ruahdomhmi hypothesis pawl ah tahfung fiang tein an khiahmi in an tah i an tuak. (Bio lab i experiment tuahmi phun a lo mi khi)

b) A cheu nih cun minung, mibu le zatlang nun kong ah scientific approach hi hman ah aa rem lo an ti. Tahfung ser khawh a si lo an ti.

5.

Mah hi cu ontological consideration an ti i, zeiti rengreng in dah vawlei sining le minung, mibu sining hi kan lung a fian ti kha a tuakmi cu a si. Fianh deuh u sih law ruahnak phun 2 ttial hna u sih mu.

a) Vawlei/Minung/ Mibu sining (social world/social phenomena) cu amah tein a um ciami a si. A sining he aa tlak ning in minung hi kan um timi ruahnak

b) Social world/society tham cu minung nih kan ser pah cuahmah mi a si timi ruahnak

Atu ka ttialmi hi mah cauk i Chapter 1 ta a si
Atu ka ttialmi hi mah cauk i Chapter 1 ta a si

6. Na research chung i aa telmi mibu i an manngeihnak (value):

Ethical issue (ziaza le lungput lei he aa pehtlaimi) kong tampi tuak a hau, a biana ah na research caah bia na halmi pawl hna, na hlathlai mi pawl hna nih aho na si i zei na tuah ti an hngal maw, anmah kong ttialnak caah ho nih dah nawl an pek, ti pawl kong khi. Cun, na research ah ngakchia an i tel ahcun an nu le an pa nih an theihpi maw theih pi lo, tbk.

7.

Na research nih zeidah aa tinh? Cozah policy aa thlennak ah maw, mipi hngalhnak karhter duh ah dah? Hi pawl zong nih hin na research tuahmi le tuah dan cungah impact a ngei kho.

8.

Political context timi, a fawi deuhnak in chim ahcun, na research tuahnak ah aho nih dah bawmhnak an pek timi zong nih na research tuahmi, tuahdan le hmuhmi cungah impact a ngei kho ngai. A biana ah cozah nih na research caah phaisa in bawm sehlaw cozah chiatnak na hmuh len tikah na ttial lai maw ttial lai lo timi pawl khi.

9.

Research tuahtu pumpak manngeihnak, felnak le huammi nih kan tuahmi research zeidah a si, zeitin dah kan tuah timi a influence ngai ti a si. A biana ah, kapa hi Malaysia in a rami ralzaam a si caah Malaysia Laimi ralzaam kong tuah ka lung a tho ko hnga. A biapi mi cu, kau deuhpi in hmuh khawh i zuam kha research nih a tinhmi cu a si. A biana ah ralzaam timi nih zei bantuk pawl dah a chuah pi, ti mi kau deuh tein na kawl ahcun vawlei caah a tthathnemmi theihhngalhnak tam deuh a chuak kho hnga.

My new office
Staring at the black screen so I could pretend I didn´t know somebody took picture of me. 😛

Bia pehpar (na huam lo cun rel duh hlah)

Number 8 nak kong he aa pehtlaimi pakhat te a rel huammi caah:

University i a ttuanmi researcher pa pakhat kha cozah ta a si lo mi sizung pakhat nih research tuah dingah an hlan, research a tuah lio ahkhan mah sizung i ziaza ttha lo in an tuahmi thil pawl kha a hmuh len ti a si.

Report cu pek lengmang a si tikah sizung nih khan a hmuhmi kha a publish ding an duh ti lo. A tuah tanttim ah an phuah i a hmuh ciami vialte zong kha a zungkhan in an lak piak dih ti a si. Mah researcher pa a ttuannak university kha mah sizung nih khan phaisa a va bawmh tawnmi a si rua. Mah tikah mah univerisity zong nih cun an university i zungkhan i a thil an lak zong ahcun zeihmanh kan kham lo pinah, ka hmahthah dan a hman rih ahcun, rian in an phuah ti a si.

Mah kong kha micheu khat nih an rak hngalh, an hlathlai i mah kha paper an chuah, university nih an kilven ding an kilven lomi kong kha an soinak a si, mah paper cu ka rel ka ti mi cu a si.

A paper min fiang set in ka hngal ti lo i sorry bak mu, “ The good, the bad and the ugly : the role of universities in …, zeidik a si, ka philh i atu ka google len i ka hmu kho ti lo)

Research Tuah Dan A Ttialmi Cauk Ttha Pakhat

Research – dothlatnak , hlathlainak (?) –Lai hlolh in zeitin kan auh lai tiah kan lung a tlinmi a um cang maw?

Uni kum khatnak kan kai lioah ca a kan relter mi a rak tam tuk i caan ngeih set lo ruangah le, hman tein chim ahcun, thathut pah ruangah, kan cacawn hawi pawl he rel ding kan i tthen hna. Kan relmi cio kha textbook holh in si loin lungfian a fawi ngaimi holh in kan lungpian dan cio in kan ttial i kan i hrawm hna. A biana ah article pakhat cahmai 40 a ummi kha cahmai 6 ti phun ah aa fun ahcun a rel a nuam deuh ngai.

Mah bantuk a lo ngaimi tuah kaa tim. Ka van fianh lai.

Atu tthal chung ahhin cauk rit/har (non-fiction) rel ka timhmi ah Alan Bryman ttialmi, Social Research Methods, timi aa tel. Bachelor thesis caah tlawnpal ka rak rel bal i a ttial dan kaa ziak ngai ruang ah rel ka duh chap bia a si. Social science he aa pehtlaimi dothlatnak (research) tuah dan ttialmi cauk a si.

Amazon ah 67 USD hrawng a si, ka caw rih lo, ka u Biakku ta kaa hlan.
Amazon ah 67 USD hrawng a si, ka caw rih lo, ka u Biakku cauk kaa hlan.

Social science ah thesis a tuah ding siangngakchia caah a ttha khun.

Ka rel lai i ka rel nak tete ka lung fian ningin Laica in ka ttial lai ka ti. Ca in ka ttial ahcun kaa hmahthah dan a tthat deuh pinah ka lung a buai tthan tikah ka zoh tthan khawh ka ti.

Tial ko vevek ahcun a herh teding pawl ka hrawmh hna ah a ttha ko lo maw ka ti caah blog ah post kaa tim. Keimah pumpak bak ca lawng si ti lo i, a relmi an um kho men, ti kan ruah ahcun kan daithlang lo deuh ngai cio cu mu.

Hi bantuk ca har pawl ttialnak ah ka Laica thiammi nih siseh ka chung i a um ciami cawnnak nih siseh a tlinh naisai lai lo tiah ka chim cia. Atu hi cu siangngakchia pakhat i note a si lai caah, na cattial dan le na biahman ning naa ralring lo tuk, nan ka ti te men ko lai. Nain, biafang hman dan tuak tuk i har nawn tein phuah len ahcun mirang ca le Norway ca in rel bantuk in a har tthiam ko lai hen cu ti?

Cauk a har pahmi rel dan: cake le lakphak te hen rel ahcun aa rel deuh ngai.
Cauk a har pahmi rel dan: cake le lakphak te he rel ahcun aa rel deuh ngai.

A donghnak ah chim ka duhmi cu mah cauk hi index he zei he cun cahmai 766 a um, chapter 29 a um i a zapi ka rel bal lai lo dah. Ka huamnak ka rel mi tete tu ka rak ttial ve lai mu. A huammi nih rak rel tawn te uh law tiah.

Holh le Ca (Essay)

Tuak hmanh u law, kannih miphun hi kanmah holh tein zeitik hmanhah ca kan cawng bal lo. Kawlram kan um ah kawl ca le mirang ca, ramdang kan um ah ramdang ca. Mah hi a tthatnak a tampi bantuk in a harnak zong tampi a um ka ti. A ttha ka ti nak cu holh a tlawmbik pa 2 kan thiam caah kaa uang, a har ka ti nak cu, fimthiamnak pakhat khat cawnnak ah midang holh kan hman a hauh caah hawi nakin kan i zuam deuh a hau peng.

Norway ka phanh kum 2 hmanh a tlin hlan ah sianginn ah cawn lo a ngah lo caah Spanish ka cawng, mah Spanish cawnnak caah Norway holh hman a hau. Norway holh hmanh ka thiam set rih lo i a har taktak. Mirang ca cawn chap a van si i lung zong a fim lo. Inn ah Lai holh hman rih mu, cun innpa he kawlholh in i chawnh rih khi. Buai bak ko. Ramdang a ummi Lai siangngakchia cu mah bantuk phunphai cu kan si dih cio ko. Kawlram a ummi siangngakchia zong, a tlawm bik Kawl holh le mirang holh cu cawn a va si i Laiholh he cu holh phun 3 peng aa hmang tthiam ko.

cropped-img_6871.jpg

Ttha ve ko, hei ti ko u sih. A tthatnak a tam tuk khe cuh. Voi khat vanlawng cung ah an chiahmi Times megazine pakhat ah holh phun khat leng a hmangmi ngakchia an thluak hman dan a tthat deuh ning kong an ttial i zeitik a chuakmi a si ka hngalh ti lo caah fiang in ka chim kho ti lo. Chim duhmi cu thluak caah a ttha, ti kha a va si ko i a tthatnak cu mah vial si rih seh.

Ca rel ding a tam i an ttial dan a har tuk tikah mi holh in ca a cawngmi kannih pawl caah cun ngeihlah tuk ding khin a um. Norway ah cun University zong hi Norway holh in kai a si cu mu. Bachelor tiang hrim cu Mirang ca in a ummi a tlawm tuk. Relter mi cauk zong hi a tam deuh major caah cun Norwegian in a si ko. Norway mifim pawl hi caleh le cattial an tthawng tuk i mi an tlawm tuk nain anmah holh in rel ding cauk a tam ngai. Anmah holh in cacawn a si tikah anmah caah cun sianghleirun kai cu ttih a nung lo tuk cu. Holh a thiam lomi mi tampi caah cun holh te hi a kan khamtu bik a si ko. A ruang cu sianghleirun i hman cangmi academic holh khi cu a har ngai bak ko. Har nawn te khin an ttial ve cuh.

Mah hmanthlak cu aa tlak ngai sual
Mah hmanthlak cu aa tlak ngai sual * Kristiansand ta a si. 

Kaa ngaih tukmi cu kan miphun mifim le mi zawnruat pawl nih cauk tthattha tampi an leh te, an ttial te tik i, kanmah holh tein vawlei cung minthang cauk pawl tampi rel ding a um ve tik caan khi a si. A zeiti maw tal cio in i zuam cio hna u sih, tha i pe hna u sih, thla cam hna u sihlaw Pathian nih kan i zuamnak a kan karh piak lai rang piin a si kho ko lai tiah ka ruah. A miak i ruahchan lo te bak in cauk chuahnak ah mi phaisa a chuah piak mi Laimi zeimawzat an um cang. Ka uar tuk hna, ka upat tuk fawn hna. Mah bantuk Laimi cu thluachuah tampi hmu hna seh!

Carel hi cu fimnak kawlnak caah bawmtu ttha tuk a si caah carel huam hi a sunghnak a um bak lo tiah ka ruah. Kan zuam theng lo zong ah a caan caan ah i hnek pah in, i suai ter pah ko hna u sih mu. A thawtnam theih hlan te lawng khi a har i si ko. theih hnu cun ei chin lengmang, rel chin lengmang kan duh ko lai ti bia.

#14 Hello Joe!

Carel huam sii um sehlaw kaa chun bak lai a ti mi ka ton pah lengmang hna. Ka ruahnak ah cun, theih kan duhmi, hngalh kan duhmi kong cio tete le kan huam phun cio tete in rel kan i thawk ahcun kan carel huamnak a hram aa bunh lai tiah ka ruah ko. Nungak tlangval kong lawng na rel i zeihmanh a tthathnem lo, asiloah, fashion kong ca rel cu ca rel zong a si lo e, taaing wutthuh (taluk kongfu khi) rel cu zei naa tuah nak lai, ti phun khi kei cu ka uar lo ngai. Adang a chuahpi mi thil ttha cu chim ti loin, carel a kan huam ter thaimi le carel a kan fawih ter deuhmi te lawng hmanh nih khin carel huam si chunh hau lo ah a kan tuah cang cu mu.

Cauk a phunphun pawl khi meh hei si hna sehlaw mu; kan duhmi meh cu voi tam deuh pi zong kan ei ko lai. Nain kan vuai caan a um ve lai i kan vuai caan ah adang meh kan ei ko lai cu mu. Cun kan duh tik ah kan duhmi meh te kan rak ei tthan kho ko cu ti? Ka chim duhnak nan lung a fian lo i meh kong ka chim ruangah nan rawl tu kan ttam ter hna ahcun ka ngaithiam uh.

Mangttha uh!