Voksa Sipyan-Burmese Style Pork Curry

Mah meh hi a kaa chuakmi nan um sualah ka tuahdan ka rak ttial.

11174683_10155512214485263_1312282105273943433_o

Zeiruang ah dah keimah tuahdan tiah ka auh ti ahcun kaa tinhmi cu Kawl meh, voksa sipyan a si ko nain, a chuakmi hi phundang te a si. Chiti an rak kir tthan ti lo hehe, nain a thawt ngai ve ko caah ka rak share nak a si.

Norway ka phanh hnu, inn in khuadang ah kaa tthial hnu lawng in rawlchuan aa thawkmi ka si caah meh a har deuh pawl cu ka thiam rih hna lo. Atu inn ah ka um hnu hin ka cawng cuahmah.

A tanglei meh chuannak ah hin suimilam 2 a rau.

Aa telmi

Voksa -1kg hrawng ka chuan.

Voksa dip

Chiti – Keu 2 (tablespoon) ka hman

Cite

Aihre

A zawngttin

Piat

Aithing

Vankhawng

Aalu

Meh bawmtu

Pe

Kawpi Hlum

Piat

Cite, Hmanphek, MSG (achomungh)

(By the way, nizan Norway TV rawlchuan channel ah MSG aa hunh i ka au len)

Tuahning

Voksa thiang tein ttawlmi kha style nawn tete can ding ;). Dihin aihre, a zawngttin, cite, voksa dip, chiti keu 2 le piat, vankhawng, aithing phomhmi, le voksa canmi pawl kha cawh dih ding. Cun, ti tlawmpal peihin mei ah khin ding a si cang ko.

11136667_10155512204710263_3112149232688376060_n

Mei kha a laifang (medium heat) in tuah ah a ttha an ti mi ka theih bal caah 3 le 4 ka thlen peng hna (kan rawlchuannak mei ah 1 in 6 tiang a um). Ti a tam deuh caan i a kang lai ti ka phan lo ahcun 5 hna ka pek, hngah ka huam lo i ka hlen pah bia.

11076998_10155512209525263_8423264808850115623_n

Aalu peih chih ka duh caah ka sabel kha suimilam 1 le cheu aa chuan hnu ah ka peih. Suimilam cheu hrawng van hngah ahcun aalu zong a hmin cang ko. Chiti cu kan chim cia bang, a kir lo. Sau deuh hngak ning law a kir hnga maw dik?

11206002_10155512212540263_4857599178144818412_n

Meh toh kha cu pe le kawpi le piat he ka toh ko.

11252602_10155512217620263_7383483452587234908_n

Tihang caah cun ti le kawpi ka cuar. Adang meh kha a taste a tam tuk cang i zeihmanh zong ka ttamh lem lo. Tihang ttamh zong cu ka thiam lo i aho poah caah aa rem kan ti lai cu.

Ok, bon appetit!

10501944_10155512226605263_8853744245825334718_n

Leave a Reply

Your email address will not be published. Required fields are marked *