Sabuti Hmanphek – Zanriah Ca Zongah a Thawmi

Restaurant ka kal poah i ka bia meilah cu, chili sauce na ka pe kho lai maw asilole hmanphek na ka hunh kho lai maw, timi a si. Chim duhmi, hmanphek ka uar bak. Kristiansand i Uni dorm i keimah lawng ka um hmanhah sum a ngan takmi 400Kr in kaa cawk i kanu a ciah tuk. Family size khi a si cuh! Hmanphek phomh lo cu ka ruat kho bak ko hen ta. Inn ka tlun lai cun kapa nih, Ni Tha Bor tlung lai, hmanphek cawk philh hlah uh, a ti, an ti.

Tu zanlei ka tuahmi hmanphek a tuah dan a fawimi te ka rak in share hna.

11187772_10155503938900263_8757037785502735372_o

Hakha i sabuti he a kan pek tawnmi bantuk kha a si. Hakha ta cu a tluk bak lai lo nain a thawtnam dan ka philh pah cang i atu ta hi a okay ngai ko. Hakha lei in ka blog a relmi an um sual cun rak kan remhpi te hna seh. J

A herhmi

Nannan

Piat (A hme deuhmi, shallot timi khi a thaw ka ti)

Hmanphek car

Cite

Achomongh (na ttih lo ahcun peih)

Tuah Dan

10291060_10155503930090263_4928888622229082295_n

Hmanphek carmi kha chiti he na reu lai (reucia ngeih dawh na si ko), cite le a chomongh (mah nawl) he na phomh lai hnuah chiti na linhmi na toih lai.

11218861_10155503930490263_1819597587693621754_n

Nandan le piat pan nawn tete in na riammi le na hmanphek kha cawh hna law tisa tawmpal in cawh chih. Saupi chiah khawh a si.

Sabuti he ei ahcun a mak bak ko lai. Buh le khohsuai he zong thaw tthiam.

IMG_3704

Achomongh (MSG) kongah

A ttha bak lo cu kan hngalh dih. Ei lo ah cun a ttha. Meh le tihang pawl ahcun arsa dip, voksa dip deuh MSG can ah ka hman ko nain hmanphek ahcun aa tlak tuk i ka hman rih ko. Tlawmte kan hman caah ka hnangam pah. A hnu ah cun ei lo hna kan i zuam cio lai cu. A caan caan ah ka tuak,  ngandamnak (healthy) mi lawng kan i thim i kan ei ahcun thinghnah lawng ttam kan kiah lai, tiah. Mah le ruahning cio!

Leave a Reply

Your email address will not be published. Required fields are marked *