Pathian nih Nikum ah a Rak Ka Kuatmi Hla

2014 January, Stabekk (Norway) ah Saya Tial Lian Thang nih crusade a tuah lio ah Pathian dawtnak ka rak thei. Keimah ca hi kan khrihfabu zong, ka chung le zong an lungre a rak theih pahmi a si. A ruang cu mi lungkhong te ka si pinah hngalh ka duhmi biahalnak an ka leh khawh lo ahcun fawi tein mi a zum i chimmi a lak kho phun ka si lo. 2013 lio khan kan khua bakbak ah Saya Tial Lian Thang a rak ra ko nain, ka rem lo, ka ti i Kristiansand ah ka rak kal tak diam cuh.Mah bantuk minung khi ka rak si. Pathian bia a kan chimh cuahmah lio zongah a lungthin a keh a har bikah kaa tel ve. Thla an rak ka campiak tuk ning hi, atu ka ruahah kaa lawmh tukah ka ttah hna a chuak.

Mit dinhter nak ah: Sianginn thawkka UiA Inntual, 2014
Mit dinhter nak ah: Sianginn thawkka UiA Inntual, 2014

Ka ngakchiat tein dawtnak ngan pi he a ka cawnpiak lengmangmi Pathian rianttuantu vialte thawngin le ka chungkhar le Khrihfa Bu nih thla zaza an ka campiaknak thawngin, Thiang Thlarau nih Pathian dawtnak a rak ka theihter mi khi a si. Ka rak i timh cia ning in mah kum kumthar kha Paris ah rak hmang ning law ka rak i miak lo tuk hnga. Kanu nih crusade ah kawl ralkap aanaa bantuk bak hmangin a rak ka dawhmi a si. Kanu, kaa lawm tuk, na mak peng ko nain mah na tuahmi ah hin na mak khun! Na rian tam tuk na lim. Happy Mothers´ Day! <3 (Kapa, nang cu hnu ah)

Ka u Henry nih hmanthlak ruahah design a thoh ter chihmi
Ka u Henry nih hmanthlak ruahah design a thoh ter chihmi

Kan bia van peh u sih law, Bawipa, na sinah ka rak ttin cang lai, ka ti ko nain ka rak ttih pah ziar. Zeitin dah ka um lai ti ka hngal lo. Crusade huham ruangah ti khin an um le si ko cuh, zei can dah an khan te lai kan zoh tuah lai,  a timi  pawl zong cu a um cu mu. Bawipa, nangmah ngaingai nih na ka hruai lo cun ka mualpho ko lai hih, tiah Pathian cu ka thli tein ka chimh.

Mah cu Pathian nih zeitin dik a rak tuah: mah lio crusade i Pathian thlarau nih a um pi mi hna chungin minung pahnih bak nih thla kan cam hna lio ah an ka kuh i “ thinphan ding um lo, amah nih an hruai ko lai, ´´ an ka ti bak ko hih. Inncung ah minung pakhat nih ti cun voi khat a ka ti, inn tang thla kan cam lio zongah adang pakhat nih mah ti cun a ka ti rih. Thlacam ka cahmi zong a si lo i ka lau ngai. Pathian a mak hi ta ka ti.

Mah khan cun ka ral a ttha deuh cang. Pathian ka chimhmi cu, “Bawipa, mithar ka si, nangmah he kal zeitin dah a si ti ka hngal lo, nain keimah sining tein ka ra lai, palhnak ka tuah sual tik zong ah na sinah kaa benh peng ko lai,´´ ka ti. Mah lio ahkhan cun sual lo tein ka um bak a hau tiah ka rak ruah, na ka tthawl zong ah kaa benh chih ko lai, ti phun khi ka rak si.

Na mit dinhter ta!
Na mit dinhter ta!

2014 January thla lai hrawng khan Norway ka hawi nu he kan bachelor thesis caah field work tuah dingin Malaysia ah kan va kal. Uni kan kai ka tein kan i ttuai pengmi a si i ka zia a ka theih tuk tikah kaa thlen dan khi a khuaruah a har tuk. A hlan kan nun tawn ning le kan khuaruah tawn ningah amah te lawng ka kal takmi khi a lo i ka lung a ttha pah lo nain zeizong vialte khi Jesuh he tahchun in cun a phu lo deuh tuk ti tiang tal cu ka lung a rak fim ko.

Malay ah hin ralzam dirhmun zongin thla 8 chung ka um bal, cun, tourist zong in zarh 3 chung ka rak kal bal. Nain, nai ka kal tlukin ka hmuhmi harnak cungah thuk tuk in ka lung a fah a um bal lo. Ralzam in kan rak um lio zongah cu ti pi in a har tiah ka rak ruat lem lo.

Jalan Imbi
Jalan Imbi

Chun nithlak rian a ttuan i RM 50 lawng an hmuh ruangah ka lung a fak.Operasi an lut lai ti bia vakvai an theih i an lau ruangah ka lungfak. Thlalangawng a um lomi khan fa te ah minung tampi an ih i an khua a linh ruangah ka lung fak, fikfa nih a seh hna ruang zongah ka lungfak.

An zawt ko zongah rian dinh a sianh hna lo ruangah ka lungfak. An zawttikah doctor sin kalnak phaisa an ngeih lo ruangah ka lungfak. Nungak tlangval no, a lung a fim komi, an lungfim buin an phaisa an chuh hna ruangah ka lungfak. Zeihmanh an leh khawh hna lo ruangah ka lungfak. Minung pahnih an si zongah nu an si ahcun taxi an hlan ngam lo ruang zong ah ka lungfak.

Zu nih a teimi hna mino ttha ttha ka hmuh ah ka lungfak.

Rian kal aa thawh nakin a rak ttin ti lomi thawng ka theih tikah ka lungfak, palik sinah an report zongah zeihmanh an tuah lo ruangah ka lungfak.

borte temporary 1028

Mah bantuk in an um nain a nun a siang tukmi ka hmuh hnaah ka upat tuk hna.

Mah lakah a awlzaang (comfortable) tukmi nunnak ah Pathian nih a kan nunter mi zong kan rak um ti ka tuak ah ka lau. Zeidah ka rak tuah hlei i ka nun hi a fawi deuh ti ka tuak ah a um fawn lo. Mah tikah ka lawm lai maw, zeitin ka um lai ti zong ka hngal lo. UN hmurka kum 7 chung ka hngak cang a timi ka miphun hawi ka hmuh hna ah ka thin a fak tuk.

Ampang, KL, Malaysia
Ampang, KL, Malaysia

Pathian cungah ka lung a tling pah lo, ziah amah caah zeihmanh a har lomi ti hin a um ter hna, ka ti i thlacam kaa timh zongah zeidah ka chim lai ti ka hngal lo, a ungmi bantuk khin ka um. Hman tein ka ruahmi le ka chim ngam fawn lo, a thin hung lai ti ka phang. Jalan Ipoh ah ka nau nu ka riak i zaan khuadei kaa hngilh lo. A thli tein ka ttap. Bawipa, a fair lo tuk, ka ti. Zinglei 4 hrawng ah ka tho i ka pc ka on i ka lungsi lo nak vialte ka ttial.

Ka zainak ka ttialmi cu ka nau nu mail in ka hei kuat. Tampi zong ka chimh.

Cu zaanlei ah ka biahal mi vialte a ka let tu, ka khuaruahdan a ka thleng dihtu le ka nun hnawh chan a ka hngalh tertu hla fungkhat ka nau nih a rak ka kuat.

“Do Something”

(Matthew West)

I woke up this morning

Saw a world full of trouble now

Thought, how’d we ever get so far down

How’s it ever gonna turn around

So I turned my eyes to Heaven

I thought, “God, why don’t You do something?”

Well, I just couldn’t bear the thought of

People living in poverty

Children sold into slavery

The thought disgusted me

So, I shook my fist at Heaven

Said, “God, why don’t You do something?”

HE SAID, “I DID, I CREATED YOU”

If not us, then who

If not me and you

Right now, it’s time for us to do something

If not now, then when

Will we see an end

To all this pain

It’s not enough to do nothing

It’s time for us to do something

I’m so tired of talking

About how we are God’s hands and feet

But it’s easier to say than to be

Live like angels of apathy who tell ourselves

It’s alright, “somebody else will do something”

Well, I don’t know about you

But I’m sick and tired of life with no desire

I don’t want a flame, I want a fire

I wanna be the one who stands up and says,

“I’m gonna do something”

We are the salt of the earth

We are a city on a hill (shine shine, shine shine)

But we’re never gonna change the world

By standing still

No we won’t stand still.

Mit dinhnak
Putra Jaya pangpar: mit dinhter nakah

Bawipa nih vawlei ah a kan chiahhnawh chan pakhat cu kanmah le kanmah i dawt le i bawmh kan thiamnak hnga caah a si tiah an chim tawnmi hi ka zumh. Pathian nih a awlzaangmi nunnak ah a ka nuntermi thluachuah hi mihrawmh thiam ka duh tuk ve. Pathian nih a ka pekmi luatnak hi ttemttawnnak a ingmi hna caah zeiti maw tal in hman thiam ka duh ve. Ram ttha, ram luat, ram rum ah a ka chiahmi thluachuahnak ahhin rian zong aa tel chih tiah ka lung a van pem tthan. A fa le kanmah nih cawng ve hna seh a kan ti lo a si ahcun amah nih a tuah diam cang hnga si, lo mei? Pathian nih tinhmi ngei loin thil a can termi a um lo. A kan tinhpiak ciomi kawl cuahmah hi a nuam ka ti.

Mah hla nih hin na lung chung i  biahalnak na rak ngeihmi cheu khat tal in let ve hram seh!

Leave a Reply

Your email address will not be published. Required fields are marked *