Kanu Chuahni le Chuan Fawi Puai Rawl

Nihin, May 2, hi kanu chuahni a si pinah kapa Norway a rak phanh ni a si. Kan khua ummi minung 20 hrawng thlacam le rawlei tti kan kawh hna i zingka tein, kanu le kapa he Asian dawr ah kan va kal, zingka te ti cu 9AM hrawng khi. Norway thilman van tuakchun khawh nakah a tanglei bawm khat in thil kan cawk ah Norway phaisa 650Kr (86 USD hrawng) kan dih.11157575_10155493703080263_98437831764239668_o

Naihrawng cu dollar man a kai ngai i ramdang in a rami thilri pawl an man a kai ngai, hmanphek tthoh 1 ah 10Kr in an zuar tawnmi kha 15Kr ah a kai.

Nai ah khan kanu Sandnes (Rosielynn Tin te khua) ah meeting tuah ah a va kal i kanu Thawngpi nu (Pastor Salai Ceu Mang nupi) nih ciazaan-ongnuh-arsa (zeidah ka chim duhnak ti cu a tanglei ah a ra lai) cawh i chuanmi a rak dangh hna. Kanu nih a uar tuk i mah cu kan tuah lai a ka ti. A man a fak lo pinah a har tuk lem lo i ka rak in share ve hna.

A mui cu mahhi si.11210451_10155494841265263_225252476304080982_n

A herhmi thil pawl

(Minung 25 hrawng ca)

Pee          (1kg cu a za diam)

Arsa   (minung 8 ah ar pum 1 in tuak ah a za, an ti)

Coconut milk – 2 (kanu hman zat)

Ciazaan (vermicelli) – chei zat

Arti – duh zat (pum 18 kan chuan)

Piat (a hme nawnmi pum 4)

Khachuan (ba 2)

Chiti – mah le tuak ning cio in

Arsa dip (chicken powder- MSG can ah hman awkah)

Cite/Nganpiayi/Soy sauce1510383_10155493712935263_995093023455911329_n

Eichih ding (side-dish)

Nannan

Kawpi Hlum

Anttam thor

Retei (Lemon/Lime)

Anttam thor

Tuah Ning

Pee ah hin yellow split peas timi hi ka uar bik. Adang chanaa daal timi bak kha cu buri rim a nam ka ti. Mah pee kha zaan ah na ciah cia ahcun a mak tuk lai. Mah pe le arsa le cite tlawmpal kha bel in na hei khin tti ko hna lai.

Sa le pee aa chuan cuahmah lio ah khan arti na chum, cun kawpi hlum le nannan zong ttawl law riam, cun piat kha riam, khachuan kha phomh law kio chung hna. Piat na kio cianak chiti in khachuan phomh kio khawh a si ko. Amui i dawh deuh seh na ti cu aihre le a senmi te zong kha peih chih ko.11174790_10155494087965263_6683774276281787591_n

Mah vialte na tuah dih in cun na pee a maan lai i na arsa a hmin ngai cang lai. Arsa kha chuah law daih ter. Mah kar ah, anttam thor (lai anttam thor na ngeih lo zongah Thailand in a rami kha a thaw tthiam ko) kha na duhning tein toh. 11205140_10155494085220263_8126066640265216342_n

Kei anttamthor ka toh dan cu aithing le hmanphek ka phomh i nannan tlawmpal, piat tlawmpal le chiti tlawmpal he ka toh.

Arsa a daih in a ruh chuah law a sa tete kha cheuhmaan hna. Pee soup chung ahkhan khachuan le piat na kiomi le arsa tete kha peih chih hna. Coconut a duh lomi caah bel dang tein na soup kha tthen law a duhmi caah coconut milk bawm 2 in cawh chih.10632839_10155494086435263_5509280795305568146_n

Soup a tlawh lio ah arti hawng khek law riam hna. Ciazaan zong chuan khawh a si cang.

A zapi a dih in cun na duh ning tein ei khawh a si cang. Mah kan chuanmi hi a min auh awk ka hngal lo. Kawl ongnoh khohsuai timi he aa lo maw ti ka zoh i unau tal cu an si kho ko.

11220815_10155494087230263_8577451116296311804_n

Test na timh ahcun, telh ding le chuan ning ka ttial ning bak tein chuan a hau lo, duhmi chap, uar lomi peih lo khawh a si tuk. Mah cu rawlchuan cawn a nuam phun a si ka ti.

Kanu cu amah nih cun kum 47 ka si a ti lengmang nain, kapa nih a ti tuk i, 49!! tiah duh lo bu tein a chim lawlaw. Happy Birthday, kanu! <3 Nang hi cu kan dawt bak ko. IMG_4262

Leave a Reply

Your email address will not be published. Required fields are marked *