London Zaan 3 Riak Tlawn ah Zeizat Hrawng Dah a Dih? Budget Travelling

Kan hnu thla ah Flo he zaan 3 riak in London ah kan va kal. Kal kan duhnak a sau tuk cang i kan i ngaih lawlaw bak khi si, kan tlawn hlan zarh 2 aa duh in vanlawng ticket le hotel pawl kan i cah dih lawng si loin kan umnak hotel in minthang hmunhma pawl zeitin dah kan kal lai ti tiang khi kan i zoh cia dih. Mah pinah minute zeizat dan in dah vawleitang tlawnglawng (anmah holhin tube, Norway holh in t-bane) pawl an chuah hei ti tiang khi kan zoh dih. Kan i ngaih tuk dan khi ka chim bia.

Flo he keimah he phaisa tam a ngei lo veve mi kan si ti cu chim ti duh hlah ning. Kanmah bantuk siangngakchia khualtlawn a huam vemi caah budget nan suai khawh nakhnga ka dihmi a tangah ka rak ttial lai. Khuaruat bu tein kan kal i kanmah nih cun phaisa tlo leiah kan za pah ko tiah kan i ruah. Careltu nih zeitin dik nan ruah hnga. Mah nakin a tlo deuhnak lam hna a um cun rak kan chim ve u law tiah.

April 27 zingka 11AM hrawng ah London kan phan i April 30, 2PM ah Norway kan phan tthan. Rawl tamtuk nan ei rua na kan ti sual lai ti phan ah ka rak chim ta bia.

IMG_6886

Minung pakhat ca a si lai mu.

Air ticket

Oslo-London (Norwegian) –          300Kr

London- Torp/Norway (Ryanair)- 89Kr

Transport to/from airport

Gatwick airport – London (Easybus) – 130 Kr

London – Stansted airport (Easybus) – 90 Kr

Torp airport – Borte Pa te inn (train/bus) – 150Kr

Hotel

Twin room, zaan 3, minung pakhat ca – 1350 Kr

Khuachung transport

Oyster card (pay as you go)-kan um chung vialte – 270 Kr

(kan hmang lawlaw bak si, a miak ka ti)

Eidin/Coffee/ Ticket printnak – 700 Kr

Shampoo/Ti/ Ei supsap -130 Kr

A zapi fonh – 3209 Kr (277 British Pound= 420 US Dollar)

Flo nih a pa phaisa a cah hnik lio ;), capo
Flo nih a pa phaisa a cah hnik lio ;), capo

Phaisa thlennak ah XE currency converter ka hman.

IMG_6653

Adang laksawng kan cawkmi, angki phor kan cawkmi le cosmetic kan cawkmi heiti pawl cu pumpak kong a si ko i ka telh lo. A cunglei kha dih a hau bakmi a hrawnghrang a si. Mah a dihmi pawl hi tlawm ter deuh khawh zong a si, a biana ah airport kalnak easybus timi hoi hna kha cu tuan ah cawk cun a man a fawi deuh ngai. Cun, hostel a man a fawi deuhmi ah na um ahcun umman a tlawm deuh hnga cu. Paris ka rak kal lio ah hostel ah ka um i a man aa deng deuh. Nain, tutan cu nu pa hnih lawng kan si tikah tlawmpal a buai deuh lomi kan duh caah hotel kan lak bia a si. Cun vanlawng man zong kha Ryanair ta man fawimi a dih hlan ah cawk manh ahcun mah zong ah khan a tlawm deuh khomi a si. Kan umnak hotel a phu maw phu lo ti zong a dang in review ka rak tuah te lai.

Ka bia sau. Na rel caah kaa lawm, na caah santlai hram ko seh!

Kensington Palace - Flo camera nih a ka khen sualmi
Kensington Palace – Flo camera nih a ka khen sualmi

Aw, Flo ka ti lengmang mi kha ka hawi nu Florence a si, a aw ttha ngaimi kha, a mui zong aa dawh. (Coffee a ka dangh a hau cang). Flo cu a fim tuk i amah he khualtlawn a nuam tuk ka ti. (Coffee hrai 2).

Leave a Reply

Your email address will not be published. Required fields are marked *