Paris i Len Lo Sual Dingah a Pam Tuk Ka Timi

Khualtlawn a huam bakmi nih cun Paris hi cu kan nun chungah voi khat tal tlawn dingah kan i tim cio lai. Khualtlawn a huam lo mi ca hmahah zoh huam ding a tam tuk ka ti.

Pont des Arts
Pont des Arts

Ka rak kal lio hi January bakah a si i pangpar phunphai pakhat hmanh an um lo nain ka uar ngai tthiam ko. Europe ah khualtlawn ahcun atu bantuk caan spring le tthal ah tlawn ah a ttha cu mu. Pangpar le thingkung pawl an rak chuah caah.

Arc de Triomphe
Arc de Triomphe

Perth i a ummi ka nau Hannah kha snow a hmuh bal lo i khuasik lio bak ah Europe a rak ra. Khuasik ah cun snow le thli thiang ti dah lo cun Norway ah zei pipa a um lo cu mu. Paris kan kal hlan deuh ahkhan crusade kan kai i biakinn lawngte ah kan riah caah khoika dah zoh kan duh ti hmanh kan ruat manh lo. Lungfim huaha lo in Paris kan phan.

borte temporary 600

Kan va lenmi vialte lakah timh lo buin kan va luhmi Musee du Louvre nih ka lung a ka ton bik. A tawi nakin chim ahcun Mona Lisa paci an chiahnak museum kha a si. Vawlei cungah an len bikmi museum a si i 2012 ah khan mileng 9.7 million an ra ti a si.1793 ah paci (painting) 537 hrawng in an rak onmi a si i atu ahcun mah museum nih thilri khonmi 380000 (sing thum le thong sawm riat) hrawng a ngei i 35000 (thong sawm thum le thong nga) hrawng hi mipi zoh ding ah chiahmi an si.

Hi, Mona Lisa!  @ Musee du Louvre
Hi, Mona Lisa! @ Musee du Louvre

Artwork pawl hi collection phun 8 in an tthen. Suaimi paci lawng si lo in tlak in sermi le hmanthlak mi ti phun zong khi an um. Napoleon nih tampi a rak chap i Napoleon Museum ti zong in an rak auh ti a si. Tam tuk cu chim ti duh hlah ning. Kan hrawh piak dih sual hna lai.

Laday Gaga @Musee du Louvre
Lady Gaga @Musee du Louvre

Louvre Palace ah mah museum hi an chiah. Mah palace phak in metal in sermi pyramid pa thum hmuh ah khan cun a luhnak a si cang ko. Luh man hi 12-16 Euro a si. Paris i ka hmanmi phaisa vialte lakah a phu bik a si tiah ka ruah. Zanlei nawn ah kan phan i kan vuai lo tuk buin kan ttin. Paci (Painting) hi ttha tein a zoh thiam mi ka si lo, zei bantuk suainak si an hman i zeitin dah rong pawl an cawh heiti le contrast le zei le pawl khi a lung a fiang tukmi ka si lo. A theimi caah cun a man a um chinchin hnga. Keimah hmanh nih kan luh i paci a ngan pipi ka hmuh ah ka ni lai maw ka ttap lai maw ti hngal lo tiang khin ka um, an mak tuk! Kal hrimhrim ding bak a si ka ti.

Aw, nihnih ni ah an ong lo.

Notre Dame Biakinn.  Alu tlaumi khi nan ttih cio ma?
Notre Dame Biakinn. Alu aa putmi khi nan ttih cio maw?

Eiffel Tower kha cu chim hau lo, kan phak thaizing ah kan va kai colh, kan ke in. Lift in kainak a um nain minung an tam tuk i kan hngak zuam lo. Hleihlak (steps)cu a tam ngai i kan ttum lei cu kan khup a ther dih. Nain, atu hin kal ning law ke tthiam in kai kaa thim ko lai, hmuh khawhmi a tam deuh. Cun, Eiffel tower hi zaan ah zoh hrimhrim ding a si tiah ka ruah, aa dawh deuh.

borte temporary 583

Ka hmanthlak pawl hi nan lung a tlin lo ahcun sual kan phaw hna lo. Ka USB ka kawlnak zarh 2 a si cang. Mah ka ah Paris hmanthlak pawl a um, atu ta pawl hi cu a ttilttawt tete an si. Ka USB a umnak a hngalmi nan um maw ti bak khi ka lung chuak.

Ok, a relmi nan cungah kaa lawm. Merci beaucoup! <3

Leave a Reply

Your email address will not be published. Required fields are marked *