Pia Khat Hmanh Dih Loin Spa ah Kal Na Duh Maw?

Ninga ni kan phan i spa kong ttial hna sih! Spa hi a man a fak bak cu mu. Asia ah cun a man a fawi deuh ngai, nain mi nih ka ke an tongh lai khi an hmai ka khap hna lo, ka thlingza fawn. Mah bantuk ah phaisa hman ding ka ngeih lo pinah ka siang fawn lo. Inn ah a fawinak in keimah tein kaa tuah. A nuam tuk i ke zong a dam tuk, dir butin saupi rian a ttuan i a kedil a hak dihmi le a kak dihmi caah a ttha tuk tiah ka ruah. Ziak le ziak lo cu test cio si te seh.

Tilum le baltin le thadam tein tthutnak tthutden na ngeih ahcun atawinak in cun a dih ko.

10458890_10155534372630263_1954839561368746874_n

A hlan deuh ka huam tuk lio ahcun olive chiti le retei le sea salt ti pawl hna tilum ah ka cawh chih hna nain a thianh a har tuk i ka huam ti lo. Tilum te lawng a si loah tikholhnak chaphiat hang tlawmpal te a rim hmui nak hnga ka cawh i si ko. Huam ahcun retei cawh chih in ketin pawl thiang tein tteih khawh zong a si.

Tthutnak caah cun Dora tthutdent kaa hlan, kan tikholhnak khaan a ngan tuk lo caah amah tthutdent aa tlum bak si.

11014706_10155389510585263_4585379645631185515_n

Spa lo deuh seh, fancy deuh seh ka ti i phazawngdaing ka van, lakphak lum te kaa hunh, ka ke ka ciah pahin movie ka zoh pah. Pangpar hna ngeih ahcun pangpar tete peih chih ahcun spa taktak a lo deuh ngai lai.

11079360_10155534373375263_1070116403709701164_o

A thimi ke vun cell pawl an van nem in kedil thianhnak in thianh, ketin pawl riam, a thurmi pawl chuah dih in tilum a dang thlen in huam tiang ciah tthan ahcun a nuam taktak cang. Thahri ca zongah a ttha hrimhrim lai ka ti, ttha tein ka rak kawl te lai, a tthatnak.

Flo he kan rak huam tuk lio ahcun, abikin khuasik tikah, kan ke kan ciah dih in kedil cream (silole) body cream kha kan kedil ah kan thuh, hmawca in kan i ciah i suimilam cheu hrawngah cun kan ke a dam dih ko.

borte temporary 441

Hawi le nih tlawn tik zongah tuah tti dingah a ttha ngai, nikum summer ah khan Egersund in kapa Van Lian Ceu pa te chung a kan tlawng i palangkheng nganpi ah kan zapi kan ke kan ciah hna i a nuam taktak. Kan zapi kan i kulh i capo kan i chim pah hna. Bawhkeuh Paul hmanh aa nuam tuk i aa hlok len. Family ca he, ngakchia ca he upa ca he a nuam. A fimtawl tu si tu cu a nuam lo tak. Nain i ton caan i mah le mobile phone cio tuai nak in cun a phu deuh ko ka ti.

Leave a Reply

Your email address will not be published. Required fields are marked *