Ngapih-Tomato-Hmanphek

Minung tampi hi eidin dawr kan kal ah cawk pengmi kan ngei cio rua ka ti. Ka theihmi vial ah kanu hi Asian dawr a kal poah ah tuai a caw peng, kapa dawr a kal poah ah garlic bread a caw, Flo hi American mix timi khi a caw peng, Kipte pølse (hotdog) a caw peng. Kei dawr ka kal poah ah retei (lemon) le khayanchinti (tomato) ka caw peng. Khi bantuk a hmang ve mi nan um maw dik?

Tuchun cu khayanchinti-ngapih-hmanphek phomhmi ttial ka duh.

11146638_10155531187445263_2765965751872865161_o

Khayanchinti phomh hi ram phunphun nih a phunphun in an tuah cio rua ka ti, kawl phomh dan, Indonesia phomh dan , Mexican phomh dan pawl ka ei bal hna i adang phomh dan zong a um ko lai tiah ka ruah. Ngapih he phomh dan hi Karen ka hawi nu nih a rak ka chimh, nain a har deuh ka ti ruangah a fawi deuhin ka rak phomh.

Herhmi

Khayanchinti a hme tete (Cherry Tomato)

Ngapih tlawmpal te

Hmanphek reumi

Khachuan rang tlawmpal te

Arsa/Voksa Dip

Cherry tomato kha oven tangah ka rawh, minute 20 hrawng a rau. Ngapih rawh kha ka ngamh lo caah ngapih hring a tlawmte , hmanphek , voksa dip le khayanchinti rawhmi kha sum ah ka rial hna. A thormi tam deuh duh ahcun retei tlawmpal surh khawh a si ko.

11045433_10155531203250263_8681333861016716767_n

Ann hring pawl nok i ei awk ah a thaw ngai i annhrang ei a fel lo mi caah aa tlak khun tiah ka ruah.

11261211_10155531199345263_626452687174119945_o

Leave a Reply

Your email address will not be published. Required fields are marked *